ຫວຽດນາມ ແລະອັງກິດ ລົງນາມໃນຂໍ້ຕົກລົງຮ່ວມມືຕ້ານການອົບພະຍົບຜິດກົດໝາຍ
ກປ.ອອນໄລ - ຫວຽດນາມ ແລະອັງກິດ ໃຫ້ຄຳໝັ້ນສັນຍາເພີ່ມທະວີການຮ່ວມມືໃນການໂຄສະນາສື່ສານ ເພື່ອແນໃສ່ກ່າວເຕືອນຄວາມສ່ຽງຈາກການອົບພະຍົບໄປຍັງ ອັງກິດ ຢ່າງຜິດກົດໝາຍ.
ຫວ່າງແລ້ວນີ້, ຢູ່ນະຄອນຫຼວງລອນດອນ, ປະເທດອັງກິດ, ທ່ານພັນເອກພິເສດ ຫວູວັນຮືງ, ຮອງຫົວໜ້າກົມຄຸ້ມຄອງການເຂົ້າ-ອອກເມືອງ, ກະຊວງຕຳຫຼວດ ແລະທ່ານ Michael Tomlinson ຮອງລັດຖະມົນຕີກະຊວງພາຍໃນຮັບຜິດຊອບປ້ອງກັນ, ຕ້ານການອົບພະຍົບຜິດກົດໝາຍໄດ້ລົງນາມໃນຖະແຫຼງການຮ່ວມກ່ຽວກັບການຮ່ວມມືປ້ອງກັນ, ຕ້ານການອົບພະຍົບຜິດກົດໝາຍ, ຢັ້ງຢືນຄືນໃໝ່ການພົວພັນຄູ່ຮ່ວມມືທີ່ແໜ້ນແຟ້ນລະຫວ່າງສອງປະເທດ.
![left](/image/images/left.png) ![center](/image/images/center.png) ![right](/image/images/right.png) ![del](/images/red-error_16px.gif) |
![](https://file3.qdnd.vn/data/images/26/2024/04/19/upload_2122/19042024_th_01.jpg?dpi=150&quality=100&w=500) |
ເຮືອບັນທຸກຜູ້ອົບພະຍົບຂ້າມຊ່ອງແຄບ Manche ໄປຫາຝັ່ງທະເລທາງພາກໃຕ້ຂອງອັງກິດ, ວັນທີ 18 ກໍລະກົດ 2023. ພາບ: AFP/ສໍານັກຂ່າວສານຫວຽດນາມ |
ຕາມຂໍ້ຕົກລົງແລ້ວ, ຫວຽດນາມ ແລະອັງກິດ ໃຫ້ຄຳໝັ້ນສັນຍາເພີ່ມທະວີການຮ່ວມມືໃນການສື່ສານແນໃສ່ກ່າວເຕືອນຄວາມສ່ຽງຈາກການອົບພະຍົບ ໄປອັງກິດ ຜິດກົດໝາຍ. ສອງຝ່າຍກໍ່ເພີ່ມທະວີການແບ່ງປັນຂໍ້ມູນຂ່າວສານແນໃສ່ສະກັດກັ້ນການສວຍໃຊ້ວີຊາ ແລະສືບຕໍ່ສ້າງຄວາມສະດວກໃຫ້ການກັບຄືນປະເທດຂອງຜູ້ອົບພະຍົບທີ່ບໍ່ມີເງື່ອນໄຂ ຢູ່ອັງກິດ ຢ່າງຖືກຕ້ອງຕາມກົດໝາຍ.
ນອກຈາກນັ້ນ, ສອງຝ່າຍກໍ່ຈະສ້າງແຜນການດໍາເນີນງານຮ່ວມແນໃສ່ປົກປ້ອງຜູ້ຖືກສ່ຽງໄພສູງກວ່າ ແລະສະກັດກັ້ນການຄ້າມະນຸດ, ພ້ອມທັງສືບຕໍ່ຮັກສາກົນໄກ ແລະການຕິດຕໍ່ສື່ສານແບ່ງປັນຂໍ້ມູນຂ່າວສານໂດຍກົງ ແລະມີປະສິດທິຜົນ. ຂໍ້ຕົກລົງດັ່ງກ່າວລວມມີການຮ່ວມມືລະຫວ່າງສອງປະເທດແນໃສ່ຊຸກຍູ້ການອົບພະຍົບໄປ ອັງກິດ ຢ່າງຖືກຕ້ອງຕາມກົດໝາຍ.
ໂດຍ: ເຈິ່ນຮວ່ຽນ