ການພົວພັນທີ່ໝັ້ນແກ່ນລະຫວ່າງສອງນະຄອນຫຼວງ ຮ່າໂນ້ຍ-ວຽງຈັນ

ທ່ານນາງ ຫງວຽນທິຕ໊ວຽນ ຢັ້ງຢືນວ່າ ມູນເຊື້ອອັນດີງາມ ແລະການພົວພັນຖານອ້າຍນ້ອງລະຫວ່າງສອງພັກ, ສອງລັດ, ສອງຊາດ, ສອງນະຄອນຫຼວງສືບຕໍ່ໄດ້ຮັບການພັດທະນາຢ່າງແຮງ. ສອງຝ່າຍໄດ້ລົງນາມໃນການຮ່ວມມື, ກັບຊຸດບໍາລຸງ, ກໍ່ສ້າງທີ່ສະຫງວນໃຫ້ພະນັກງານນະຄອນຫຼວງວຽງຈັນ ຄັ້ງນີ້ແມ່ນການເຄື່ອນໄຫວແທດຈິງ ເພື່ອແນໃສ່ຫັນບັນດາຂໍ້ຕົກລົງໃຫ້ປະກົດຜົນເປັນຈິງ.

ທ່ານນາງ ຫງວຽນທິຕ໊ວຽນ ຮອງເລຂາຜູ້ປະຈໍາການຄະນະພັກນະຄອນຮ່າໂນ້ຍ ກ່າວຄໍາເຫັນທີ່ການຕ້ອນຮັບ. ພາບ: ກວາງຮຶງ

ຕີລາຄາຄຸນນະພາບການຮ່ໍາຮຽນຂອງຄະນະແມ່ນໄດ້ປະສົບຜົນສໍາເລັດຢ່າງຈົບງາມຖືກຕາມແຜນການທີ່ໄດ້ເປັນເອກະພາບ ແລະມີຄຸນນະພາບສູງ, ທ່ານນາງ ຫງວຽນທິຕ໊ວຽນ ເຊື່ອໝັ້ນວ່າ ຊຸດບໍາລຸງ, ກໍ່ສ້າງຈະຊ່ວຍໃຫ້ບັນດານັກສໍາມະນາກອນມີບົດຮຽນຕື່ມອີກ, ພ້ອມທັງແມ່ນໂອກາດເພີ່ມພູນຄູນສ້າງອາລົມຈິດມິດຕະພາບລະຫວ່າງສອງນະຄອນຫຼວງຮ່າໂນ້ຍ-ວຽງຈັນ, ລະຫວ່າງສອງພັກ, ສອງລັດ, ສອງຊາດໃຫ້ນັບມື້ນັບພັດທະນາຢ່າງໝັ້ນຄົງ.

ທ່ານນາງ ຫງວຽນທິຕ໊ວຽນ ຮອງເລຂາຜູ້ປະຈໍາການຄະນະພັກນະຄອນຮ່າໂນ້ຍ ເປັນປະທານພິທີຕ້ອນຮັບ, ການເຂົ້າຢ້ຽມຂໍ່ານັບຂອງຄະນະພະນັກງານນະຄອນຫຼວງວຽງຈັນ ທີ່ເຂົ້າຮ່ວມຊຸດບໍາລຸງ, ກໍ່ສ້າງກ່ຽວກັບວຽກງານອໍານາດການປົກຄອງ. ພາບ: ກວາງຮຶງ

ຕາງໜ້າຊຸດບໍາລຸງ, ກໍ່ສ້າງ, ທ່ານ ຄໍາມາ ແສງມີໄຊ ຫົວໜ້າຄະນະຈັດຕັ້ງພັກນະຄອນຫຼວງວຽງຈັນ ໄດ້ສະແດງຄວາມຂອບໃຈຕໍ່ຄະນະພັກນະຄອນຮ່າໂນ້ຍ, ການນໍານະຄອນທີ່ໄດ້ຕ້ອນຮັບຢ່າງອົບອຸ່ນ, ສົມກຽດ, ນະຄອນຮ່າໂນ້ຍ ໄດ້ສ້າງເງື່ອນໄຂໃຫ້ຊຸດບໍາລຸງ, ກໍ່ສ້າງໄດ້ຮໍ່າຮຽນ, ຄົ້ນຄວ້າດ້ວຍຫຼາຍຫົວເລື່ອງສະເພາະ, ມີເນື້ອໃນອຸດົມສົບບູນ ແລະແທດຈິງ, ບັນດານັກສໍາມະນາກອນໄດ້ຮັບການໜູນຊ່ວຍຢ່າງສຸດອົກສຸດໃຈ, ສ້າງທຸກເງື່ອນໄຂເພື່ອໃຫ້ການຮໍ່າຮຽນບັນລຸໝາກຜົນດີທີ່ສຸດ.

ເນັ້ນໜັກເຖິງການພົວພັນທີ່ຫາຍາກໃນໂລກລະຫວ່າງສອງພັກ, ສອງລັດ ແລະສອງນະຄອນຫຼວງ, ທ່ານ ຄໍາມາ ແສງມີໄຊ ໃຫ້ຮູ້ວ່າ ຈະສືບຕໍ່ມານະພະຍາຍາມສ້າງການພົວພັນທີ່ເປັນມູນເຊື້ອອັນດີງາມ, ຊຸກຍູ້ການຮ່ວມມືຮອບດ້ານໃຫ້ນັບມື້ນັບໝັ້ນແກ່ນ.

ໂດຍ: ໄຊນີດາ