ພາຍຫຼັງເວລາເກືອບ 1 ເດືອນ, ພະນັກງານການທະຫານ 20 ຄົນຂອງແຂວງບໍລິຄຳໄຊ ໄດ້ຮັບຊາບກ່ຽວກັບສະພາບການເສດຖະກິດ-ສັງຄົມຂອງແຂວງຮ່າຕິ້ງ; ສ້າງຄວາມຮັບຮູ້ລວມກ່ຽວກັບເຂດຊາຍແດນແຫ່ງຊາດ; ມູນເຊື້ອສາຍພົວພັນລະຫວ່າງສອງປະເທດຫວຽດນາມ-ລາວ, ລະຫວ່າງແຂວງຮ່າຕິ້ງ ແລະແຂວງບໍລິຄໍາໄຊ; ມູນເຊື້ອກໍາລັງປະກອບອາວຸດແຂວງຮ່າຕິ້ງ; ຈຸດຕົ້ນຕໍໃນການຈັດຕັ້ງປະຕິບັດຮູບແບບອໍານາດການປົກຄອງທ້ອງຖິ່ນ 2 ຂັ້ນ; ນະໂຍບາຍການທູດຂອງພັກ ແລະລັດຫວຽດນາມ; ໝາກຜົນສົມທົບກັນຊອກຫາ, ທ້ອນໂຮມອັດຖິນັກຮົບເສຍສະຫຼະຊີວິດເພື່ອຊາດ ຢູ່ປະເທດລາວ...

leftcenterrightdel
ຄະນະຈັດຕັ້ງໄດ້ມອບໃບຢັ້ງຢືນສໍາເລັດຊຸດຝຶກອົບຮົມໃຫ້ແກ່ນັກສໍາມະນາກອນ. ພາບ: qdnd.vn

ຄຽງຂ້າງກັນນັ້ນ, ຊຸດຝຶກອົບຮົມໃຫ້ແກ່ພະນັກງານການທະຫານແຂວງບໍລິຄໍາໄຊ, ໄປທັດສະນະສຶກສາຢູ່ເຂດປູຊະນີຍະສະຖານປະຫວັດສາດ, ເຂດເສດຖະກິດແຂວງຮ່າຕິ້ງ; ເຂົ້າຮ່ວມບັນດາກິດຈະກຳດ້ານວັດທະນະທຳ, ສິລະປະ, ກິລາ... ຮັດແໜ້ນນ້ຳໃຈສາມັກຄີ, ມິດຕະພາບ ຫວຽດນາມ-ລາວ ອ້າຍນ້ອງ...

ຍ້ອນປະຕິບັດວຽກງານກະກຽມທຸກດ້ານເປັນຢ່າງດີ, ຊຸດຝຶກອົບຮົມໄດ້ຮັບຜົນສໍາເລັດອັນດີງາມ.  ຜົນໄດ້ຮັບແມ່ນເປັນທີ່ພໍໃຈ 100%, ໃນນັ້ນຫຼາຍກວ່າ 75% ແມ່ນດີ ແລະດີເລີດ.

ທີ່ພິທີປິດ, ຄະນະຈັດຕັ້ງໄດ້ມອບໃບຢັ້ງຢືນສໍາເລັດຊຸດຝຶກອົບຮົມໃຫ້ແກ່ນັກສໍາມະນາກອນ; ນັກສໍາມະນາກອນ 5 ຄົນ ໄດ້ຮັບລາງວັນຍ້ອນມີຜົນງານສູງໃນການຮໍ່າຮຽນ.

ກ່າວຄຳເຫັນທີ່ພິທີປິດ, ທ່ານພັນເອກພິເສດ ມາຍຫງອັກຫວຽດ, ຮອງຫົວໜ້າຫ້ອງການເມືອງ ກອງບັນຊາການທະຫານແຂວງຮ່າຕິ້ງ ໄດ້ສະແດງຄວາມຊົມເຊີຍຕໍ່ພະນັກງານຂອງແຂວງບໍລິຄຳໄຊ ທີ່ໄດ້ສຳເລັດຊຸດຝຶກອົບຮົມ; ພ້ອມທັງທ່ານຫວັງວ່າ ເມື່ອບັນດາສະຫາຍກັບຄືນປະເທດຈະໝູນໃຊ້ບັນດາຄວາມຮູ້ທີ່ໄດ້ຮັບຈາກຊຸດຝຶກອົບຮົມເຂົ້າໃນການຈັດຕັ້ງປະຕິບັດ, ຍົກສູງຄຸນນະພາບ, ປະສິດທິຜົນວຽກງານການທະຫານ, ຮັບໃຊ້ວຽກງານເປັນເສນາທິການ, ນຳພາ, ບັນຊາ ແລະການບໍລິຫານຢູ່ບັນດາອົງການ, ກົມກອງ, ປະກອບສ່ວນເຮັດໃຫ້ສາຍພົວພັນມິດຕະພາບ, ຄວາມສາມັກຄີແບບພິເສດລະຫວ່າງສອງປະເທດ, ສອງກອງທັບ ຫວຽດນາມ-ລາວ ເລິກເຊິ່ງກວ່າອີກ.

ໂດຍ: ໄຊນີດາ