ກ່າວຄໍາເຫັນທີ່ກອງປະຊຸມ, ທ່ານ ຟ້າມມິງຈິ໊ງ ຢັ້ງຢືນວ່າ ການລົງທຶນພາກລັດແມ່ນໜ້າທີ່ການເມືອງຈຸດສຸມ, ມີບົດບາດສຳຄັນພິເສດທັງດ້ານເສດຖະກິດ, ການເມືອງ, ສັງຄົມ, ການປ້ອງກັນຊາດ-ປ້ອງກັນຄວາມສະຫງົບ, ທັງມີລັກສະນະຮີບດ່ວນ, ທັງມີຄວາມໝາຍຍຸດທະສາດ ແລະແມ່ນໜ້າທີ່ຈຸດສຸມເພື່ອປະກອບສ່ວນຊຸກຍູ້ການເຕີບໂຕ, ຮັກສາເສດຖະກິດມະຫາພາກໃຫ້ມີຄວາມໝັ້ນທ່ຽງ, ຮັບປະກັນຄວາມສົມດຸນໃຫຍ່ຂອງພື້ນຖານເສດຖະກິດ.

leftcenterrightdel
ທ່ານ ຟ້າມມິງຈິ໊ງ ນາຍົກລັດຖະມົນຕີ ກ່າວຄໍາເຫັນທີ່ກອງປະຊຸມ. ພາບ: vov.vn

ການລົງທຶນພາກລັດສ້າງພື້ນຖານໂຄງລ່າງດ້ານເສດຖະກິດ-ສັງຄົມ, ປະກອບສ່ວນແກ້ໄຂສິ່ງທີ່ຄົງຄ້າງ, ສ້າງການພັດທະນາໃໝ່, ເພີ່ມທະວີການເຊື່ອມຕໍ່, ຫຼຸດຄ່າໃຊ້ຈ່າຍ logistic; ຍົກສູງຄວາມສາມາດແກ່ງແຍ້ງຂອງທ້ອງຖິ່ນ, ເຂດ ແລະປະເທດ. ທ່ານນາຍົກລັດຖະມົນຕີ  ຢັ້ງຢືນວ່າ ລັດຖະບານ, ນາຍົກລັດຖະມົນຕີ ຍາມໃດກໍ່ເອົາໃຈໃສ່, ຊີ້ນໍາຢ່າງຂ້ຽວຂາດ, ໃກ້ຊິດຕິດແທດຊຸກຍູ້ການປ່ອຍເງິນລົງທຶນພາກລັດ, ຜັນຂະຫຍາຍໂຄງການເປົ້າໝາຍແຫ່ງຊາດ.

ເນັ້ນໜັກວ່າກອງປະຊຸມມີຄວາມໝາຍສໍາຄັນທີ່ສຸດເພື່ອປຶກສາຫາລື, ເຮັດແຈ້ງຂໍ້ຄົງຄ້າງໃນການປ່ອຍເງິນລົງທຶນພາກລັດ, ທ່ານນາຍົກລັດຖະມົນຕີ ຮຽກຮ້ອງໃຫ້ບັນດາລັດຖະມົນຕີ, ຫົວໜ້າຂະແໜງການ, ຜູ້ນໍາບັນດາອົງການ, ທ້ອງຖິ່ນຊີ້ແຈ້ງສະພາບການປ່ອຍເງິນລົງທຶນພາກລັດ; ໃຫ້ຄໍາໝັ້ນສັນຍາກ່ຽວກັບຄວາມໄວໃນການປ່ອຍເງິນລົງທຶນນີ້.

ໂດຍ: ໄຊນີດາ