ຮັບຮອງເອົາ “ໜັງສືຜ່ານແດນວັກຊິນ” ລະຫວ່າງ ຫວຽດນາມ ກັບບັນດາປະເທດ ແມ່ນມີຄວາມຈໍາເປັນພິເສດ
ກປ.ອອນໄລ - ຫ້ອງວ່າການສໍານັກງານນາຍົກລັດຖະມົນຕີ ຫາກໍ່ມີເອກະສານສະບັບເລກທີ 6891/VPCP-KGVX ກ່ຽວກັບການສົ່ງຄຳເຫັນຊີ້ນໍາຂອງທ່ານນາຍົກລັດຖະມົນຕີ ຟ້າມມິງຈິີ໊ງ ວ່າດ້ວຍການຮັບຮອງເອົາ “ໜັງສືຜ່ານແດນວັກຊິນ”.
|
|
ທົ່ວໂລກມີຫຼາຍປະເທດ ນໍາໃຊ້ໜັງສືຜ່ານແດນວັກຊິນ. ພາບ: baochinhphu.vn. |
ປະຈຸບັນ, ໃນໂລກມີຫຼາຍປະເທດໄດ້ນຳໃຊ້ “ໜັງສືຜ່ານແດນວັກຊິນ” ເພື່ອເປີດປະຕູພື້ນຖານເສດຖະກິດ, ນໍາການເຄື່ອນໄຫວເສດຖະກິດ-ສັງຄົມກັບຄືນສູ່ສະພາບປົກກະຕິໃໝ່. ເລື່ອງຮັບຮອງເອົາ “ໜັງສືຜ່ານແດນວັກຊິນ” ເຊິ່ງກັນ ແລະກັນລະຫວ່າງຫວຽດນາມ ກັບບັນດາປະເທດໃນພາກພື້ນ ແລະໂລກແມ່ນສໍາຄັນ ແລະມີຄວາມຈຳເປັນພິເສດທີ່ສຸດໃນສະພາບປະຈຸບັນ. ກ່ຽວກັບເລື່ອງນີ້, ທ່ານນາຍົກລັດຖະມົນຕີ ຟ້າມມິງຈິ໊ງ ໄດ້ມອບໃຫ້ກະຊວງການຕ່າງປະເທດເປັນປະທານ, ສົມທົບກັບກະຊວງສາທາລະນະສຸກ ແລະກະຊວງ, ຂະແໜງການທີ່ກ່ຽວຂ້ອງ ເຮັດວຽກກັບອົງການທີ່ກ່ຽວຂ້ອງຂອງບັນດາປະເທດສະມາຊິກອາຊຽນ, ອີຢູ, ອາເມລິກາ, ຈີນ, ຍີ່ປຸ່ນ, ສ.ເກົາຫຼີ ແລະປະເທດຕ່າງໆໃນໂລກຢ່າງຮີບດ່ວນເພື່ອຮັບຮອງເອົາ “ໜັງສືຜ່ານແດນວັກຊິນ” ຂອງກັນແລະກັນ.
ໂດຍ: ເກື່ອງດັ້ງ