ກອງພົນ 316 ພົບປະກັບຄະນະພະນັກງານຂອງກອງພົນທະຫານຮາບທີ 2 ກອງທັບປະຊາຊົນລາວ
ກປ.ອອນໄລ - ວັນທີ 14 ພະຈິກ, ຄະນະປະຕິບັດງານຂອງກອງພົນ 316 (ທະຫານເຂດ 2 ກອງທັບປະຊາຊົນຫວຽດນາມ) ນໍາໂດຍທ່ານພັນເອກພິເສດ ບຸ່ຍເທຢູງ ຫົວໜ້າການທະຫານກອງພົນ 316, ໄດ້ພົບປະກັບຄະນະປະຕິບັດງານຂອງກອງພົນທະຫານຮາບທີ 2 ກອງທັບປະຊາຊົນລາວ ທີ່ມາຢ້ຽມຢາມ ແລະໄປທັດສະນະສຶກສາຕົວຈິງຢູ່ກອງພັນໃຫຍ່ 174, ກອງພົນ 316.
    |
 |
|
ບັນຍາກາດທີ່ການພົບປະ. ພາບ: qdnd.vn |
ຕາງໜ້າຄະນະພັກ, ຄະນະບັນຊາກອງພົນ 316, ທ່ານພັນເອກພິເສດ ບຸ່ຍເທຢູງ ໄດ້ສະແດງຄວາມຍິນດີຕ້ອນຮັບມາຍັງຄະນະພະນັກງານກອງພົນທະຫານຮາບທີ 2, ກອງທັບປະຊາຊົນລາວ; ພ້ອມທັງໄດ້ສະແດງຄວາມປິຕິຊົມຊື່ນເມື່ອພະນັກງານສອງກົມກອງສືບຕໍ່ຮັກສາການເຄື່ອນໄຫວພົບປະແລກປ່ຽນບົດຮຽນ - ຈຸດງາມທີ່ເປັນມູນເຊື້ອໃນການພົວພັນມິດຕະພາບແບບພິເສດ ຫວຽດນາມ-ລາວ ແລະຂອງກອງພົນ 316 ແລະກອງພົນທະຫານຮາບທີ 2 ກອງທັບປະຊາຊົນລາວ ໃນຫຼາຍປີຜ່ານມາ.
|
|
 |
|
ບັນດາຜູ້ແທນຖ່າຍຮູບເປັນທີ່ລະນຶກ. ພາບ: qdnd.vn |
ໃນບັນຍາກາດທີ່ເຕັມໄປດ້ວຍໄມຕີຈິດມິດຕະພາບ ແລະອົບອຸ່ນ, ຜູ້ຕາງໜ້າຄະນະປະຕິບັດງານລາວ ໄດ້ຂອບໃຈຕໍ່ຄວາມເອົາໃຈໃສ່ຂອງຄະນະພັກ, ຄະນະບັນຊາກອງພົນ 316, ພ້ອມທັງຢັ້ງຢືນວ່າ ໃນການຮໍ່າຮຽນ, ປະຕິບັດງານທີ່ກອງພັນໃຫຍ່ 174 ຍາມໃດກໍ່ໄດ້ຮັບຄວາມເອົາໃຈໃສ່, ການສ້າງເງື່ອນໄຂທີ່ສະດວກທີ່ສຸດຈາກການນໍາ, ຄະນະບັນຊາທຸກຂັ້ນຂອງກອງພົນ; ບັນດາເນື້ອໃນການຝຶກອົບຮົມທັງໝົດແມ່ນເໝາະສົມ, ແທດຈິງ, ຊ່ວຍເພີ່ມທະວີບົດຮຽນຕົວຈິງໃຫ້ພະນັກງານກອງພົນທະຫານຮາບທີ 2, ກອງທັບປະຊາຊົນລາວ.
ຕາມແຜນການແລ້ວ, ຄະນະພະນັກງານກອງພົນທະຫານຮາບທີ 2 ກອງທັບປະຊາຊົນລາວ ຈະສືບຕໍ່ຢ້ຽມຢາມ, ທັດສະນະສຶກສາຕົວຈິງຢູ່ທີ່ກອງພົນ 316 ຈົນຮອດວັນທີ 3 ທັນວາ.
ໂດຍ: ຈາງຫງວຽນ