ທ່ານ ເທບຖາວອນ ແສງມະນີ ເອກອັກຄະລັດຖະທູດລາວ ປະຈໍາ ມາເລເຊຍ ໄດ້ອວຍພອນທ່ານ ດິງຫງອກລິງ ເອກອັກຄະລັດຖະທູດ ພ້ອມດ້ວຍພະນັກງານ, ພາລະກອນຂອງສະຖານທູດ ກ່ຽວກັບຄວາມເອກອ້າງທະນົງໃຈ ແລະຄວາມຜາສຸກຕໍ່ຜົນງານອັນໃຫຍ່ຫຼວງທີ່ປະຊາຊົນຫວຽດນາມ ບັນລຸໃນ 80 ປີຜ່ານມາ.

ທ່ານ ເທບຖາວອນ ແສງມະນີ ເນັ້ນໜັກວ່າ ຈາກໄຊຊະນະຂອງການປະຕິວັດເດືອນສິງຫາ ປີ 1945, ຫວຽດນາມ ໄດ້ກາຍເປັນປະເທດເອກະລາດ, ຜ່ານຜ່າຄວາມຫຍຸ້ງຍາກລໍາບາກຫຼາຍຢ່າງ, ຮັກສາພື້ນຖານເອກະລາດ, ກ້າວເຂົ້າສູ່ຍຸກໃໝ່ຢ່າງໝັ້ນຄົງເຂັ້ມແຂງດ້ວຍຂອບຂະໜາດເສດຖະກິດຢືນອັນດັບທີ 35 ໃນໂລກ. ທ່ານ ເທບຖາວອນ ແສງມະນີ ໃຫ້ຮູ້ວ່າ ຫວຽດນາມ ແມ່ນແບບຢ່າງແຫ່ງການພັດທະນາຂອງລາວ.

leftcenterrightdel
ທ່ານ ດິງຫງອກລິງ ເອກອັກຄະລັດຖະທູດຫວຽດນາມ ປະຈໍາ ມາເລເຊຍ ຕ້ອນຮັບທ່ານ ເທບຖາວອນ ແສງມະນີ ເອກອັກຄະລັດຖະທູດລາວ ປະຈໍາ ມາເລເຊຍ. ພາບ: ສໍານັກຂ່າວສານຫວຽດນາມ

ທ່ານ ເທບຖາວອນ ແສງມະນີ ໄດ້ສະແດງຄວາມຂອບອົກຂອບໃຈຝ່າຍຫວຽດນາມ ທີ່ໄດ້ຄຽງບ່າຄຽງໄຫຼ່, ປະກອບສ່ວນເຂົ້າໃນພື້ນຖານເອກະລາດ, ການພັດທະນາຂອງລາວ ຄືໃນປະຈຸບັນ,  ຢືນຢັນນໍ້າໃຈສາມັກຄີ, ການຮ່ວມມືມິດຕະພາບຫວຽດນາມ - ລາວ ແມ່ນມີໜຶ່ງບໍ່ມີສອງໃນໂລກ. ທ່ານ ເທບຖາວອນ ແສງມະນີ  ປາດຖະໜາວ່າ ຈະສືບຕໍ່ເພີ່ມທະວີການຮ່ວມມືທີ່ນັບມື້ນັບສິດໜິດຕິດພັນ, ມີປະສິດທິຜົນລະຫວ່າງສອງສະຖານທູດ, ປະກອບສ່ວນເພີ່ມພູນຄູນສ້າງສາຍພົວພັນມິດຕະພາບເຕັມໄປດ້ວຍຖານສະຫາຍລະຫວ່າງສອງປະເທດ.

ສ່ວນທ່ານ ດິງຫງອກລິງ ເອກອັກຄະລັດຖະທູດຫວຽດນາມ ປະຈໍາ ມາເລເຊຍ ຢືນຢັນວ່າ ຈະສືບຕໍ່ຊຸກຍູ້ການພົວພັນຮ່ວມມືທີ່ໄວ້ເນື້ອເຊື່ອໃຈ ແລະຄວາມສະໜິດສະໜົມລະຫວ່າງສອງສະຖານທູດ, ປະກອບສ່ວນເພີ່ມພູນຄູນສ້າງສາຍພົວພັນມິດຕະພາບແບບພິເສດ ລະຫວ່າງສອງປະເທດ ແລະການສົມທົບກັນຢ່າງມີປະສິດທິຜົນ ຢູ່ໃນອາຊຽນ.

ໂດຍ: ທູຈາງ