ກອງບັນຊາການທະຫານແຂວງ ລາວກາຍ ແລະບໍ່ແກ້ວ ລົງນາມການແຮກສ່ຽວ

ທີ່ການພົບປະ, ບົນພື້ນຖານເອກະສານແລກປ່ຽນກ່ອນໜ້ານັ້ນ, ສອງຝ່າຍສືບຕໍ່ປຶກສາຫາລື, ຕີລາຄາສະພາບການ ແລະເປັນເອກະພາບຕໍ່ເນື້ອໃນແຮກສ່ຽວ. ຕາມນັ້ນແລ້ວ, ການເຄື່ອນໄຫວແຮກສ່ຽວລະຫວ່າງກອງບັນຊາການທະຫານແຂວງ ລາວກາຍ ແລະກອງບັນຊາການທະຫານແຂວງບໍ່ແກ້ວ ແມ່ນຮັບປະກັນຖືກກັບແນວທາງ, ແຜນນະໂຍບາຍ, ນະໂຍບາຍຂອງສອງພັກ, ສອງລັດ ແລະກອງທັບສອງປະເທດ, ຂອງແຂວງລາວກາຍ ແລະແຂວງບໍ່ແກ້ວ.

ຄະນະປະຕິບັດງານກອງບັນຊາການທະຫານແຂວງ ລາວກາຍ ແລະບໍ່ແກ້ວ ທີ່ການພົບປະ. ພາບ: baolaocai.vn

ກອງບັນຊາການທະຫານສອງແຂວງໄດ້ແລກປ່ຽນຂໍ້ມູນຂ່າວສານກ່ຽວກັບບໍລິເວນ ເປັນປົກກະຕິ; ຊ່ວຍເຫຼືອກັນໃນການເຄື່ອນໄຫວການທະຫານ, ການປ້ອງກັນຊາດ, ກໍ່ສ້າງກໍາລັງປະກອບອາວຸດທ້ອງຖິ່ນໃຫ້ໝັ້ນຄົງເຂັ້ມແຂງຮອບດ້ານ; ບໍາລຸງສ້າງ, ຝຶກອົບຮົມວຽກງານດ້ານວິຊາການ; ສະກັດກັ້ນ ແລະຕ້ານໄພທໍາມະຊາດ;... ຄຽງຂ້າງນັ້ນ, ຍັງໄດ້ສຸມໃສ່ໂຄສະນາເຜີຍແຜ່, ສຶກສາອົບຮົມໃຫ້ພະນັກງານ, ນັກຮົບ ແລະປະຊາຊົນບັນດາແຂວງກ່ຽວກັບມູນເຊື້ອຄວາມສາມັກຄີພິເສດ, ນໍ້າໃຈມິດຕະພາບທີ່ສັດຊື່ບໍລິສຸດຜຸດຜ່ອງລະຫວ່າງຫວຽດນາມ-ລາວ, ລະຫວ່າງກອງທັບສອງປະເທດ ແລະມູນເຊື້ອ, ການພັດທະນາຂອງສອງແຂວງ.

ຄະນະປະຕິບັດງານກອງບັນຊາການທະຫານແຂວງລາວກາຍ ຖ່າຍຮູບເປັນທີ່ລະນຶກກັບກອງບັນຊາການທະຫານແຂວງບໍ່ແກ້ວ. ພາບ: baolaocai.vn

ທີ່ການພົບປະ, ທ່ານພັນເອກພິເສດ ຫງວຽນດຶກເກືອງ, ຫົວໜ້າການເມືອງກອງບັນ ຊາການທະຫານແຂວງລາວກາຍ ຫວັງວ່າ ການນໍາກອງບັນຊາການທະຫານແຂວງ ບໍ່ແກ້ວ ຈະສືບຕໍ່ນໍາພາບັນດາອົງການ, ກົມກອງແລກປ່ຽນຂໍ້ມູນຂ່າວສານ, ພົບປະແລກປ່ຽນວຽກງານປະຈໍາໄລຍະ ເພື່ອເປັນເຈົ້າການປະຕິບັດວຽກງານເປັນເສນາທິການໃຫ້ຄະນະພັກ, ອໍານາດການປົກຄອງທ້ອງຖິ່ນໃນການກໍ່ສ້າງພື້ນຖານການເມືອງ, ກໍ່ສ້າງກໍາລັງປະກອບອາວຸດ, ເຂດປ້ອງກັນ, ປັບປຸງການປ້ອງກັນຊາດ, ປ້ອງກັນຄວາມ ສະຫງົບໃຫ້ເປັນຢ່າງດີ; ເພີ່ມທະວີການແລກປ່ຽນບົດຮຽນໃນການພັດທະນາເສດຖະກິດ, ວັດທະນະທໍາ, ສັງຄົມ; ປະຕິບັດວຽກງານຂົນຂວາຍປະຊາຊົນໃຫ້ເປັນຢ່າງດີ; ເປັນເຈົ້າການ, ຕັ້ງໜ້າໃນວຽກງານໂຄສະນາເຜີຍແຜ່ຢ່າງເລິກເຊິ່ງກວ້າງຂວາງ ແລະ ເສີມຂະຫຍາຍປະສິດທິຜົນການພົວພັນສາມັກຄີພິເສດ, ການຮ່ວມມືຮອບດ້ານ ຫວຽດນາມ-ລາວ, ປະກອບສ່ວນກໍ່ສ້າງ ແລະປັບປຸງຄວາມສາມັກຄີມິດຕະພາບ, ຮ່ວມມື ແລະພ້ອມກັນພັດທະນາ.

ໂດຍ: ໄຊຊະນະ