ໜູນຊ່ວຍການສ້າງລະບົບຖານຂໍ້ມູນຄຸ້ມຄອງພົນລະເມືອງ ແລະບັດປະຈໍາຕົວ ຢູ່ລາວ

ກອງປະຊຸມໂດຍການເປັນປະທານຂອງທ່ານພົນເອກ ວິໄລ ຫຼ້າຄຳຟອງ, ຮອງນາຍົກລັດຖະມົນຕີ, ລັດຖະມົນຕີກະຊວງປ້ອງກັນຄວາມສະຫງົບລາວ. ເຂົ້າຮ່ວມ ແລະ ຊີ້ນຳກອງປະຊຸມຍັງມີທ່ານ  ສອນໄຊ ສີພັນດອນ, ນາຍົກລັດຖະມົນຕີລາວ.

ທ່ານ ສອນໄຊ ສີພັນດອນ ນາຍົກລັດຖະມົນຕີລາວ ກ່າວຄໍາເຫັນສະຫຼຸບກອງປະຊຸມ. ພາບ: cand.com.vn

ທີ່ກອງປະຊຸມ, ລັດຖະບານແຫ່ງ ສປປ ລາວ ໄດ້ກຳນົດວ່າ ການຜັນຂະຫຍາຍໂຄງການສ້າງຖານຂໍ້ມູນຄຸ້ມຄອງພົນລະເມືອງ ແລະບັດປະຈໍາຕົວຢູ່ລາວ ແມ່ນເງື່ອນໄຂທີ່ດີ ເພື່ອຊ່ວຍໃຫ້ລັດຖະບານລາວ ຄຸ້ມຄອງພົນລະເມືອງຢ່າງມີວິທະຍາສາດ, ເປັນລະບົບ, ພ້ອມທັງຍັງເປັນພື້ນຖານອັນໜັກແໜ້ນໃຫ້ແກ່ການຜັນຂະຫຍາຍການກໍ່ສ້າງລັດຖະບານດີຈີຕອນ, ສັງຄົມດີຈີຕອນ ແລະເສດຖະກິດດີຈີຕອນຢູ່ ສປປ ລາວ. ທ່ານຮອງນາຍົກລັດຖະມົນຕີ, ລັດຖະມົນຕີກະຊວງປ້ອງກັນຄວາມສະຫງົບລາວ ເນັ້ນໜັກວ່າ, ເພື່ອສຳເລັດໂຄງການ, ຕ້ອງມີການຮ່ວມມື, ແບ່ງປັນບົດຮຽນປະສົບການ, ການໜູນຊ່ວຍຂອງກະຊວງຕຳຫຼວດຫວຽດນາມ.

ກ່າວຄຳເຫັນທີ່ກອງປະຊຸມ, ທ່ານ ຫງວຽນວັນລອງ ໃຫ້ຮູ້ວ່າ: ກະຊວງຕຳຫຼວດ ຫວຽດນາມ ໃຫ້ຄຳໝັ້ນສັນຍາວ່າ ຈະໜູນຊ່ວຍກະຊວງປ້ອງກັນຄວາມສະຫງົບລາວ ໃນການສ້າງພື້ນຖານນິຕິກຳໃຫ້ສົມບູນແບບ ແລະບຳລຸງສ້າງແຫຼ່ງຊັບພະຍາກອນມະນຸດ ເພື່ອສາມາດຕອບສະໜອງບັນດາເງື່ອນໄຂໃຫ້ແກ່ການຜັນຂະຫຍາຍໂຄງການ; ພ້ອມກັນແກ້ໄຂບັນຫາທີ່ເກີດຂຶ້ນໃນຂັ້ນຕອນປະຕິບັດ ເພື່ອຮັບປະກັນໃຫ້ແກ່ການຜັນຂະຫາຍໂຄງການ  ຖືກຕາມກໍານົດເວລາ ແລະມີຄຸນນະພາບ. ກະຊວງຕຳຫຼວດຫວຽດນາມ ຈະເພີ່ມແຫຼ່ງຊັບພະຍາກອນມະນຸດ ໄປໜູນຊ່ວຍກະຊວງປ້ອງກັນຄວາມສະຫງົບລາວ ໃນການຜັນຂະຫຍາຍໂຄງການ; ໜູນຊ່ວຍດ້ານຊ່ຽວຊານເປັນເວລາ 2 ປີ ພາຍຫຼັງທີ່ມອບ-ຮັບລະບົບດັ່ງກ່າວ ເພື່ອໃຫ້ກະຊວງປ້ອງກັນຄວາມສະຫງົບລາວ ຄ່ອຍໆເປັນເຈົ້າຂອງລະບົບຄຸ້ມຄອງພົນລະເມືອງ ແລະ ບັດປະຈໍາຕົວ.

ບັນດາຜູ້ແທນ ເຂົ້າຮ່ວມກອງປະຊຸມ. ພາບ: cand.com.vn

ກ່າວຄຳເຫັນສະຫຼຸບກອງປະຊຸມ, ທ່ານ ສອນໄຊ ສີພັນດອນ ຍົກອອກການກໍານົດທິດ ເຊິ່ງຮຽກຮ້ອງໃຫ້ບັນດາກະຊວງ, ຂະແໜງການທີ່ກ່ຽວຂ້ອງ ແລະ ອໍານາດການປົກຄອງທ້ອງຖິ່ນຕ່າງໆຂອງລາວ ຕ້ອງປະຕິບັດຜັນຂະຫຍາຍໂຄງການຢ່າງຂ້ຽວຂາດ, ຄົບຊຸດ, ໃນນັ້ນຖືວຽກງານສົມທົບກັນລະຫວ່າງ ກະຊວງຕໍາຫຼວດຫວຽດນາມ ແລະກະຊວງປ້ອງກັນຄວາມສະຫງົບລາວ ເປັນຈຸດສຸມ.

ທ່ານນາຍົກລັດຖະມົນຕີລາວ ຕີລາຄາສູງ ແລະສະແດງຄວາມຂອບໃຈຕໍ່ການໜູນຊ່ວຍຂອງລັດຖະບານຫວຽດນາມ ເຊິ່ງໂດຍກົງແມ່ນກະຊວງຕຳຫຼວດຫວຽດນາມ ໃນການປະຕິບັດໂຄງການສ້າງລະບົບຖານບຂໍ້ມູນພົນລະເມືອງ ແລະບັດປະຈໍາຕົວ ຢູ່ລາວ.

ໂດຍ: ທູຈາງ