ທ່ານ ທອງຜ່ານ ສະຫວັນເພັດ ໄດ້ສົ່ງພອນໄຊອັນປະເສີດມາຍັງທ່ານເອກອັກຄະລັດຖະທູດ ໂດ໋ຮຸ່ງຫວຽດ ພ້ອມດ້ວຍພະນັກງານ, ລັດຖະກອນຄະນະຜູ້ຕາງໜ້າຫວຽດນາມ ແລະຄອບຄົວໃນໂອກາດສະເຫຼີມສະຫຼອງພິເສດນີ້ຂອງປະຊາຊົນຫວຽດນາມ ອ້າຍນ້ອງ. ທ່ານເອກອັກຄະລັດຖະທູດລາວ ໄດ້ຕີລາຄາສູງການສົມທົບກັນຢ່າງແໜ້ນແຟ້ນ, ຄວາມໄວ້ເນື້ອເຊື່ອໃຈລະຫວ່າງສອງຄະນະຜູ້ຕາງໜ້າໃນໄລຍະຜ່ານມາ; ຂອບໃຈຫວຽດນາມ ທີ່ໄດ້ໜູນຊ່ວຍລາວ ປະຕິບັດສຳເລັດບົດບາດເປັນປະທານອາຊຽນ ປີ 2024, ພ້ອມທັງສະແດງຄວາມປາດຖະໜາຢາກສືບຕໍ່ເພີ່ມທະວີການຮ່ວມມືນັບມື້ນັບສະໜິດຕິດພັນ ແລະມີປະສິດທິຜົນກວ່າໃນໄລຍະຈະມາເຖິງ.

leftcenterrightdel
ທ່ານ ທອງຜ່ານ ສະຫວັນເພັດ ເອກອັກຄະລັດຖະທູດລາວ ປະຈໍາ ສປຊ ອວຍພອນທ່ານ ໂດ໋ຮຸ່ງຫວຽດ ເອກອັກຄະລັດຖະທູດ ແລະຄະນະຜູ້ຕາງໜ້າຫວຽດນາມ ປະຈຳ ສປຊ. ພາບ: ສໍານັກຂ່າວສານຫວຽດນາມ

ທ່ານ ໂດ໋ຮຸ່ງຫວຽດ ສະແດງຄວາມຂອບອົກຂອບໃຈຕໍ່ອາລົມຈິດອັນດີງາມ, ຈິງໃຈຂອງທ່ານເອກອັກຄະລັດຖະທູດ ທອງຜ່ານ ສະຫວັນເພັດ ແລະບັນດາສະຫາຍລາວ ທີ່ສະຫງວນໃຫ້ຫວຽດນາມ. ໃນບັນຍາກາດແຫ່ງໄມຕີຈິດມິດຕະພາບ, ເຕັມໄປດ້ວຍນໍ້າໃຈສະຫາຍ, ອ້າຍນ້ອງ, ເອກອັກຄະລັດຖະທູດ ສອງທ່ານ ໄດ້ສະແດງຄວາມປິຕິຊົມຊື່ນຕໍ່ການພັດທະນາຂອງສາຍພົວພັນມິດຕະພາບອັນຍິ່ງໃຫຍ່, ຄວາມສາມັກຄີແບບພິເສດ ແລະການຮ່ວມມືຮອບດ້ານ ຫວຽດນາມ-ລາວ; ເຫັນດີເປັນເອກະພາບຈະສືບຕໍ່ເສີມຂະຫຍາຍມູນເຊື້ອ ແລະໝາກຜົນການຮ່ວມມືອັນດີງາມລະຫວ່າງສອງຄະນະຜູ້ຕາງໜ້າຢູ່ນິວຢອກ, ສະໜັບສະໜູນເຊິ່ງກັນ ແລະກັນ ແລະສົມທົບກັນຢ່າງມີປະສິດທິຜົນໃນບັນຫາທີ່ຕ່າງຝ່າຍຕ່າງມີຄວາມສົນໃຈຢູ່ ສປຊ.

ໂດຍ: ເຈິ່ນຮວ່ຽນ