ຄະນະປະຕິບັດງານກະຊວງປ້ອງກັນປະເທດຫວຽດນາມ ນໍາໂດຍທ່ານພົນໂທ ຮວ່າງຊວນຈ໊ຽນ ກໍາມະການສູນກາງພັກ, ຮອງລັດຖະມົນຕີກະຊວງປ້ອງກັນປະເທດ. ເຂົ້າຮ່ວມການກວດກາມີທ່ານ ພົນຕີ ເລກວາງມິງ, ຮອງຫົວໜ້າກົມໃຫຍ່ການເມືອງກອງທັບປະຊາຊົນຫວຽດນາມ; ທ່ານນາງ ຈ໊າງທິຊວນ ຮອງປະທານຜູ້ປະຈໍາການຄະນະກໍາມະການປະຊາຊົນແຂວງເຊີນລາ; ການນໍາກອງບັນຊາການທະຫານຊາຍແດນ, ກອງບັນຊາການທະຫານເຂດ 2...
ຄະນະປະຕິບັດງານກະຊວງປ້ອງກັນປະເທດລາວ ນໍາໂດຍທ່ານພົນໂທ ວົງຄໍາ ພົມມະກອນ ກໍາມະການສູນກາງພັກປະຊາຊົນປະຕິວັດ ລາວ, ຮອງລັດຖະມົນຕີກະຊວງປ້ອງກັນປະເທດ ລາວ.
    |
 |
|
ກວດກາກິດຈະກໍາເຄື່ອນໄຫວຕ່າງໆຮອບສຸດທ້າຍຢູ່ດ່ານຊາຍແດນ ລ໊ອງເສີບ. ພາບ: qdnd.vn |
|
|
 |
|
ກວດກາກິດຈະກໍາເຄື່ອນໄຫວຕ່າງໆຮອບສຸດທ້າຍ ຢູ່ດ່ານຊາຍແດນ ປ່າຮາງ. ພາບ: qdnd.vn |
ທ່ານພົນໂທ ຮວ່າງຊວນຈ໊ຽນ ແລະພົນໂທ ວົງຄໍາ ພົມມະກອນ ພ້ອມດ້ວຍຄະນະປະຕິບັດງານທັງສອງຝ່າຍ ໄດ້ກວດການກິດຈະກໍາຕ່າງໆໃນຂອບເຂດງານພົບປະແລກປ່ຽນຢູ່ສະຖານທີ່ຕ່າງໆ, ຄື: ດ່ານຊາຍແດນ ລ໊ອງເສີບ/ປ່າຮາງ, ໂຮງຮຽນປະຖົມສົມບູນ ແລະມັດທະຍົມຕອນຕົ້ນປ່າຮາງ, ຄ້າຍທະຫານຊາຍແດນ ດ່ານລ໊ອງເສີບ, ໂຮງຮຽນປະຖົມສົມບູນ ແລະມັດທະຍົມຕອນຕົ້ນ ລ໊ອງເສີບ, ສໍານັກງານປົກຄອງເມືອງມົກເຈົາ...
|
|
 |
|
ກວດກາກິດຈະກໍາເຄື່ອນໄຫວຕ່າງໆ ຮອບສຸດທ້າຍ ຢູ່ໂຮງຮຽນປະຖົມສົມບູນ-ມັດທະຍົມຕອນຕົ້ນ ປ່າຮາງ. ພາບ: qdnd.vn |
ທ່ານພົນໂທ ຮວ່າງຊວນຈ໊ຽນ ແລະພົນໂທ ວົງຄໍາ ພົມມະກອນ ໄດ້ຍ້ອງຍໍຊົມເຊີຍ ແລະຕີລາຄາສູງບັນດາພາກສ່ວນທີ່ກ່ຽວຂ້ອງຂອງກະຊວງປ້ອງກັນປະເທດທັງສອງປະເທດ ທີ່ໄດ້ຕັ້ງໜ້າ, ເປັນເຈົ້າການຜັນຂະຫຍາຍວຽກງານກະກຽມ; ຂອບໃຈຕໍ່ການປະສານສົມທົບກັນຢ່າງແໜ້ນແຟ້ນຂອງບັນດາຄະນະ, ພະແນກ, ຂະແໜງການ, ທ້ອງຖິ່ນແຂວງເຊີນລາ ແລະແຂວງຫົວພັນ; ສະແດງຄວາມເຊື່ອໝັ້ນວ່າດ້ວຍການກຽມຄວາມພ້ອມຢ່າງລອບຄອບຖີ່ຖ້ວນ, ງານພົບປະແລກປ່ຽນມິດຕະພາບ ປ້ອງກັນຊາດເຂດຊາຍແດນ ຫວຽດນາມ-ລາວ ຄັ້ງທີສອງ ຈະປະສົບຜົນສໍາເລັດຢ່າງຈົບງາມ, ເປີດໜ້າປະຫວັດສາດໃໝ່ໃນການຮ່ວມມືດ້ານປ້ອງກັນຊາດສອງຝ່າຍ, ສ້າງຄວາມປະທັບໃຈທີ່ດີກ່ຽວກັບນໍ້າໃຈມິດຕະພາບ, ຄວາມສາມັກຄີລະຫວ່າງກອງທັບ ແລະປະຊາຊົນສອງປະເທດ.
