ກອງບັນຊາການ ປກສ ແຂວງຈຳປາສັກ ຢ້ຽມຢາມ ແລະເຮັດວຽກກັບຕໍາຫຼວດແຂວງບິ່ງເຟືອກ

ທ່ານພົນຈັດຕະວາ ສຸກພະຈັນ ສີລາເພັດ, ຫົວໜ້າກອງບັນຊາການ ປກສ ແຂວງຈຳປາສັກ  ກ່າວຄໍາເຫັນທີ່ການເຮັດວຽກ. ພາບ: baobinhphuoc.com.vn

ໃນຂົງເຂດຄວາມໝັ້ນຄົງ, ຄວາມເປັນລະບຽບຮຽບຮ້ອຍ, ເຖິງວ່າ ແຂວງບິ່ງເຟືອກ ແລະແຂວງຈໍາປາສັກ ບໍ່ຕິດຈອດກັບຊາຍແດນກໍ່ຕາມ, ແຕ່ເຊື່ອມຕໍ່ກັນດ້ວຍເສັ້ນທາງສັນຈອນຂ້າມອາຊີ, ສະນັ້ນ ສະພາບຄວາມໝັ້ນຄົງ, ຄວາມເປັນລະບຽບຮຽບຮ້ອຍ ຢູ່ໃນບໍລິເວນ  ໄດ້ສົ່ງຜົນສະທ້ອນເຖິງແຂວງທີ່ຍັງເຫຼືອ. ຍ້ອນເຫດນັ້ນ, ຕຳຫຼວດສອງແຂວງ ຍາມໃດກໍ່ເອົາໃຈໃສ່ຊີ້ນໍາບັນດາກົມກອງ  ກ່ຽວຂ້ອງເປັນເຈົ້າການແລກປ່ຽນຂໍ້ມູນຂ່າວສານ, ສະພາບການ ແລະ ສົມທົບກັນຢ່າງແໜ້ນແຟ້ນໃນການຕ້ານ ແລະສະກັດກັ້ນອາດຊະຍາກຳ. ນີ້ໄດ້ຮັບຖືວ່າແມ່ການເຄື່ອນໄຫວເປັນປະຈຳ ເພື່ອແນໃສ່ປັບປຸງຄວາມໝັ້ນຄົງ ແລະ ຄວາມເປັນລະບຽບຮຽບຮ້ອຍຂອງແຕ່ລະແຂວງ, ພ້ອມທັງແມ່ນເງື່ອນໄຂເພື່ອໃຫ້ຕຳຫຼວດສອງແຂວງຮັດແໜ້ນຄວາມສາມັກຄີ, ຄວາມສະໜິດຕິດພັນ, ນໍ້າໃຈມິດຕະພາບ ແລະ ຄວາມເຂົ້າໃຈ ເຊິ່ງກັນ ແລະ ກັນ.

ຄະນະຜູ້ແທນກອງບັນຊາການ ປກສ ແຂວງຈຳປາສັກ ທີ່ການເຮັດວຽກ. ພາບ: baobinhphuoc.com.vn

ບັນດາຜູ້ແທນຖ່າຍຮູບລວມ. ພາບ: baobinhphuoc.com.vn

ດ້ວຍການຊ່ວຍເຫຼືອຢ່າງສຸດຈິດສຸດໃຈຂອງກໍາລັງປ້ອງກັນຄວາມສະຫງົບແຂວງຈຳປາສັກ ແລະ ຄວາມມານະພະຍາຍາມຂອງກຳລັງຕຳຫຼວດແຂວງ ບິ່ງເຟືອກ, ໃນໄລຍະຜ່ານມາ, ສະພາບຄວາມໝັ້ນຄົງ, ຄວາມເປັນລະບຽບຮຽບຮ້ອຍໃນບໍລິເວນແຂວງບິ່ງເຟືອກ ຍາມໃດກໍ່ຮັກສາສະຖຽນລະພາບໄວ້ຢ່າງໝັ້ນຄົງ. ວຽກງານຕໍ່ສູ້ເພື່ອສະກັດກັ້ນກົນອຸບາຍ, ເຄື່ອນໄຫວທໍາລາຍຂອງບັນດາກຳລັງປໍລະປັກ, ປະຕິການ ບັນລຸປະສິດທິຜົນສູງ. ວຽກງານຕໍ່ສູ້ຕ້ານ ແລະສະກັດກັ້ນອາດຊະຍາກຳຢາເສບຕິດກໍ່ໄດ້ຮັບຄວາມເອົາໃຈໃສ່ຈາກສອງຝ່າຍ. ບັນດາບົດຮຽນປະສົບການໃນການຕໍ່ສູ້, ຕ້ານ ແລະສະກັດກັ້ນອາດຊະຍາກຳຢາເສບຕິດ, ວຽກງານບຳບັດຢາເສບຕິດ ແລະການຄຸ້ມຄອງສຶກສາອົບຮົມຫໃຫ້ຜູ້ຕິດຢາເສບຕິດ ກໍ່ໄດ້ຮັບການແບ່ງປັນຈາກສອງຝ່າຍ.

ໂດຍ: ທູຈາງ