ແຂວງຢາລາຍ ເພີ່ມທະວີການຮ່ວມມືກັບບັນດາແຂວງພາກໃຕ້ຂອງລາວ

ບັນຍາກາດທີ່ການເຮັດວຽກ. ພາບ: vnexpress.net

ທີ່ການເຮັດວຽກໃນວັນທີ 3 ກັນຍານີ້, ທີ່ສຳນັກງານຄະນະກຳມະການປະຊາຊົນແຂວງຢາລາຍ, ການນຳຂອງສອງຝ່າຍໄດ້ພ້ອມກັນທົບທວນຄືນໝາກຜົນການຮ່ວມມືໃນຊຸມປີຜ່ານມາ.

ທີ່ເຫດການ, ຜູ້ຕາງໜ້າແຂວງອັດຕະປື ແລະ ແຂວງສາລະວັນ ໄດ້ສະແດງຄວາມຂອບອົກຂອບໃຈຕໍ່ການເອົາໃຈໃສ່ ແລະການຮ່ວມເດີນທາງຂອງ ແຂວງຢາລາຍ ໃນຫຼາຍຂົງເຂດ, ພິເສດແມ່ນໃນຂົງເຂດການສຶກສາ, ພັດທະນາແຫຼ່ງຊັບພະຍາກອນມະນຸດ ແລະໜູນຊ່ວຍພື້ນຖານໂຄງລ່າງ. ການນຳແຂວງອັດຕະປື ແລະແຂວງສາລະວັນ ສະແດງຄວາມປາດຖະໜາວ່າ ສາຍພົວພັນການຮ່ວມມືຈະນັບມື້ນັບເປີດກວ້າງ ແລະມີປະສິດທິຜົນ, ປະກອບສ່ວນປັບປຸງຄວາມສາມັກຄີແບບພິເສດຫວຽດນາມ - ລາວ.

ທ່ານ ຫງວຽນຕ໋ວນແອັງ ຮອງປະທານຄະນະກຳມະການປະຊາຊົນແຂວງ ຢາລາຍ ຢືນຢັນວ່າ ທາງແຂວງຈະສືບຕໍ່ສືບຕໍ່ສືບທອດບົດບັນທຶກຊ່ວຍຈໍາກ່ຽວກັບການຮ່ວມມືໄລຍະ 2021-2025, ກະກຽມສະຫຼຸບ ແລະລົງນາມໃນໂຄງການຮ່ວມມືໃນໄລຍະ 2026-2030. ທ່ານ ຫງວຽນຕ໋ວນແອັງ ເນັ້ນໜັກວ່າ, ນີ້ຈະແມ່ນຂີດໝາຍສຳຄັນ, ສະແດງໃຫ້ເຫັນຄວາມຕັດສິນໃຈຂອງແຂວງຢາລາຍ ແລະບັນດາແຂວງພາກໃຕ້ຂອງລາວ ໃນການເພີ່ມພູນຄູນສ້າງ ແລະ ພັດທະນາສາຍພົວພັນຮ່ວມມືຮອບດ້ານ ແລະ ຄວາມສະໜິດຕິດພັນໃຫ້ແໜ້ນແຟ້ນຂຶ້ນຕື່ມ.

ໂດຍ: ທູຈາງ