ກ່າວຄຳເຫັນທີ່ພິທີ, ທ່ານນາຍົກລັດຖະມົນຕີ ຟ້າມມິງຈີ໊ງ ຢັ້ງຢືນວ່າ ມູນເຊື້ອມັກຮຽນ, ເຄົາລົບນັບຖືຄູອາຈານ, ເຄົາລົບຮັກແພງຜູ້ມີຄວາມຮູ້ຄວາມສາມາດ ແມ່ນຄຸນຄ່າມະນຸດຊາດອັນເລິກເຊິ່ງຂອງຊາດເຮົາ; ແມ່ນປັດໄຈສຳຄັນໃນການສ້າງເປັນພູມປັນຍາຫວຽດນາມ, ຄຸນສົມບັດຫວຽດນາມ, ວັດທະນະທຳ ແລະປະຊາຊົນຫວຽດນາມ.

leftcenterrightdel
ທ່ານນາຍົກລັດຖະມົນຕີ ຟ້າມມິງຈີ໊ງ  ກ່າວຄໍາເຫັນທີ່ພິທີສະເຫຼີມສະຫຼອງວັນຄູຫວຽດນາມ ຄົບຮອບ 40 ປີ. ພາບ: ທູຮ່າ.

ຕາງໜ້າໃຫ້ການນໍາພັກ, ລັດ, ທ່ານນາຍົກລັດຖະມົນຕີ ໄດ້ສະແດງຄວາມເຄົາລົບນັບຖື ແລະຄວາມຮູ້ບຸນຄຸນຢ່າງເລິກເຊິ່ງຕໍ່ຄູສອນກວ່າ 1,6 ລ້ານຄົນ ໃນທົ່ວປະເທດ ແລະຄູອາຈານຫຼາຍລຸ້ນຄົນທີ່ໄດ້ອຸທິດສ່ວນຢ່າງມິດງຽບ ແລະໝັ້ນໜຽວໃຫ້ແກ່ພາລະກິດການສຶກສາຄົນລຸ້ນຫຼັງ.

leftcenterrightdel
ທ່ານນາຍົກລັດຖະມົນຕີ ຟ້າມມິງຈີ໊ງ  ອວຍພອນຂະແໜງການສຶກສາເນື່ອງໃນໂອກາດສະເຫຼີມສະຫຼອງວັນຄູຫວຽດນາມ ຄົບຮອບ 40 ປີ. ພາບ: ທູຮ່າ.

ເພື່ອບັນລຸໄດ້ເປົ້າໝາຍໃນການປ່ຽນແປງໃໝ່ການສຶກສາ ແລະກໍ່ສ້າງໂດຍພື້ນຖານ ແລະຮອບດ້ານ ເຊິ່ງກອງປະຊຸມໃຫຍ່ ຄັ້ງທີ XIII ຂອງພັກ ໄດ້ວາງອອກ, ທ່ານນາຍົກລັດຖະມົນຕີ ເນັ້ນໜັກວ່າ ການພັດທະນາການສຶກສາ ແລະກໍ່ສ້າງ ແມ່ນຍົກສູງລະດັບຄວາມຮູ້ໃຫ້ປະຊາຊົນ, ກໍ່ສ້າງຊັບພະຍາກອນມະນຸດ ແລະບຳລຸງສ້າງຜູ້ເກັ່ງກ້າສາມາດ. ການສຶກສາ ແລະກໍ່ສ້າງ ຕ້ອງຕິດພັນກັບຄວາມຕ້ອງການພັດທະນາເສດຖະກິດ-ສັງຄົມ ແລະການປົກປັກຮັກສາປະເທດຊາດ; ຄວາມກ້າວໜ້າດ້ານວິທະຍາສາດ ແລະເຕັກໂນໂລຊີ; ສອດຄ່ອງກັບກົດເກນພາວະວິໄສ. ສຳລັບຖັນແຖວຄູອາຈານ, ທ່ານນາຍົກລັດຖະມົນຕີ ຟ້າມມິງຈີ໊ງ ໃສ່ໃຈວ່າ, ຄູອາຈານແຕ່ລະຄົນ ຕ້ອງຖືການສຶກສາແມ່ນໜ້າທີ່ອັນສູງສົ່ງ, ຕ້ອງມີຄວາມສຸດອົກສຸດໃຈ, ມີມະໂນທໍາ ແລະມີຄວາມຮັບຜິດຊອບໃນວຽກງານ ດ້ວຍທິດນໍາ ຖື ນັກຮຽນເປັນໃຈກາງ, ໂຮງຮຽນເປັນພື້ນຖານ, ຄູອາຈານ ເປັນກຳລັງໜູນ; ເປັນຜູ້ແຜ່ແຮງບັນດານໃຈ, ນໍ້າໃຈຮັກຊາດ; ຍອມຮັບຄວາມແຕກຕ່າງກັນ, ເຄົາລົບຄວາມຫຼາກຫຼາຍ,  ເສີມຂະຫຍາຍຄວາມສາມາດພອນສະຫວັນສູງສຸດຂອງນັກຮຽນແຕ່ລະຄົນ.

ທ່ານນາຍົກລັດຖະມົນຕີ ຟ້າມມິງຈີ໊ງ ສະແດງຄວາມເຊື່ອໝັ້ນວ່າ ດ້ວຍຄວາມມານະພະຍາຍາມ, ຄວາມຕັດສິນໃຈ, ຄວາມສຸດຈິດສຸດໃຈ, ຄວາມສາມັກຄີ ແລະຄວາມຮັບຜິດຊອບກວ່າ, ຖັນແຖວຄູອາຈານຈະຜ່ານຜ່າຄວາມຫຍຸ້ງຍາກ, ສິ່ງທ້າທາຍນາໆປະການ ເພື່ອສູ້ຊົນກາຍເປັນຄູສອນທີ່ດີ, ເປັນແບບຢ່າງໃຫ້ແກ່ນັກຮຽນຢ່າງແທ້ຈິງ, ເພື່ອໃຫ້ອາຊີບຄູສອນ ຍາມໃດກໍ່ໄດ້ຮັບຄວາມເຊີດຊູວ່າ ແມ່ນອາຊີບສູງສົ່ງທີ່ສຸດໃນບັນດາອາຊີບທີ່ສູງສົ່ງ, ປະກອບສ່ວນສ້າງປະເທດຫວຽດນາມ ໃຫ້ມີຄວາມເຂັ້ມແຂງແຮງກ້າ ແລະສີວິໄລ.

ໂດຍ: ໄຊຊະນະ