ກະຊວງປ້ອງກັນປະເທດລາວ ຈັດຕັ້ງພິທີສະເຫຼີມສະຫຼອງວັນຊາດ ສາທາລະນະລັດ ສັງຄົມນິຍົມ ຫວຽດນາມ ຄົບຮອບ 80 ປີ
ກປ.ອອນໄລ - ວັນທີ 28 ສິງຫາ, ຢູ່ນະຄອນຫຼວງວຽງຈັນ, ກະຊວງປ້ອງກັນປະເທດລາວ ໄດ້ຈັດຕັ້ງພິທີສະເຫຼີມສະຫຼອງ ວັນຊາດສາທາລະນະລັດ ສັງຄົມນິຍົມ ຫວຽດນາມ ຄົບຮອບ 80 ປີ (2-9-1945 / 2-9-2025). ເຂົ້າຮ່ວມພິທີມີທ່ານ ຫງວຽນມິງເຕີມ ເອກອັກຄະລັດຖະທູດຫວຽດນາມ ປະຈຳ ລາວ; ທ່ານພົນໂທ ທອງລອຍ ສີລິວົງ ກໍາມະການສູນກາງພັກ ປະຊາຊົນ ປະຕິວັດ ລາວ, ຮອງລັດຖະມົນຕີກະຊວງປ້ອງກັນປະເທດລາວ ພ້ອມດ້ວຍພະນັກງານ, ນັກຮົບ, ຕາງໜ້າບັນດາອົງການ, ກົມກອງຂອງສອງປະເທດ.
ກ່າວຄຳເຫັນທີ່ພິທີ, ທ່ານ ຫງວຽນມິງເຕີມ ເອກອັກຄະລັດຖະທູດ ຢືນຢັນວ່າ: ໄຊຊະນະຂອງການປະຕິວັດເດືອນສິງຫາ ແມ່ນການເຕົ້າໂຮມກຳລັງມະຫາສາມັກຄີທົ່ວປວງຊົນທັງຊາດ ພາຍໃຕ້ການຊີ້ນໍາຂອງພັກ, ພ້ອມທັງແມ່ນບົດຮຽນປະຫວັດສາດອັນລ້ຳຄ່າທີ່ໄດ້ນຳໃຊ້ຢ່າງມີຫົວຄິດປະດິດສ້າງໃນພາລະກິດຕໍ່ສູ້ຍາດເອົາເອກະລາດ, ທ້ອນໂຮມປະເທດຊາດເປັນເອກະພາບ ແລະໃນພາລະກິດສ້າງສາ, ພັດທະນາ ແລະປົກປັກຮັກສາປະເທດຊາດໃນປະຈຸບັນ.
    |
 |
|
ບັນດາຜູ້ແທນເຂົ້າຮ່ວມພິທີສະເຫຼີມສະຫຼອງ. ພາບ: qdnd.vn |
|
|
 |
|
ທ່ານ ຫງວຽນມິງເຕີມ ເອກອັກຄະລັດຖະທູດ ຫວຽດນາມ ປະຈໍາ ລາວ ກ່າວຄໍາເຫັນທີ່ເຫດການ. ພາບ: qdnd.vn |
ເນື່ອງໃນໂອກາດນີ້, ທ່ານ ຫງວຽນມິງເຕີມ ໄດ້ຫວນຄືນສາຍພົວພັນມິດຕະພາບທີ່ເປັນມູນເຊື້ອ, ຄວາມສາມັກຄີແບບພິເສດ ແລະການຮ່ວມມືຮອບດ້ານຫວຽດນາມ-ລາວ; ພ້ອມທັງສະເໜີການກໍານົດທິດໃຫຍ່ ເພື່ອສືບຕໍ່ເພີ່ມທະວີການຮ່ວມມືລະຫວ່າງສອງພັກ ແລະສອງລັດໃນທຸກຂົງເຂດ.
