ໄຂງານບຸນສື່ມວນຊົນທົ່ວປະເທດ 2023
ກປ.ອອນໄລ - ງານບຸນສື່ມວນຊົນທົ່ວປະເທດ 2023 ໄດ້ໄຂຂຶ້ນໃນຕອນເຊົ້າວັນທີ 17 ມີນາ, ຢູ່ຫໍພິພິທະພັນຮ່າໂນ້ຍ. ງານບຸນສື່ມວນຊົນທົ່ວປະເທດ ໂດຍສະມາຄົມນັກຂ່າວຫວຽດນາມ ແລະຄະນະກຳມະການປະຊາຊົນນະຄອນຮ່າໂນ້ຍ ເປັນເຈົ້າພາບ, ສົມທົບກັບຄະນະໂຄສະນາສຶກສາສູນກາງ, ກະຊວງຖະແຫຼງຂ່າວ ແລະສື່ສານ, ກະຊວງວັດທະນະທຳ, ກິລາ ແລະທ່ອງທ່ຽວ ຈັດຕັ້ງ.
ງານບຸນສື່ມວນຊົນທົ່ວປະເທດ 2023 ດຶງດູດການເຂົ້າຮ່ວມຂອງຮ້ານວາງສະແດງ 87 ຮ້ານ ດ້ວຍການເຂົ້າຮ່ວມຂອງ 63 ສະມາຄົມນັກຂ່າວແຂວງ, ນະຄອນ, 60 ອົງການສື່ມວນຊົນສູນກາງ ແລະ ທ້ອງຖິ່ນ, ກຸ່ມບັນກາຫົວໜ່ວຍກໍ່ສ້າງ, ບໍາລຸງສ້າງສື່ມວນຊົນ.
![left](/image/images/left.png) ![center](/image/images/center.png) ![right](/image/images/right.png) ![del](/images/red-error_16px.gif) |
![](https://file3.qdnd.vn/data/images/26/2023/03/18/thicuc_la/2.jpg?dpi=150&quality=100&w=500) |
ທ່ານ ຫງວຽນຈ້ອງເຫງ້ຍ ຫົວໜ້າຄະນະໂຄສະນາສຶກສາສູນກາງ ແລະບັນດາຜູ້ແທນຢ້ຽມຊົມຮ້ານວາງສະແດງກຸ່ມສື່ມວນຊົນກອງທັບ. ພາບ: qdnd.vn |
ກ່າວຄຳຫັນທີ່ພິທີໄຂ, ທ່ານ ຫງວຽນຈ້ອງເຫງ້ຍ ຫົວໜ້າຄະນະໂຄສະນາສຶກສາສູນກາງ ເນັ້ນໜັກວ່າ: ງານບຸນສື່ມວນຊົນທົ່ວປະເທດແມ່ນການເຄື່ອນໄຫວສຳຄັນ, ເຕັມໄປດ້ວຍຄວາມໝາຍດ້ານການເມືອງ - ສັງຄົມ, ວັດທະນະທຳ, ພູມປັນຍາ, ເຮັດໃຫ້ການເຄື່ອນໄຫວສື່ມວນຊົນມີຊີວິດຊີວາ, ອຸດົມສົມບູນກວ່າອີກ. ນີ້ກໍ່ແມ່ນໂອກາດເພື່ອຍ້ອງຍໍກຳລັງນັກຂ່າວປະຕິວັດ, ສ້າງບັນຍາກາດແຫ່ງການແຂ່ງຂັນລະຫວ່າງບັນດາອົງການສື່ມວນຊົນ, ສະມາຄົມນັກຂ່າວທຸກຂັ້ນ ແລະນັກຂ່າວໃນທົ່ວປະເທດ, ປະກອບສ່ວນຍົກສູງຄຸນທາດການເມືອງ, ລະດັບວິຊາຊີບ, ຈັນຍາບັນໃຫ້ບັນດານັກຂ່າວ, ຍົກສູງຄຸນນະພາບ ແລະປະສິດທິຜົນການເຄື່ອນໄຫວຂອງສື່ມວນຊົນ ...
ງານບຸນສື່ມວນຊົນທົ່ວປະເທດ ດຳເນີນໄປຮອດວັນທີ 19 ມີນາ ແລະໄດ້ເປີດປະຕູແຕ່ເວລາ 8 ໂມງ-18ໂມງ ເພື່ອໃຫ້ປະຊາຊົນເຂົ້າຊົມ ແລະເຂົ້າຮ່ວມກິດຈະກຳຕ່າງໆ.
ໂດຍ: ທະນາພອນ