ຄວາມໝາຍຂອງການໜູນຊ່ວຍເຄື່ອງໃຊ້ທີ່ຈໍາເປັນໃຫ້ແກ່ປະຊາຊົນລາວ
ກປ.ອອນໄລ - ວັນທີ 28 ທັນວາ, ດ້ວຍການເປັນເສນາທິການຢ່າງຕັ້ງໜ້າຂອງຕຳຫຼວດຕາແສງ, ຄະນະພັກຕາແສງຊາຍແດນອາເວືອງ (ດ່ານັງ) ໄດ້ຈັດຕັ້ງຄະນະປະຕິບັດງານໄປຢ້ຽມຢາມ ແລະມອບຂອງຂວັນ ປະກອບມີເຂົ້າສານ, ແປ້ງນົວ, ນ້ຳມັນພືດ ແລະເຄື່ອງໃຊ້ທີ່ຈຳເປັນ ດ້ວຍຍອດມູນຄ່າກວ່າ 124 ລ້ານດົ່ງ ໃຫ້ແກ່ປະຊາຊົນບ້ານກະໂລ, ເມືອງກະລື່ມ, ແຂວງເຊກອງ (ລາວ).
ການເຄື່ອນໄຫວມອບຂອງຂວັນທີ່ຈັດຂຶ້ນຢູ່ເຂດຫຼັກໝາຍຊາຍແດນ 666 (ດ່ານຊາຍແດນອາເດີດ ຂຶ້ນກັບຕາແສງອາເລື໊ຶອຍ 4, ນະຄອນເຫວ້), ຜ່ານນັ້ນປະກອບສ່ວນຮັດແໜ້ນນໍ້າໃຈມິດຕະພາບກວ່າອີກ ແລະເພີ່ມທະວີການສົມທົບກັນຮັບປະກັນຄວາມໝັ້ນຄົງຊາຍແດນ, ຢືນຢັນບົດບາດຫຼັກແຫຼ່ງຂອງກໍາລັງຕໍາຫຼວດຕາແສງອາເວືອງ ໃນການປະກອບສ່ວນເພີ່ມພູນຄູນສ້າງນໍ້າໃຈມິດຕະພາບ ຫວຽດນາມ-ລາວ.
    |
 |
|
ຄະນະປະຕິບັດງານຂອງຕາແສງອາເວືອງ ມອບຂອງຂວັນໃຫ້ອໍານາດການປົກຄອງ ແລະປະຊາຊົນບ້ານກະໂລ. ພາບ: cand.com.vn |
|
|
 |
|
ການນໍາຄະນະພັກຕາແສງອາເວືອງ ມອບຂອງຂວັນໃຫ້ປ້ອມຄວບຄຸມດ່ານຊາຍແດນອາເດີດ. ພາບ: cand.com.vn |
|
|
 |
|
ການນໍາຄະນະກໍາມະການປະຊາຊົນຕາແສງອາເວືອງ ມອບຂອງຂວັນໃຫ້ກອງຮ້ອຍທະຫານຊາຍແດນ 531 (ລາວ). ພາບ: cand.com.vn |
ທີ່ການຢ້ຽມຢາມ, ທ່ານ ເຢີເຣີມ ເບ ຮອງເລຂາຜູ້ປະຈໍາການຄະນະພັກຕາແສງອາເວືອງ ໄດ້ຢື້ຢາມຖາມຂ່າວ, ແບ່ງປັນຄວາມຫຍຸ້ງຍາກໃນການດໍາລົງຊີວິດຂອງພໍ່ແມ່ປະຊາຊົນບ້ານກະໂລ, ຢືນຢັນການເຄື່ອນໄຫວທີ່ມີຄວາມໝາຍຄັ້ງນີ້ແມ່ນສິ່ງທີ່ພິສູດໃຫ້ເຫັນສາຍພົວພັນມິດຕະພາບທີ່ເປັນມູນເຊື້ອ, ຄວາມສາມັກຄີແບບພິເສດລະຫວ່າງຕາແສງອາເວືອງ ແລະບ້ານກະໂລ ເວົ້າສະເພາະ, ລະຫວ່າງສອງປະເທດຫວຽດນາມ ແລະລາວ ເວົ້າລວມ, ປະກອບສ່ວນກໍ່ສ້າງເສັ້ນຊາຍແດນສັນຕິພາບ, ພັດທະນາແບບຍືນຍົງ.
ເນື່ອງໃນໂອກາດນີ້, ຄະນະປະຕິບັດງານຕາແສງອາເວືອງ ກໍ່ໄດ້ມອບຂອງຂວັນທີ່ມີຄວາມໝາຍໃຫ້ອໍານາດການປົກຄອງບ້ານກະໂລ, ປ້ອມຄວບຄຸມດ່ານຊາຍແດນອາເດີດ ແລະກອງຮ້ອຍທະຫານຊາຍແດນ 531 (ລາວ).
ໂດຍ: ໄຊນີດາ