ນ້ອງສາວ ຮ່າໂນ້ຍ ບຸ່ຍອີ໊ຍີ ໄດ້ຮັບສິດດໍາລົງຕໍາແໜ່ງເປັນເອກອັກຄະລັດຖະທູດ ຊູແອັດ ປະຈໍາ ຫວຽດນາມ
ກປ.ອອນໄລ - ເນື່ອງໃນໂອກາດສະເຫຼີມສະຫຼອງວັນເດັກນ້ອຍຍິງສາກົນ (ວັນທີ 11 ຕຸລາ), ທ່ານນາງ Ann Mawe ເອກອັກຄະລັດຖະທູດ ຊູແອັດ ປະຈໍາ ຫວຽດນາມ ໄດ້ມອບສິດດໍາລົງຕໍາແໜ່ງເປັນເອກອັກຄະລັດຖະທູດ ຊູແອັດ ປະຈໍາ ຫວຽດນາມ ໃຫ້ນ້ອງສາວ ບຸ່ຍອີ໊ຍີ, ອາຍຸ 20 ປີ, ທີ່ມາຈາກຮ່າໂນ້ຍ.
ນີ້ແມ່ນຄັ້ງທີສາມທີ່ທ່ານນາງ Ann Mawe ມອບຕໍາແໜ່ງນີ້ໃຫ້ເດັກນ້ອຍຍິງຫວຽດນາມ ໃນຂອບເຂດການເຄື່ອນໄຫວ Girls Takeover - ມອບສິດໃຫ້ເດັກນ້ອຍຍິງຂອງອົງການ Plan International ຫວຽດນາມ.
|
|
ບັນຍາກາດທີ່ການແລກປ່ຽນກັບທ່ານນາງ Ann Mawe ເອກອັກຄະລັດຖະທູດຊູແອັດ. ພາບ: ເຝືອງແອງ. |
ພາຍຫຼັງສັງເກດເບິ່ງພະນັກງານສະຖານທູດເຮັດວຽກຢູ່ຫ້ອງການ, ນ້ອງສາວ ບຸ່ຍອີ໊ຍີ ພ້ອມດ້ວຍທ່ານນາງ Ann Mawe ແລະເຢືອງເຟືອງແອັງ-ນ້ອງສາວ ທີ່ເອກອັກຄະລັດຖະທູດໄດ້ມອບສິດໃຫ້ໃນປີ 2019 ແລະ2020 ໄດ້ປຶກສາຫາລືກ່ຽວກັບສິ່ງທ້າທາຍ ແລະຜົນງານ ເຊິ່ງພວກນ້ອງ ແລະອົງການ Plan International ຫວຽດນາມ ບັນລຸໄດ້ດ້ວຍບົດບາດແມ່ນຜູ້ນໍາໜ້າ ກ່ຽວກັບຄວາມສະເໝີພາບລະຫວ່າງຍິງ-ຊາຍໃນກວ່າໜຶ່ງປີຜ່ານມາ, ພິເສດແມ່ນໃນສະຖານະການພະຍາດໂຄວິດ-19; ປຶກສາຫາລືບາງຂໍ້ລິເລີ່ມ ແລະຂໍ້ສະເໜີທີ່ສະຫງວນໃຫ້ລັດຖະບານປະເທດຕ່າງໆທີ່ກ່ຽວຂ້ອງເຖິງການເພີ່ມຄວາມຮູ້ດ້ານດີຈີຕອນໃຫ້ເດັກນ້ອຍ ແລະຊາວໜຸ່ມ, ເຍົາວະຊົນ ແລະອະນຸຊົນ.
ນັບແຕ່ປີ 2012 ເປັນຕົ້ນມາ, ວັນທີ 11 ຕຸລາ ສປຊ ໄດ້ຮັບຮອງເປັນວັນເດັກນ້ອຍຍິງສາກົນ ດ້ວຍຈຸດປະສົງຊຸກຍູ້ການມອບສິດໃຫ້ເດັກນ້ອຍຍິງ.
ໂດຍ: ດັ້ງເກື່ອງ