EuroCham: ວິສາຫະກິດເອີຣົບ ມີຄວາມເຊື່ອໝັ້ນຕໍ່ຕະຫຼາດຫວຽດນາມ
ກປ.ອອນໄລ - ຕາມ EuroCham ແລ້ວ, ດັດຊະນີ BCI ຂອງບັນດາວິສາຫະກິດເອີຣົບ ຢູ່ຫວຽດນາມ ໃນໄຕມາດ 1 ປີ 2024 ບັນລຸ 52,8 ຄະແນນ ແລະນີ້ເປັນລະດັບສູງສຸດນັບແຕ່ປີ 2022 ມາຮອດປະຈຸບັນ...
ວິສາຫະກິດເອີຣົບ ມີຄວາມເຊື່ອໝັ້ນຕໍ່ຕະຫຼາດຫວຽດນາມ. ນັ້ນແມ່ນການໃຫ້ຂໍ້ສັງເກດທີ່ໄດ້ຍົກອອກໃນບົດລາຍງານດັດຊະນີ ຄວາມເຊື່ອໝັ້ນດຳເນີນທຸລະກິດ (BCI) ຂອງສະມາຄົມວິສາຫະກິດ ເອີຣົບ (EuroCham) ປະກາດໃນວັນທີ 8 ເມສາ.
ຕາມ EuroCham ແລ້ວ, ດັດຊະນີ BCI ຂອງບັນດາວິສາຫະກິດເອີຣົບ ຢູ່ຫວຽດນາມ ໃນໄຕມາດ 1 ປີ 2024 ບັນລຸ 52,8 ຄະແນນ ແລະນີ້ເປັນລະດັບສູງສຸດນັບແຕ່ປີ 2022 ມາຮອດປະຈຸບັນ. ຕາມຜົນສຳຫຼວດດັດຊະນີ BCI ໄດ້ສະແດງໃຫ້ເຫັນວ່າ, ການເຕີບໂຕເສດຖະກິດຫວຽດນາມ ໄດ້ຊຸກຍູ້ວິສາຫະກິດເອີຣົບມີຄວາມປະເອີບໃຈ. ພິເສດ, ດັດຊະນີ BCI ແມ່ນພະຍານຫຼັກຖານທີ່ສະແດງໃຫ້ເຫັນຄວາມເຊື່ອໄວ້ເນື້ອເຊື່ອໃຈຢ່າງແຂງແຮງຕໍ່ພື້ນຖານເສດຖະກິດຫວຽດນາມ ທີ່ນັບມື້ນັບເພີ່ມຂຶ້ນໃນປະຊາຄົມວິສາຫະກິດເອີຣົບ.
![left](/image/images/left.png) ![center](/image/images/center.png) ![right](/image/images/right.png) ![del](/images/red-error_16px.gif) |
![](https://file3.qdnd.vn/data/images/26/2024/04/09/upload_2126/anh eurocham.jpg?dpi=150&quality=100&w=500) |
ພາບປະກອບ: ສໍານັກຂ່າວສານຫວຽດນາມ |
ກໍ່ຕາມບົດລາຍງານແລ້ວ, ມີ 40% ວິສາຫະກິດເອີຣົບ ທີ່ມີແຜນການເພີ່ມກຳລັງແຮງງານໃນໄຕມາດທີ II ຢູ່ຫວຽດນາມ; 71% ວິສາຫະກິດເອີຣົບ ຕີລາຄາຢ່າງຕັ້ງໜ້າກ່ຽວກັບແງ່ຫວັງການເຄື່ອນໄຫວໄລຍະຍາວຢູ່ ຫວຽດນາມ ໃນໄລຍະ 5 ປີ ຈະມາເຖິງ... ບົດລາຍງານດັ່ງກ່າວໄດ້ອະທິບາຍກ່ຽວກັບເລື່ອງດັດຊະນີຄວາມເຊື່ອໝັ້ນນີ້ວ່າ ແມ່ນຍ້ອນລະດັບການເຕີບໂຕເສດຖະກິດມີສະຖຽນລະພາບ ແລະກໍາລັງແຮງງານທີ່ມີສີມືສູງຂອງຫວຽດນາມ.
ທ່ານ Dominik Meichle ປະທານ EuroCham ແບ່ງປັນວ່າ ສັນຍານທີ່ຕັ້ງໜ້າຂອງດັດຊະນີ BCI ໄດ້ສະແດງໃຫ້ເຫັນວ່າ ທັດສະນະຂອງປະຊາຄົມວິສາຫະກິດເອີຣົບ ກ່ຽວກັບ ຫວຽດນາມ ຍັງເປັນຕະຫຼາດທີ່ຂະຫຍັນຂັນເຄື່ອນ ດ້ວຍແງ່ຫວັງການເຕີບໂຕທີ່ດີ. ດັດຊະນີນີ້ ອີກເທື່ອໜຶ່ງໄດ້ເພີ່ມຂຶ້ນສູງກວ່າລະດັບ 50 ຄະແນນ ໄດ້ຢືນຢັນຄວາມດຶງດູດ, ກໍ່ຄືຄວາມມານະພະຍາຍາມຢ່າງຕໍ່ເນື່ອງ ເພື່ອຍົກສູງສະຖຽນລະພາບ ແລະຄວາມສາມາດແກ່ງແຍ້ງທົ່ວໂລກຂອງຫວຽດນາມ.
ໂດຍ: ທະນາພອນ