ຮັບຟັງເນື້ອໃນທີ່ວາລະໄຂກອງປະຊຸມ, ບັນດາຜູ້ແທນແມ່ນພະນັກງານ, ສະມາຊິກພັກ, ປະຊາຄົມຊາວຫວຽດນາມ ອາໄສຢູ່ລາວ ລ້ວນແຕ່ສະແດງຄວາມພາກພູມໃຈ, ຄວາມເອກອ້າງທະນົງໃຈຕໍ່ພາບພົດຫວຽດນາມ ທີ່ໄດ້ປ່ຽນແປງໃໝ່, ຂະຫຍັນຂັນເຄື່ອນ, ກໍ່ຄືບັນດາຜົນງານອັນໃຫຍ່ຫຼວງ ແລະຮອບດ້ານທີ່ປະເທດຊາດ ບັນລຸໄດ້ໃນອາຍຸການຜ່ານມາ, ພ້ອມທັງສະແດງຄວາມຫວັງຕໍ່ລັດຖະນະໂຍບາຍບຸກທະລຸ ຂອງກອງປະຊຸມໃຫຍ່ຜູ້ແທນທົ່ວປະເທດຄັ້ງທີ XIV  ເພື່ອນຳປະເທດ ກ້າວເຂົ້າສູ່ສັງກາດໃໝ່ - ສັງກາດບືນຂຶ້ນຂອງຊາດ.

leftcenterrightdel
ປະຊາຄົມຊາວຫວຽດນາມ ອາໄສຢູ່ລາວ ຮັບຟັງການນໍາສະເໜີບົດລາຍງານກ່ຽວກັບເອກະສານຍ່ືນສະເໜີທີ່ກອງປະຊຸມໃຫຍ່ຜູ້ແທນທົ່ວປະເທດຄັ້ງທີ  XIV ຂອງທ່ານເລຂາທິການໃຫຍ່ ໂຕເລິມ.

ດ້ວຍຄວາມພາກພູມໃຈ, ຄວາມເອກອ້າງທະນົງໃຈຕໍ່ກັບປະຫວັດສາດອັນສະຫງ່າລາສີຂອງພັກກອມມູນິດຫວຽດນາມ, ພ້ອມດ້ວຍຜົນງານອັນໃຫຍ່ຫຼວງ, ຮອບດ້ານທີ່ປະເທດ ແລະປະຊາຊົນຫວຽດນາມ ຍາດມາໄດ້ໃນໄລຍະ 80 ກວ່າປີຜ່ານມາ ພາຍໃຕ້ການນຳພາຂອງພັກ, ພະນັກງານ, ສະມາຊິກພັກທຸກຖ້ວນໜ້າ ຂຶ້ນກັບອົງຄະນະພັກປະຈໍາລາວ ແລະປະຊາຄົມຊາວຫວຽດນາມ ອາໄສຢູ່ລາວ ໄດ້ອວຍພອນໃຫ້ກອງປະຊຸມໃຫຍ່ຜູ້ແທນທົ່ວປະເທດຄັ້ງທີ XIV ຂອງພັກກອມມູນິດຫວຽດນາມ ປະສົບຜົນສຳເລັດຢ່າງຈົບງາມ, ສືບຕໍ່ນໍາພາປະເທດຊາດ ແລະ ປະຊາຊົນຫວຽດນາມ ກ້າວເຂົ້າສູ່ສັງກາດໃໝ່, ເພື່ອສັນຕິພາບ, ເອກະລາດ, ປະຊາທິປະໄຕ, ຮັ່ງມີເຂັ້ມແຂງ, ຈະເລີນຮຸ່ງເຮືອງ, ສີວິໄລ, ຜາສຸກ, ກ້າວຂຶ້ນສູ່ສັງຄົມນິຍົມ ຢ່າງໝັ້ນຄົງ.

ສິ້ນສຸດລາຍການຖ່າຍທອດສົດພິທີໄຂກອງປະຊຸມໃຫຍ່ຜູ້ແທນທົ່ວປະເທດຄັ້ງທີ XIV ຂອງພັກກອມມູນິດຫວຽດນາມ, ບັນດາຜູ້ແທນລ້ວນແຕ່ສະແດງຄວາມປິຕິຊົມຊື່ນ ແລະເຊື່ອໝັ້ນ.  ເຫດການດັ່ງກ່າວໄດ້ຕໍ່ກໍາລັງໜູນໃຫ້ພະນັກງານ, ສະມາຊິກພັກ, ຊາວຫວຽດນາມ ອາໄສຢູ່ລາວ ສືບຕໍ່ຮ່ວມແຮງຮ່ວມໃຈພ້ອມກັບປະຊາຊົນໃນທົ່ວປະເທດ ເພື່ອສ້າງສາປະເທດຫວຽດນາມ ໃຫ້ເຂັ້ມແຂງແຮງກ້າ, ວັດທະນາຖາວອນ, ປະກອບສ່ວນແທດຈິງເຂົ້າໃນພາລະກິດສ້າງສາ ແລະ ປົກປັກຮັກສາປະເທດ ຫວຽດນາມ ສັງຄົມນິຍົມ.

ໂດຍ: ທູຈາງ