|
|
 |
|
ກວດກາການຝຶກຊ້ອມຮ່ວມຈັບກຸ່ມອາດຊະຍາກໍາຂ້າມຊາຍແດນ ຮອບສຸດທ້າຍ. ພາບ: qdnd.vn |
|
|
 |
|
ກວດກາກິດຈະກໍາເຄື່ອນໄຫວຕ່າງໆຮອບສຸດທ້າຍ ຢູ່ຄ້າຍທະຫານຊາຍແດນ ດ່ານລ໊ອງເສີບ. ພາບ: qdnd.vn |
ງານພົບປະແລກປ່ຽນມິດຕະພາບປ້ອງກັນຊາດເຂດຊາຍແດນຫວຽດນາມ-ລາວ ຄັ້ງທີສອງ ຈະດໍາເນີນແຕ່ວັນທີ 22 ຫາວັນທີ 23 ຕຸລາ ຢູ່ເຂດເມືອງມົກເຈົາ, ແຂວງເຊີນລາ ແລະເມືອງສົບເບົາ, ແຂວງຫົວພັນ. ຄະນະຜູ້ແທນຫວຽດນາມ ນໍາໂດຍ ທ່ານພົນເອກ ຟານວັນຢາງ ກໍາມະການກົມການເມືອງ, ຮອງເລຂາຄະນະພັກການທະຫານສູນກາງ, ລັດຖະມົນຕີກະຊວງປ້ອງກັນປະເທດຫວຽດນາມ ແລະຄະນະຜູ້ແທນລາວ ນໍາໂດຍ ທ່ານພົນເອກ ຈັນສະໝອນ ຈັນຍາລາດ ກໍາມະການກົມການເມືອງສູນກາງພັກປະຊາຊົນປະຕິວັດລາວ, ຮອງນາຍົກລັດຖະມົນຕີ, ລັດຖະມົນຕີກະຊວງປ້ອງກັນປະເທດ ລາວ ເຂົ້າຮ່ວມ.
|
|
 |
|
ກວດກາກິດຈະກໍາເຄື່ອນໄຫວຕ່າງໆຢູ່ໂຮງຮຽນປະຖົມສົມບູນ ແລະມັດທະຍົມຕອນຕົ້ນ ລ໊ອງເສີບ ຮອບສຸດທ້າຍ. ພາບ: qdnd.vn |
ໃນຂອບເຂດງານພົບປະແລກປ່ຽນມິດຕະພາບ ຈະມີບັນດາກິດຈະກໍາຕ່າງໆທີ່ອຸດົມສົມບູນ ແລະມີຄວາມໝາຍ, ຄື: ເຄົາລົບ ແລະແຕ້ມສີຫຼັກໝາຍຊາຍແດນ; ປູກຕົ້ນໄມ້ມິດຕະພາບ; ຢ້ຽມຊົມສວນດອກໄມ້ມິດຕະພາບນາຍທະຫານໜຸ່ມ ຫວຽດນາມ-ລາວ; ຢ້ຽມຢາມ ແລະມອບຂອງຂວັນໃຫ້ຄ້າຍທະຫານຊາຍແດນດ່ານລ໊ອງເສີບ, ໂຮງຮຽນປະຖົມສົມບູນ-ມັດທະຍົມຕອນຕົ້ນຢູ່ສອງຟາກຊາຍແດນ; ຊົມການຝຶກຊ້ອມຮ່ວມ ສະກັດກັ້ນ ແລະຈັບກຸ່ມອາດຊະຍາກໍາຂ້າມຊາຍແດນ; ເປັນສັກຂີພິຍານການລາດຕະເວນຮ່ວມລະຫວ່າງກໍາລັງປ້ອງກັນຊາຍແດນສອງປະເທດ; ພົບປະແລກປ່ຽນວຽກງານການເມືອງ ແລະນາຍທະຫານໜຸ່ມກອງທັບສອງປະເທດ... ສອງຝ່າຍ ຈະດໍາເນີນການພົບປະເຈລະຈາ ແລະລົງນາມເອກະສານຮ່ວມມືບາງສະບັບ, ເປັນພື້ນຖານສໍາຄັນເພື່ອຜັນຂະຫຍາຍການພົວພັນຮ່ວມມືດ້ານປ້ອງກັນຊາດໃນໄລຍະຈະມາເຖິງ ຢ່າງມີປະສິດທິຜົນ.
ໂດຍ: ໄຊຊະນະ