ສືບຕໍ່ເພີ່ມພູນຄູນສ້າງສາຍພົວພັນມິດຕະພາບ ຫວຽດນາມ - ລາວ
ກປ.ອອນໄລ - ຕອນບ່າຍວັນທີ 25 ມັງກອນ, ຢູ່ຮ່າໂນ້ຍ, ທ່ານພົນເອກ ວິໄລ ຫຼ້າຄຳຟອງ, ກຳມະການກົມການເມືອງສູນກາງພັກ, ຜູ້ປະຈໍາການຄະນະເລຂາທິການສູນກາງພັກປະຊາຊົນປະຕິວັດລາວ ໄດ້ມາອວຍພອນທ່ານພົນເອກ ເລືອງຕາມກວາງ, ກຳມະການກົມການເມືອງ, ເລຂາຄະນະພັກຕໍາຫຼວດສູນກາງ, ລັດຖະມົນຕີກະຊວງຕໍາຫຼວດ ພ້ອມດ້ວຍບັນດາສະຫາຍການນຳກະຊວງຕໍາຫຼວດ ເນື່ອງໃນໂອກາດກອງປະຊຸມໃຫຍ່ຜູ້ແທນທົ່ວປະເທດ ຄັ້ງທີ XIV ຂອງພັກກອມມູນິດຫວຽດນາມ ປະສົບຜົນສຳເລັດຢ່າງຈົບງາມ.
    |
 |
|
ທ່ານພົນເອກ ເລືອງຕາມກວາງ ລັດຖະມົນຕີກະຊວງຕໍາຫຼວດຫວຽດນາມ ກັບທ່ານພົນເອກ ວິໄລ ຫຼ້າຄຳຟອງ, ຜູ້ປະຈໍາການຄະນະ ເລຂາທິການສູນກາງພັກປະຊາຊົນປະຕິວັດລາວ. ພາບ: ສໍານັກຂ່າວສານຫວຽດນາມ |
ຕາງໜ້າຄະນະພັກຕໍາຫຼວດສູນກາງ, ການນຳກະຊວງຕຳຫຼວດຫວຽດນາມ, ທ່ານພົນເອກ ເລືອງຕາມກວາງ ໄດ້ສະແດງຄວາມຂອບໃຈຢ່າງຈິງໃຈ ມາຍັງ ທ່ານພົນເອກ ວິໄລ ຫຼ້າຄຳຟອງ ທີ່ໄດ້ສະຫຼະເວລາມາອວຍພອນກະຊວງຕຳຫຼວດຫວຽດນາມ; ພ້ອມທັງຊົມເຊີຍຜົນສໍາເລັດຂອງກອງປະຊຸມໃຫຍ່ຄັ້ງທີ XII ຂອງພັກປະຊາຊົນປະຕິວັດລາວ.
ທ່ານພົນເອກ ເລືອງຕາມກວາງ ຢືນຢັນວ່າ ໃນໄລຍະຈະມາເຖິງ, ກະຊວງຕຳຫຼວດຫວຽດນາມ ຈະສືບຕໍ່ສົມທົບຢ່າງແໜ້ນແຟ້ນ ກັບກະຊວງປ້ອງກັນຄວາມສະຫງົບລາວ ໃນທຸກຂົງເຂດວຽກງານ ເພື່ອປະຕິບັດສຳເລັດທຸກໜ້າທີ່ທີ່ສອງພັກ, ສອງລັດ ແລະປະຊາຊົນສອງປະເທດມອບໝາຍໃຫ້, ປະກອບສ່ວນຮັດແໜ້ນສາຍພົວພັນມິດຕະພາບອັນຍິ່ງໃຫຍ່, ຄວາມສາມັກຄີແບບພິເສດ, ການຮ່ວມມືຮອບດ້ານ ແລະຫຸ້ນສ່ວນຍຸດທະສາດລະຫວ່າງຫວຽດນາມ-ລາວ ເວົ້າລວມ ແລະລະຫວ່າງກະຊວງຕໍາຫຼວດຫວຽດນາມ ກັບກະຊວງປ້ອງກັນຄວາມສະຫງົບລາວ ເວົ້າສະເພາະ.
|
|
 |
|
ທ່ານພົນເອກ ວິໄລ ຫຼ້າຄຳຟອງ ຜູ້ປະຈໍາການຄະນະເລຂາທິການສູນກາງພັກປະຊາຊົນປະຕິວັດລາວ ອວຍພອນທ່ານພົນເອກ ເລືອງຕາມກວາງ ພ້ອມດ້ວຍບັນດາສະຫາຍການນໍາກະຊວງຕໍາຫຼວດຫວຽດນາມ. ພາບ: ສໍານັກຂ່າວສານຫວຽດນາມ |
ຕາງໜ້າພັກ, ລັດ ແລະປະຊາຊົນລາວ, ທ່ານພົນເອກ ວິໄລ ຫຼ້າຄຳຟອງ ໄດ້ສົ່ງຄໍາອວຍພອນໄຊອັນປະເສີດມາຍັງ ທ່ານລັດຖະມົນຕີ ເລືອງຕາມກວາງ ພ້ອມດ້ວຍບັນດາສະຫາຍການນຳກະຊວງຕຳຫຼວດຫວຽດນາມ ເນື່ອງໃນໂອກາດກອງປະຊຸມໃຫຍ່ຜູ້ແທນທົ່ວປະເທດ ຄັ້ງທີ XIV ຂອງພັກກອມມູນິດຫວຽດນາມ ປະສົບຜົນສໍາເລັດຢ່າງຈົບງາມ.
ທ່ານພົນເອກ ວິໄລ ຫຼ້າຄຳຟອງ ຕີລາຄາສູງບົດບາດຂອງກະຊວງຕຳຫຼວດຫວຽດນາມ ໃນວຽກງານຮັບປະກັນຄວາມສະຫງົບ, ຄວາມປອດໄພ, ປະກອບສ່ວນສຳຄັນເຂົ້າໃນຜົນສຳເລັດຂອງກອງປະຊຸມໃຫຍ່, ພ້ອມທັງຢືນຢັນວ່າ ຈະສືບຕໍ່ເອົາໃຈໃສ່ ແລະສະໜັບສະໜູນການຮ່ວມມືລະຫວ່າງກຳລັງປ້ອງກັນຄວາມສະຫງົບສອງປະເທດ, ປະກອບສ່ວນຮັດແໜ້ນກວ່າອີກສາຍພົວພັນມິດຕະພາບອັນຍິ່ງໃຫຍ່, ຄວາມສາມັກຄີແບບພິເສດ, ການຮ່ວມມືຮອບດ້ານ ແລະຫຸ້ນສ່ວນຍຸດທະສາດ ຫວຽດນາມ - ລາວ.
ໂດຍ: ທູຈາງ