ໄວໜຸ່ມ Viettel ປະກອບກວ່າ 4.500 ຂໍ້ລິເລີ່ມ ແລະແນວຄວາມຄິດທີ່ມີຄຸນຄ່າ
ກປ.ອອນໄລ - ແນໃສ່ເສີມຂະຫຍາຍພູມປັນຍາ, ຄວາມສາມາດປະດິດຄິດສ້າງຂອງໄວໜຸ່ມໃນການເຂົ້າຮ່ວມການເຄື່ອນໄຫວຂໍ້ລິເລີ່ມ, ແນວຄວາມຄິດ, ກຸ່ມບໍລິສັດອຸດສາຫະກຳ-ໂທລະຄົມມະນາຄົມກອງທັບ (Viettel) ໄດ້ປະຕິບັດວຽກງານໂຄສະນາເຜີຍແຜ່ເຖິງສະມາຊິກຊາວໜຸ່ມ, ຊາວໜຸ່ມທຸກຄົນກ່ຽວກັບຈຸດປະສົງ, ຄວາມໝາຍ, ຄວາມສໍາຄັນຂອງກິດຈະກໍາ; ມີຫຼາຍມາດຕະການສົ່ງເສີມ, ລະດົມກໍາລັງໃຈ, ສ້າງກໍາລັງໜູນ ເພື່ອໃຫ້ໄວໜຸ່ມຕັ້ງໜ້າ, ເປັນເຈົ້າການເຂົ້າຮ່ວມການຄົ້ນຄວ້າ, ຜະລິດ.
ພ້ອມກັນນັ້ນ, ປະຕິບັດວຽກງານຍ້ອງຍໍ, ຊົມເຊີຍບັນດາຂໍ້ລິເລີ່ມ, ແນວຄວາມຄິດທີ່ມີຄຸນນະພາບດີຢ່າງທັນການຕາມຂໍ້ກຳນົດກົດລະບຽບຂອງກຸ່ມບໍລິສັດ.
ໃນ 5 ປີຜ່ານມາ, ໄວໜຸ່ມ Viettel ໄດ້ປະກອບກວ່າ 4.500 ຂໍ້ລິເລີ່ມ ແລະແນວຄວາມຄິດ, ນຳມາເຊິ່ງມູນຄ່າຜົນປະໂຫຍດກວ່າ 500 ຕື້ດົ່ງ. ສະເພາະປີ 2023, ໄວໜຸ່ມກຸ່ມບໍລິສັດໄດ້ມີເກືອບ 1.000 ຂໍ້ລິເລີ່ມ ແລະແນວຄິດສ້າງມູນຄ່າກວ່າ 150 ຕື້ດົ່ງ. ຫຼາຍຂໍ້ລິເລີ່ມ ແລະແນວຄວາມຄິດໄດ້ນຳໃຊ້ເຂົ້າໃນໂຄງການ, ຜະລິດຕະພັນ ແລະການບໍລິການຂອງ Viettel, ຍາດໄດ້ລາງວັນສູງທີ່ການແຂ່ງຂັນພາຍໃນ ແລະໂລກ; ໄດ້ຮັບການຮັບຮູ້ວ່າແມ່ນຊັບສິນທາງປັນຍາ, ໄດ້ຮັບໃບຢັ້ງຢືນປະດິດຄິດສ້າງມີສິດຜູກຂາດພາຍໃນປະເທດ ແລະສາກົນ. ປີ 2023, Viettel ມີ 56 ໃບຢັ້ງຢືນປະດິດຄິດສ້າງທີ່ມີສິດຜູດຂາດ.
ໂດຍ: ໄຊນີດາ