ກ່າວຄໍາເຫັນທີ່ງານບຸນ, ທ່ານ ດັ້ງແທງເຊີນ, ຮອງປະທານຄະນະກຳມະການປະຊາຊົນແຂວງນິງບິ່ງ ໃຫ້ຮູ້ວ່າ ການຈັດງານບຸນມູນເຊື້ອວິຫານ ເຈົ້າຍິງ ໂຍ່ຍຮວາ ປີ 2026 ສະແດງໃຫ້ເຫັນຄວາມຮັບຜິດຊອບຂອງແຂວງໃນການອະນຸລັກຮັກສາ ແລະເສີມຂະຫຍາຍຄຸນຄ່າຂອງມໍລະດົກວັດທະນະທຳແຫ່ງຊາດ. ວຽກງານຈັດຕັ້ງໄດ້ດຳເນີນຕາມການກໍານົດຢ່າງເຂັ້ມງວດ, ຮັບປະກັນຄວາມສະຫງ່າຜ່າເຜີຍ, ຄວາມສີວິໄລ ແລະປະຢັດ.

leftcenterrightdel
ບັນດາຜູ້ແທນຖະຫວາຍທູບທຽນຢູ່ວິຫານ ເຈົ້າຍິງ ໂຍ່ຍຮວາ. ພາບ: nhandan.vn

ທີ່ພິທີ, ຕາງໜ້າພັກ, ລັດ ແລະປະຊາຊົນລາວ, ທ່ານນາງ ຄຳເພົາ ເອີນທະວັນ, ເອກອັກຄະລັດຖະທູດວິສາມັນຜູ້ມີອຳນາດເຕັມແຫ່ງ ສປປ ລາວ ປະຈຳຫວຽດນາມ ໄດ້ສະແດງຄວາມຂອບໃຈຢ່າງເລິກເຊິ່ງຕໍ່ອໍານາດການປົກຄອງແຂວງນິງບິ່ງ, ພິເສດແມ່ນປະຊາຊົນຕາແສງໄຕຮວາລື ໄດ້ອະນຸລັກຮັກສາ ແລະຈັດຕັ້ງພິທີອາໄລຫາໃນແຕ່ລະປີ, ຊ່ວຍໃຫ້ສະຖານທີ່ແຫ່ງນີ້ກາຍເປັນສະຖານທີ່ສັກກາລະບູຊາທີ່ຕິດພັນກັບທ້ອງຖິ່ນຢ່າງຍາວນານ.

ໃນໄລຍະຈະມາເຖິງ, ສະຖານທູດລາວ ຈະສືບຕໍ່ສົມທົບກັບແຂວງນິງບິ່ງຢ່າງແໜ້ນແຟ້ນ ເພື່ອຊຸກຍູ້ບັນດາຂັ້ນຕອນຮັບຮູ້ວິຫານ ເຈົ້າຍິງ ໂຍ່ຍຮວາ ເປັນປູຊະນີຍະສະຖານແຫ່ງຊາດ ແລະສ້າງໃຫ້ເປັນເຂດວັດທະນະທຳ, ທ່ອງທ່ຽວ ຫວຽດນາມ-ລາວ.

ນີ້ຈະເປັນສັນຍະລັກຂອງສາຍພົວພັນສາມັກຄີ, ສະໜິດຕິດພັນ, ປະກອບສ່ວນເຂົ້າໃນການດຶງດູດນັກທ່ອງທ່ຽວ ແລະເພີ່ມທະວີສາຍພົວພັນມິດຕະພາບອັນຍິ່ງໃຫຍ່, ຄວາມສາມັກຄີແບບພິເສດ, ການຮ່ວມມືຮອບດ້ານ ແລະຫຸ້ນສ່ວນຍຸດທະສາດລະຫວ່າງສອງພັກ, ສອງລັດ, ແລະປະຊາຊົນສອງປະເທດ.

ໂດຍ: ຈາງຫງວຽນ