ຕາມສູນປ່ຽນແປງໃໝ່ປະດິດສ້າງແຫ່ງຊາດ (NIC), ປີ 2021, ບັນດາບໍລິສັດເລີ່ມທຸລະກິດຂອງຫວຽດນາມ ລະດົມໄດ້ 1,4 ຕື້ໂດລາສະຫະລັດຜ່ານ 165 ໂຄງການ, ເພີ່ມຂຶ້ນເມື່ອທຽບໃສ່ກັບຕົວເລກ 894 ລ້ານໂດລາສະຫະລັດ ແລະ 126 ໂຄງການໃນປີ 2019. ນີ້ແມ່ນສັນຍານສະແດງໃຫ້ເຫັນວ່າການເຄື່ອນໄຫວລົງທຶນພະຈົນໄພພວມຄ່ອຍໆຟື້ນຟູພາຍຫຼັງຖືກຫຼຸດລົງຍ້ອນພະຍາດໂຄວິດ-19.

leftcenterrightdel
ພາບປະກອບຈາກ: ສໍານັກຂ່າວສານຫວຽດນາມ.

ບັນດາປັດໄຈເຮັດໃຫ້ຫວຽດນາມ ດຶງດູດນັກລົງທຶນຕ່າງປະເທດລວມມີການເຕີບໂຕ GDP ສູງ, ຢູ່ລະດັບ 7%/ປີ ໃນ 2 ທົດສະວັດກ່ອນທີ່ພະຍາດໂຄວິດ-19 ແຜ່ລະບາດ, ໄດ້ຮັບການຄາດຄະເນວ່າຈະບັນລຸ 7,5% ໃນປີ 2022, ກໍາລັງແຮງງານໜຸ່ມທີ່ຮູ້ດີພາສາອັງກິດ ແລະມີທັກສະ. ທ່ານ Vinnie Lauria, ຄູ່ຮ່ວມມືຄຸ້ມຄອງຂອງ Golden Gate Ventures (GGV), ຖືວ່າ ຫວຽດນາມ ແມ່ນໜຶ່ງໃນສາມປະເທດ ເລີ່ມທຸລະກິດດີທີ່ສຸດຢູ່ອາຊີຕາເວັນອອກສ່ຽງໃຕ້. ປະເທດທີ່ຍັງເຫຼືອແມ່ນສິງກະໂປ ແລະອິນໂດເນເຊຍ.

ໂດຍ: ໄຊນີດາ