ແຜ່ຂະຫຍາຍວັດທະນະທຳການອ່ານ, ເຊື່ອມຕໍ່ພູມປັນຍາຊາວຫວຽດນາມ ຢູ່ ລັດເຊຍ
ເພື່ອມຸ່ງໄປເຖິງບັນດາການເຄື່ອນໄຫວສະເຫຼີມສະຫຼອງ ແລະວັນບຸນໃຫຍ່ຂອງຊາດໃນປີ 2026, ວັນປຶ້ມ ແລະ ວັດທະນະທຳການອ່ານຫວຽດນາມ (ວັນທີ 21 ເມສາ), ວັນທີ 19 ເມສາ, ສະໂມສອນອາສາສະໝັກອ້ອມແຂນ ຫວຽດນາມ - ລັດເຊຍ ໄດ້ສົມທົບກັບໂຄງການຫໍສະໝຸດຊາວໜຸ່ມ ຈັດວັນບຸນປຶ້ມ “ເມີມ” 2026 ຢູ່ນະຄອນຫຼວງ ມົດສະກູ, ສະຫະພັນ ລັດເຊຍ.
ງານບຸນບໍ່ພຽງແຕ່ແມ່ນການເຄື່ອນໄຫວວັດທະນະທຳ - ການສຶກສາເທົ່ານັ້ນ, ຫາກຍັງແມ່ນໂອກາດພົບປະແລກປ່ຽນ ເພື່ອປະກອບສ່ວນເຊື່ອມຕໍ່ພູມປັນຍາ, ແຜ່ຂະຫຍາຍຄຸນຄ່າອັນຕັ້ງໜ້າຂອງການອ່ານໃນປະຊາຄົມອີກດ້ວຍ. ເຂົ້າຮ່ວມວັນບຸນ, ອ້າຍ ກົງມິນຕວນ, ນັກຄົ້ນຄວ້າມະຫາວິທະຍາໄລພະລັງງານມົດສະກູ, ແບ່ງປັນວ່າ: “ຂ້າພະເຈົ້າມາແຫ່ງນີ້ເພື່ອເຂົ້າຮ່ວມການໂຄສະນາປຶ້ມ ແລະເຫັນວ່ານີ້ແມ່ນການເຄື່ອນໄຫວມີຄວາມໝາຍທີ່ສຸດ, ປະກອບສ່ວນເຊື່ອມຕໍ່ປະຊາຄົມ ແລະຜູ້ມັກຮັກປຶ້ມ. ອ່ານປຶ້ມບໍ່ພຽງແຕ່ເພີ່ມຄວາມຮູ້ເທົ່ານັ້ນ ຫາກຍັງເຮັດໃຫ້ຕົນເອງມີຄວາມຮູ້ສຶກໜ້າຈັບໃຈກວ່າກ່ຽວກັບຊີວິດອີກດ້ວຍ”.
    |
 |
|
ແຜ່ຂະຫຍາຍວັດທະນະທຳການອ່ານ, ເຊື່ອມຕໍ່ພູມປັນຍາຊາວຫວຽດນາມ ຢູ່ ລັດເຊຍ. ພາບ: vov.vn |
ພ້ອມກັນນັ້ນ, ລາຍການກໍ່ດຳເນີນການມອບລາງວັນໃຫ້ແກ່ການແຂ່ງຂັນແນະນຳປຶ້ມທີ່ມີຊື່ວ່າ “ສຽງຈາກໜ້າປຶ້ມ”. ບັນດາການແນະນຳດ້ວຍຄຼິບຢ່າງມີຫົວຄິດປະດິດຄິດສ້າງ ໄດ້ແຜ່ຂະຫຍາຍຄວາມຮັກຕໍ່ປຶ້ມ, ພ້ອມທັງແບ່ງປັນພູມປັນຍາໃນປະຊາຄົມຊາວໜຸ່ມ, ນັກສຶກສາ.
ຂ່າວ: ວິທະຍຸກະຈາຍສຽງຫວຽດນາມ