ທີ່ການເຮັດວຽກ, ສະຫະພັນແມ່ຍິງແຂວງກອນຕູມ ແລະສະຫະພັນແມ່ຍິງແຂວງອັດຕະປື ກັບແຂວງເຊກອງ ໄດ້ແຈ້ງໃຫ້ກັນຊາບກ່ຽວກັບສະພາບການລວມຂອງວຽກງານສະຫະພັນແມ່ຍິງ ແລະຂະບວນການແມ່ຍິງ ຂອງແຕ່ລະແຂວງ; ພ້ອມທັງປຶກສາຫາລື, ແບ່ງປັນປະສົບການໃນການກໍ່ສ້າງ, ປັບປຸງ ແລະພັດທະນາອົງການຈັດຕັ້ງສະຫະພັນແມ່ຍິງ; ໃນການເປັນເສນາທິການວຽກງານແມ່ຍິງ ແລະຄວາມສະເໝີພາບລະຫວ່າງຍິງ-ຊາຍ, ເຂົ້າຮ່ວມການກໍ່ສ້າງພັກ, ອໍານາດການປົກຄອງ; ເບິ່ງແຍງດູແລ, ໜູນຊ່ວຍ ແລະຮ່ວມເດີ່ນທາງກັບສະມາຊິກສະຫະພັນ, ແມ່ຍິງເພື່ອພັດທະນາຢ່າງຮອບດ້ານ, ສ້າງຄອບຄົວໃຫ້ມີຢູ່ມີກິນ, ສະເໝີພາບ, ມີຄວາມຜາສຸກ; ບັນດາມາດຕະການໜູນຊ່ວຍຮາກຖານສະຫະພັນແມ່ຍິງ ໃຫ້ມີຄວາມເຂັ້ມແຂງ, ບັນດາຮູບແບບການເຄື່ອນໄຫວຂອງສະຫະພັນຢ່າງມີປະສິດທິຜົນ, ດຶງດູດ, ເຕົ້າໂຮມສະມາຊິກແມ່ຍິງ, ເປັນຕົ້ນແມ່ນຢູ່ເຂດຊາຍແດນເຂົ້າຮ່ວມການກໍ່ສ້າງເຂດຊາຍແດນສັນຕິພາບ ແລະພັດທະນາ...

leftcenterrightdel
ກອງປະຊຸມແລກປ່ຽນລະຫວ່າງສະຫະພັນແມ່ຍິງແຂວງກອນຕູມ ກັບສະຫະພັນແມ່ຍິງແຂວງເຊກອງ. ພາບ: phunuvietnam.vn

ເນື່ອງໃນໂອກາດການຢ້ຽມຢາມ ແລະເຮັດວຽກ, ຄະນະປະຕິບັດງານ ໄດ້ໄປຢ້ຽມຢາມ, ເຂົ້າຢ້ຽມຂໍ່ານັບການນຳແຂວງອັດຕະປື ແລະ ເຊກອງ. ຕ້ອນຮັບຄະນະປະຕິບັດງານ, ການນຳຂອງ 2 ແຂວງ ໄດ້ຕີລາຄາສູງບັນດາເນື້ອໃນຂອງການຢ້ຽມຢາມ ແລະການເຮັດວຽກຂອງສະຫະພັນແມ່ຍິງແຂວງກອນຕູມ, ພິເສດແມ່ນການເຄື່ອນໄຫວຜັນຂະຫຍາຍເນື້ອໃນບົດບັນທຶກຊ່ວຍຈໍາການຮ່ວມມື ລະຫວ່າງສະຫະພັນແມ່ຍິງແຂວງກອນຕູມ ແລະສະຫະພັນແມ່ຍິງແຂວງອັດຕະປື ກັບແຂວງເຊກອງ ໄລຍະ 2019-2024.

ໃນຂອບເຂດການຢ້ຽມຢາມ ແລະເຮັດວຽກກັບສະຫະພັນແມ່ຍິງແຂວງອັດຕະປື ແລະແຂວງເຊກອງ, ຄະນະປະຕິບັດງານສະຫະພັນແມ່ຍິງແຂວງກອນຕູມ ໄດ້ມອບຂອງຂວັນ 40 ພູດ ໃຫ້ແກ່ແມ່ຍິງ, ເດັກນ້ອຍຜູ້ທຸກຍາກ,  ມອບ 2 ຮູບແບບການຫາເງິນລ້ຽງຊີບໃຫ້ຄອບຄົວແມ່ຍິງທີ່ປະສົບກັບຄວາມຫຍຸ້ງຍາກ, ມອບຄອມພິວເຕີ 2 ຊຸດ ແລະຂອງຂວັນຫຼາຍພູດໃຫ້ພະນັກງານ, ລັດຖະກອນຂອງສະຫະພັນແມ່ຍິງ 2 ແຂວງ ດ້ວຍມູນຄ່າທັງໝົດກວ່າ 100 ລ້ານດົ່ງ.

ການຢ້ຽມຢາມ ແລະເຮັດວຽກຂອງຄະນະປະຕິບັດງານຂອງສະຫະພັນແມ່ຍິງແຂວງກອນຕູມ ໄດ້ປະກອບສ່ວນປົກປັກຮັກສາ, ພັດທະນາສາຍພົວພັນອັນດີງາມ, ທີ່ເປັນມູນເຊື້ອລະຫວ່າງ ແຂວງກອນຕູມ ກັບແຂວງອັດຕະປື ແລະແຂວງເຊກອງ ເວົ້າລວມ; ເພີ່ມທະວີນ້ຳໃຈສາມັກຄີ, ການຮ່ວມມື, ນ້ຳໃຈມິດຕະພາບລະຫວ່າງສະຫະພັນແມ່ຍິງແຂວງກອນຕູມ ແລະສະຫະພັນແມ່ຍິງແຂວງອັດຕະປື ກັບແຂວງເຊກອງ ເວົ້າສະເພາະ.

ໂດຍ: ຈາງຫງວຽນ