ທ່ານນາງ ຫງວຽນແທັງຫາຍ ຫົວໜ້າຄະນະວຽກງານສະມາຊິກສະພາແຫ່ງຊາດຫວຽດນາມ ພົບປະກັບປະທານກໍາມາທິການວຽກງານສະມາຊິກສະພາແຫ່ງຊາດລາວ
ກປ.ອອນໄລ - ວັນທີ 19 ຕຸລາ, ທີ່ນະຄອນຫຼວງວຽງຈັນ, ລາວ, ຢູ່ນອກກອງປະຊຸມສະມັດຊາໃຫຍ່ລັດຖະສະພາລະຫວ່າງຊາດອາຊຽນ, ທ່ານນາງ ຫງວຽນແທັງຫາຍ, ຫົວໜ້າຄະນະວຽກງານສະມາຊິກສະພາແຫ່ງຊາດ ຂຶ້ນກັບຄະນະປະຈໍາສະພາແຫ່ງຊາດຫວຽດນາມ ຊຸດທີ XV, ຮອງຫົວໜ້າຄະນະຈັດຕັ້ງສູນກາງພັກ ໄດ້ມີການພົບປະກັບທ່ານ ສຸບັນ ສະວະບຸດ, ປະທານກໍາມາທິການວຽກງານສະມາຊິກສະພາແຫ່ງຊາດລາວ.
ທີ່ການພົບປະ, ທ່ານນາງ ຫງວຽນແທັງຫາຍ ໄດ້ແບ່ງປັນ ແລະແລກປ່ຽນກັບຝ່າຍເພື່ອນກ່ຽວກັບທີ່ຕັ້ງ, ສິດ, ພາລະບົດບາດ, ໜ້າທີ່, ໂຄງປະກອບຂອງຄະນະວຽກງານສະມາຊິກສະພາແຫ່ງຊາດ ຂຶ້ນກັບຄະນະປະຈຳສະພາແຫ່ງຊາດຫວຽດນາມ. ນີ້ແມ່ນອົງການວິຊາສະເພາະທີ່ມີພາລະບົດບາດ, ໜ້າທີ່ເປັນເສນາທິການ, ຊ່ວຍຄະນະປະຈຳສະພາແຫ່ງຊາດ ກ່ຽວກັບວຽກງານສະມາຊິກສະພາແຫ່ງຊາດ, ວຽກງານຈັດຕັ້ງພະນັກງານຂອງສະພາແຫ່ງຊາດ, ຄະນະປະຈຳສະພາແຫ່ງຊາດ, ຄະນະຜູ້ແທນສະມາຊິກສະພາແຫ່ງຊາດ; ລະບອບນະໂຍບາຍຂອງສະມາຊິກສະພາແຫ່ງຊາດ ທັງຢູ່ຂັ້ນສູນກາງ ແລະທ້ອງຖິ່ນ; ວຽກງານແຂ່ງຂັນຍ້ອງຍໍຊົມເຊີຍໃຫ້ສະມາຊິກສະພາແຫ່ງຊາດ ແລະຮັບຜິດຊອບກ່ຽວກັບສະພາປະຊາຊົນຈາກຂັ້ນທ້ອງຖິ່ນຈົນຮອດຂັ້ນແຂວງ.
    |
 |
|
ທ່ານນາງ ຫງວຽນແທັງຫາຍ ຫົວໜ້າຄະນະວຽກງານສະມາຊິກສະພາແຫ່ງຊາດຫວຽດນາມ ພົບປະກັບທ່ານ ສຸບັນ ສະວະບຸດ, ປະທານກໍາມາທິການວຽກງານສະມາຊິກສະພາແຫ່ງຊາດລາວ. ພາບ: qdnd.vn |
ກ່ຽວກັບການເຄື່ອນໄຫວສົມທົບກັນລະຫວ່າງສອງຝ່າຍ, ທ່ານນາງ ຫງວຽນແທັງຫາຍ ຢືນຢັນວ່າ ຈະເພີ່ມທະວີການພົບປະແລກປ່ຽນ ແລະແບ່ງປັນບົດຮຽນກ່ຽວກັບພາລະບົດບາດ, ໜ້າທີ່, ໂຄງປະກອບການຈັດຕັ້ງຂອງຄະນະວຽກງານສະມາຊິກສະພາແຫ່ງຊາດ ຂຶ້ນກັບຄະນະປະຈຳສະພາແຫ່ງຊາດຫວຽດນາມ ກັບຄະນະກໍາມາທິການວຽກງານສະມາຊິກສະພາແຫ່ງຊາດລາວ.
ສອງຝ່າຍໄດ້ຕີລາຄາໝາກຜົນການຮ່ວມມືໃນໄລຍະຜ່ານມາ ແລະປຶກສາຫາລືກ່ຽວກັບທິດທາງການຮ່ວມມືໃນໄລຍະຈະມາເຖິງ; ໂດຍຢືນຢັນວ່າຈະສືບຕໍ່ເອົົາໃຈໃສ່ຊຸກຍູ້ການພົວພັນລະຫວ່າງສະພາແຫ່ງຊາດສອງປະເທດເວົ້າລວມ, ຄະນະວຽກງານສະມາຊິກສະພາແຫ່ງຊາດ ຂຶ້ນກັບຄະນະປະຈຳສະພາແຫ່ງຊາດຫວຽດນາມ ກັບຄະນະກໍາມາທິການວຽກງານສະມາຊິກສະພາແຫ່ງຊາດລາວ ເວົ້າສະເພາະໃຫ້ນັບມື້ນັບເຂົ້າສູ່ລວງເລິກ, ຜ່ານການພົບປະແລກປ່ຽນຄະນະຜູ້ແທນ, ຜັນຂະຫຍາຍການເຄື່ອນໄຫວຮ່ວມມືໃນການບໍາລຸງສ້າງສະມາຊິກສະພາແຫ່ງຊາດ, ວຽກງານພະນັກງານຂອງສະພາແຫ່ງຊາດ...
ໂດຍ: ທູຈາງ