ໂຮງໝໍກອງທັບ 103
ໜູນຊ່ວຍປະເທດລາວ ເປັນເຈົ້າການດ້ານເຕັກນິກໃນການຜ່າຕັດປ່ຽນໝາກໄຂ່ຫຼັງເທື່ອລະກ້າວ
ກປ.ອອນໄລ - ຄະນະປະຕິບັດງານຂອງໂຮງໝໍກອງທັບ 103, ວິທະຍາຄານການແພດກອງທັບຫວຽດນາມ ຫາກໍ່ໜູນຊ່ວຍໂຮງໝໍສູນກາງ 103, ກອງທັບປະຊາຊົນລາວ ປະຕິບັດການຜ່າຕັດປ່ຽນໝາກໄຂ່ຫຼັງ 4 ຄູ່ຈາກຜູ້ບໍລິຈາກໃຫ້ຊີວິດ.
ການຜ່າຕັດດັ່ງກ່າວໄດ້ດໍາເນີນໄປຕາມຂັ້ນຕອນດ້ານເຕັກນິກ, ໂດຍທີມເຕັກນິກຂອງລາວ ພາຍໃຕ້ການແນະນໍາຂອງນັກຊ່ຽວຊານຫວຽດນາມ. ວັນທີ 9 ເມສາ, ສຸຂະພາບຂອງຄົນເຈັບເປັນປົກກະຕິ, ໝາກໄຂ່ຫຼັງຂອງເຂົາເຈົ້າກໍ່ເຄື່ອນໄຫວເປັນປົກກະຕິດີ ແລະກໍ່ໄດ້ອອກຈາກໂຮງໝໍ. ບັນດານັກຊ່ຽວຊານຫວຽດນາມ ໄດ້ຕີລາຄາວ່າ ທີມເຕັກນິກຂອງປະເທດເພື່ອນເປັນເຈົ້າການໃນບາງຂັ້ນຕອນຜ່າຕັດປ່ຽນໝາກໄຂ່ຫຼັງ ທີ່ເປັນພື້ນຖານແລ້ວ; ສູ້ຊົນຮອດທ້າຍປີ 2024 ສາມາດເປັນເຈົ້າການໃນຂັ້ນຕອນຜ່າຕັດປ່ຽນໝາກໄຂ່ຫຼັງຢ່າງຮອບດ້ານ.
![left](/image/images/left.png) ![center](/image/images/center.png) ![right](/image/images/right.png) ![del](/images/red-error_16px.gif) |
![](https://file3.qdnd.vn/data/images/26/2024/04/13/upload_2126/8 2.jpg?dpi=150&quality=100&w=500) |
ນັກຊ່ຽວຊານໂຮງໝໍກອງທັບ 103 ຖ່າຍທອດເຕັກນິກການຜ່າຕັດປ່ຽນໝາກໄຂ່ຫຼັງໃຫ້ບັນດາທ່ານໝໍໂຮງໝໍສູນກາງ 103, ກອງທັບປະຊາຊົນລາວ. ພາບ: qdnd.vn |
ກ່ອນໜ້ານັ້ນ, ໃນປີ 2022, ບັນດານັກຊ່ຽວຊານຈາກໂຮງໝໍກອງທັບ 103, ວິທະຍາຄານການແພດກອງທັບຫວຽດນາມ ໄດ້ໜູນຊ່ວຍໂຮງໝໍສູນກາງ 103, ກອງທັບປະຊາຊົນລາວ ປະຕິບັດການຜ່າຕັດປ່ຽນໝາກໄຂ່ຫຼັງພາຍໃນກະໂຕຄົນ 2 ກໍລະນີທຳອິດຢູ່ລາວ ສຳເລັດຜົນ. ເຫດການນີ້ເປັນບາດລ້ຽວປະຫວັດສາດ, ເປີດໜ້າປະຫວັດສາດໃໝ່ໃຫ້ແກ່ຂະແໜງຜ່າຕັດປ່ຽນອະໄວຍະວະພາຍໃນຄົນຢູ່ ລາວ ເວົ້າສະເພາະ ແລະຂະແໜງສາທາລະນະສຸກຂອງລາວ ເວົ້າລວມ. ສືບຕໍ່ຜົນສຳເລັດນັ້ນ, ປີ 2023, ໂຮງໝໍກອງທັບ 103, ວິທະຍາຄານການແພດກອງທັບຫວຽດນາມ ສືບຕໍ່ໜູນຊ່ວຍໂຮງໝໍສູນກາງ 103, ກອງທັບປະຊາຊົນລາວ ປະຕິບັດການຜ່າຕັດປ່ຽນໝາກໄຂ່ຫຼັງ 9 ຄູ່ໄດ້ສຳເລັດຜົນ. ເລື່ອງເປັນເຈົ້າການເຕັກນິກການຜ່າຕັດປ່ຽນໝາກໄຂ່ຫຼັງ ຈະເປີດໂອກາດໃຫ້ຄົນເຈັບທີ່ເປັນພະຍາດໝາກໄຂ່ຫຼັງໄດ້ຮັບການຜ່າຕັດໝາກໄຂ່ຫຼັງຢູ່ລາວ, ຊ່ວຍໃຫ້ຂະແໜງປ່ຽນອະໄວຍະວະພາຍໃນຄົນ ຂອງລາວ ເຂົ້າເຖິງລະດັບບັນດາປະເທດໃນພາກພື້ນເທື່ອລະກ້າວ.
ໂດຍ: ທະນາພອນ