ຮ້ານວາງສະແດງຂາຍສິນຄ້າກວ່າ 220 ຮ້ານ ຈະເຂົ້າຮ່ວມງານຕະຫຼາດນັດການຄ້າສາກົນຫວຽດນາມ-ຈີນ 2022
ກປ.ອອນໄລ - ງານຕະຫຼາດນັດການຄ້າສາກົນ ຫວຽດນາມ-ຈີນ 2022 ດ້ວຍຫົວຂໍ້ “ມິດຕະພາບ-ຮ່ວມມື-ຮ່ວມສໍາພັນ-ພັດທະນາ” ຈະດໍາເນີນໃນລະຫວ່າງວັນທີ 2-9 ພະຈິກ 2022 ຢູ່ສູນງານຕະຫຼາດນັດການຄ້າລ້າງເຊີນ.
ເລື່ອງຈັດງານຕະຫຼາດນັດ ແມ່ນເພື່ອແນໃສ່ຊຸກຍູ້ການເຄື່ອນໄຫວສົ່ງເສີມການຄ້າໃນບໍລິເວນແຂວງລ້າງເຊີນ, ໜູນຊ່ວຍວິສາຫະກິດຍູ້ແຮງການຜະລິດດໍາເນີນທຸລະກິດ, ພັດທະນາຕະຫຼາດ, ຊອກຫາຄູ່ຮ່ວມມື, ໂຄສະນາ, ຈໍາໜ່າຍຜະລິດຕະພັນ; ສ້າງກາລະໂອກາດແລກປ່ຽນການຄ້າລະຫວ່າງວິສາຫະກິດຫວຽດນາມ ແລະຈີນ ຮ່ວມມືລົງທຶນ, ພ້ອມກັນພັດທະນາ.
|
|
ພາບປະກອບ: baochinhphu.vn. |
ຕາມຄະນະຈັດຕັ້ງແລ້ວ, ຄາດວ່າງານຕະຫຼາດນັດຈະມີກວ່າ 100 ອົງການຈັດຕັ້ງ, ວິສາຫະກິດທັງຢູ່ພາຍໃນ ແລະຕ່າງປະເທດເຂົ້າຮ່ວມ ດ້ວຍຮ້ານວາງສະແດງຂາຍສິນຄ້າກວ່າ 220 ຮ້ານ. ບັນດາຜະລິດຕະພັນທີ່ໄດ້ນຳມາວາງສະແດງຂາຍລວມມີຜະລິດຕະພັນທີ່ເປັນເອກະລັກສະເພາະ, ມີທ່າແຮງຂອງບັນດາເມືອງ, ນະຄອນ, ຜະລິດຕະພັນ OCOP, ຜະລິດຕະພັນອຸດສາຫະກໍາຊົນນະບົດດີເດັ່ນ...
ໂດຍ: ທູຈາງ