ສະມາຄົມເກີບໜັງ - ກະເປົ່າຫວຽດນາມ (Lefaso) ຄາດຄະເນວ່າ ວົງເງິນການສົ່ງອອກຂອງຂະແໜງໃນປີນີ້ຈະບັນລຸແຕ່ 26 – 27 ຕື້ໂດລາສະຫະລັດ. ເພື່ອບັນລຸໄດ້ຄາດໝາຍນີ້, ຂະແໜງເກີບໜັງຫວຽດນາມ ຕ້ອງສືບຕໍ່ເປີດກວ້າງ ແລະຫັນຕະຫຼາດເປັນຫຼາຍຮູບຫຼາຍແບບ, ພ້ອມທັງເອົາໃຈໃສ່ເປັນພິເສດເຖິງການຮັກສາຕະຫຼາດທີ່ມີມາແຕ່ດົນນານ, ຄື: ອາເມລິກາ, ສະຫະພາບເອີລົບ (EU).

leftcenterrightdel
ການຜະລິດເກີບ ເພື່ອສົ່ງອອກໄປຍັງ EU ຂອງ ຫວຽດນາມ. ພາບ: ສໍານັກຂ່າວສານຫວຽດນາມ

ໃນ 6 ເດືອນຕົ້ນປີ 2024, ວົງເງິນການສົ່ງອອກເກີບໜັງຫວຽດນາມ ບັນລຸກ່ວາ 6,5 ຕື້ໂດລາສະຫະລັດ, ເພີ່ມຂຶ້ນ 5,7%ເມື່ອທຽບໃສ່ໄລຍະດຽວກັນຂອງປີ 2023. ອາເມລິກາ ກວມເອົາອັດຕາສ່ວນໃຫຍ່ປະມານ 35%, ຖັດຈາກນັ້ນແມ່ນ ສະຫະພາບ ເອີລົບ (EU) 26%. ບັນດານັກຊ່ຽວຊານຖືວ່າ ຫວຽດນາມ ມີທ່າໄດ້ປຽບໃນການແກ້ງແຍ້ງພໍສົມຄວນເມື່ອທຽບໃສ່ກັບບັນດາປະເທດທີ່ຜະລິດ, ສົ່ງອອກສິນຄ້າປະເພດເກີບໜັງ, ກະເປົ່າອື່ນໆ. ຫວຽດນາມ ແມ່ນປະເທດມີສັນຍາການຄ້າເສລີຫຼາຍສະບັບ, ກວມເອົາກວ່າ 60% ປະລິມານການຄ້າທົ່ວໂລກ.

ໂດຍ: ກວຽດເຕິມ