|
|
 |
|
ທ່ານພົນໂທ ທອງລອຍ ສີລິວົງ, ຮອງລັດຖະມົນຕີກະຊວງປ້ອງກັນປະເທດ ກ່າວຄໍາເຫັນທີ່ເຫດການ. ພາບ: qdnd.vn |
ຕາງໜ້າພັກ, ລັດ, ກອງທັບ ແລະປະຊາຊົນລາວ ບັນດາເຜົ່າ, ທ່ານພົນໂທ ທອງລອຍ ສີລິວົງ ໄດ້ສະແດງຄວາມຮູ້ບຸນຄຸນຢ່າງເລິກເຊິ່ງຕໍ່ການໜູນຊ່ວຍອັນລ້ຳຄ່າຂອງພັກ, ລັດ, ກອງທັບ ແລະປະຊາຊົນຫວຽດນາມ ໃນພາລະກິດຕໍ່ສູ້ປົດປ່ອຍຊາດ ໃນເມື່ອກ່ອນ ກໍ່ຄືໃນພາລະກິດແຫ່ງການສ້າງສາ ແລະພັດທະນາປະເທດລາວ ໃນປະຈຸບັນ.
ສະຫາຍ ຢືນຢັນວ່າ, ສາຍພົວພັນມິດຕະພາບອັນຍິ່ງໃຫຍ່, ຄວາມສາມັກຄີແບບພິເສດຫວຽດນາມ-ລາວ ແມ່ນມໍລະດົກອັນລ້ຳຄ່າ, ທັງເປັນປັດໄຈ ຕັດສິນໄຊຊະນະການປະຕິວັດຂອງແຕ່ລະປະເທດ ແລະເປັນຊັບສົມບັດລວມທີ່ຕ້ອງໄດ້ຮັບການຮັກສາ ແລະສົ່ງເສີມໃຫ້ຄົນລຸ້ນຫຼັງ.
|
|
 |
|
ທ່ານພົນໂທ ທອງລອຍ ສີລິວົງ, ຮອງລັດຖະມົນຕີກະຊວງປ້ອງກັນປະເທດລາວ (ເບື້ອງຂວາ) ມອບຊໍ່ດອກໄມ້ໃຫ້ທ່ານ ຫງວຽນມິງເຕີມ ເອກອັກຄະລັດຖະທູດ ຫວຽດນາມ ປະຈຳ ລາວ. ພາບ: qdnd.vn |
|
|
 |
|
ບັນດາຜູ້ແທນຖ່າຍຮູບລວມ. ພາບ: qdnd.vn |
|
|
 |
|
ພິທີຕັດແຖບຜ້າເປີດງານວາງສະແດງຮູບພາບສະເຫຼີມສະຫຼອງ 80 ປີແຫ່ງວັນຊາດ ສາທາລະນະລັດ ສັງຄົມນິຍົມ ຫວຽດນາມ. ພາບ: qdnd.vn |
|
|
 |
|
ບັນດາຜູ້ແທນຖ່າຍຮູບລວມທີ່ງານວາງສະແດງ. ພາບ: qdnd.vn |
ໃນຂອບເຂດພິທີສະເຫຼີມສະຫຼອງ, ຄະນະຈັດຕັ້ງ ໄດ້ຈັດຕັ້ງງານວາງສະແດງຮູບພາບສະເຫຼີມສະຫຼອງ 80 ປີແຫ່ງວັນຊາດ ສາທາລະນະລັດ ສັງຄົມນິຍົມຫວຽດນາມ ດ້ວຍຮູບພາບ ແລະເອກະສານອັນລ້ຳຄ່ານັບຮ້ອຍແຜ່ນ, ສ່ອງແສງໄລຍະທາງປະຫວັດສາດສະຫງ່າອົງອາດຂອງຊົນຊາດຫວຽດນາມ, ນໍ້າໃຈສາມັກຄີແບບພິເສດລາວ-ຫວຽດນາມ ໃນຊຸມປີຕໍ່ສູ້, ກໍ່ຄືການຮ່ວມມືຮອບດ້ານຄືໃນປະຈຸບັນ.
ໂດຍ: ໄຊນີດາ