ເພີ່ມພູນຄູນສ້າງສາຍພົວພັນສາມັກຄີແບບພິເສດ ຫວຽດນາມ-ລາວ ຢ່າງບໍ່ຢຸດຢັ້ງ

ທ່ານນາງ ຄໍາເພົາ ເອີນທະວັນ ເອກອັກຄະລັດຖະທູດລາວ ປະຈໍາ ຫວຽດນາມ ກ່າວຄຳເຫັນທີ່ງານລ້ຽງ. ພາບ: qdnd.vn

ກ່າວຄຳເຫັນທີ່ງານລ້ຽງ, ທ່ານນາງ ຄໍາເພົາ ເອີນທະວັນ ເອກອັກຄະລັດຖະທູດລາວ ປະຈໍາ ຫວຽດນາມ ເນັ້ນໜັກວ່າ ການກຳເນີດຂອງ ສປປ ລາວ ໃນວັນທີ 2 ທັນວາ 1975 ໄດ້ເປີດສັງກາດໃໝ່ສຳຄັນໃນປະຫວັດສາດຂອງປະຊາຊົນລາວ. ບັນດາຜົນງານອັນໃຫຍ່ຫຼວງຂອງ  ສປປ ລາວ ໃນຕະຫຼອດ 50 ປີຜ່ານມາ ແມ່ນເປັນໄປໄດ້ຍ້ອນການນໍາພາປະດິດສ້າງ, ເດັດດ່ຽວ, ຕັດສິນໃຈສູງຂອງບັນດາການນຳພັກ, ລັດລາວລຸ້ນຕ່າງໆ, ພ້ອມກັບການຮ່ວມມື, ການໜູນຊ່ວຍອັນລໍ້າຄ່າຂອງເພື່ອນມິດສາກົນ, ພິເສດແມ່ນການຊ່ວຍເຫຼືອຢ່າງສຸດອົກສຸດໃຈ, ມີປະສິດທິຜົນຂອງພັກ, ລັດ ແລະປະຊາຊົນຫວຽດນາມ ອ້າຍນ້ອງ.

ບັນດາຜູ້ແທນເຂົ້າຮ່ວມງານລ້ຽງຖ່າຍຮູບລວມ. ພາບ: qdnd.vn

ຕາງໜ້າພັກ, ລັດ ແລະປະຊາຊົນລາວ, ທ່ານນາງ ຄໍາເພົາ ເອີນທະວັນ ສະແດງຄວາມຂອບໃຈຢ່າງເລິກເຊິ່ງຕໍ່ພັກ, ລັດ ແລະປະຊາຊົນຫວຽດນາມ ອ້າຍນ້ອງ ທີ່ຍາມໃດກໍ່ໃຫ້ການສະໜັບສະໜູນ, ການຊ່ວຍເຫຼືອອັນລໍ້າຄ່າແກ່ພາລະກິດປະຕິວັດຂອງປະຊາຊົນລາວ ທັງໃນພາລະກິດກິດຕໍ່ສູ້ປົດປ່ອຍຊາດໃນເມື່ອກ່ອນ ກໍ່ຄືໃນການສ້າງສາ, ປົກປັກຮັກສາ ແລະພັດທະນາປະເທດໃນປະຈຸບັນ.

ທ່ານນາງ ຫງວຽນທິແທັງ ຮອງປະທານສະພາແຫ່ງຊາດຫວຽດນາມ ກ່າວຄຳເຫັນທີ່ງານລ້ຽງ. ພາບ: qdnd.vn

ສ່ວນທ່ານນາງ ຫງວຽນທິແທັງ ຮອງປະທານສະພາແຫ່ງຊາດຫວຽດນາມ ເນັ້ນໜັກວ່າ ບັນດາຜົນງານຂອງລາວໃນ 50 ປີຜ່ານມາ ແມ່ນຄວາມມ່ວນຊື່ນ, ຄວາມເອກອ້າງທະນົງໃຈຂອງສອງພັກ, ສອງລັດ ແລະປະຊາຊົນສອງປະເທດ. ພ້ອມທັງຊີ້ແຈ້ງວ່າ, ພັກ, ລັດ ແລະ ປະຊາຊົນຫວຽດນາມ ຈະເຮັດຈົນສຸດຄວາມສາມາດຂອງຕົນພ້ອມກັບພັກ, ລັດ ແລະປະຊາຊົນລາວ ສືບຕໍ່ປົກປັກຮັກສາ ແລະເພີ່ມພູນຄູນສ້າງສາຍພົວພັນສາມັກຄີແບບພິເສດ ຫວຽດນາມ-ລາວ ໃຫ້ພັດທະນາຢ່າງບໍ່ຢຸດຢັ້ງ, ເພື່ອຄວາມຈະເລີນຮຸ່ງເຮືອງ ແລະຄວາມຜາສຸກຂອງປະຊາຊົນສອງປະເທດ, ເພື່ອສັນຕິພາບ, ສະຖຽນລະພາບ, ການຮ່ວມມື ແລະພັດທະນາຢູ່ພາກພື້ນ ແລະໃນໂລກ.

ໂດຍ: ເຈິ່ນຮວ່ຽນ