ຮ່າໂນ້ຍ: ຄະນະພະນັກງານລາວ ຢ້ຽມຢາມ ແລະເຮັດວຽກຢູ່ເທດສະບານເຊີນໄຕ

ສຳລັບ ເຊີນໄຕ, ຄະນະພະນັກງານນະຄອນຫຼວງວຽງຈັນ ປາດຖະໜາຢາກແລກປ່ຽນບົດຮຽນປະສົບການຕົວຈິງຂອງເທດສະບານໃນວຽກງານປົກຄອງຕົວເມືອງຕິດພັນກັບປັບປຸງການປົກຄອງຊົນນະບົດ; ຍົກສູງຄວາມສາມາດ, ປະສິດທິພາບ ແລະປະສິດທິຜົນການເຄື່ອນໄຫວຂອງສະພາປະຊາຊົນທຸກຂັ້ນ.

ຄະນະພະນັກງານນະຄອນຫຼວງວຽງຈັນ (ລາວ) ແລະການນຳເທດສະບານ ເຊີນໄຕ ມອບ-ຮັບຂອງຂວັນທີ່ລະນຶກ. ພາບ: qdnd.vn

ທ່ານ ຫງວຽນກວາງຮ໊ານ ຮອງເລຂາຜູ້ປະຈໍາການຄະນະພັກເທດສະບານເຊີນໄຕ ແບ່ງປັນວ່າ: ເຊີນໄຕ ລວມມີ 15 ຕາແສງ, ຄະນະປະຈຳຄະນະພັກເທດສະບານ ເຊີນໄຕ ໄດ້ຊີ້ນຳສະພາປະຊາຊົນ ແລະຄະນະກໍາມະການປະຊາຊົນເທດສະບານປະກາດໃຊ້ແຜນການ ແລະວາງແຜນການລະອຽດເພື່ອຜັນຂະຫຍາຍປະຕິບັດທົດລອງການຈັດຕັ້ງຮູບແບບອໍານາດການປົກຄອງຕົວເມືອງ ແລະປັບປຸງອໍານາດການປົກຄອງຊົນນະບົດໃນບໍລິເວນເທດສະບານ.

ສຳລັບຂັ້ນຕາແສງ, ແຕ່ວັນທີ 1 ກໍລະກົດ 2021, 9 ຕາແສງໃນບໍລິເວນເທດສະບານປະຕິບັດທົດລອງການຈັດຕັ້ງຮູບແບບອໍານາດການປົກຄອງຕົວເມືອງ (ບໍ່ມີສະພາປະຊາຊົນຕາແສງ). ປະທານ ແລະຮອງປະທານຄະນະກໍາມະການປະຊາຊົນຕາແສງຕ່າງໆໂດຍປະທານຄະນະກໍາມະການປະຊາຊົນເທດສະບານແຕ່ງຕັ້ງ. ສຳລັບ 6 ຕາແສງທີ່ຍັງເຫຼືອແມ່ນສືບຕໍ່ປະຕິບັດຕາມຮູບແບບອໍານາດການປົກຄອງຊົນນະບົດຕາມຂໍ້ກຳນົດໃນກົດໝາຍວ່າດ້ວຍອົງການປົກຄອງທ້ອງຖິ່ນ.

ສະຫາຍ ຫງວຽນກວາງຮ໊ານ ຕີລາຄາວ່າ, ການຜັນຂະຫຍາຍປະຕິບັດທົດລອງການຈັດຕັ້ງຮູບແບບອໍານາດການປົກຄອງຕົວເມືອງຢູ່ 9 ຕາແສງໄດ້ສະແດງໃຫ້ເຫັນບັນດາຈຸດດີ ຄື: ກົງຈັກອໍານາດການປົກຄອງຢູ່ຕາແສງກະທັດຮັດ ແຕ່ຍັງຮັບປະກັນການເຄື່ອນໄຫວໃຫ້ມີປະສິດທິຜົນ, ປະສິດທິຜົນ.

ດ້ວຍຈິດໃຈມິດຕະພາບ, ທີ່ການເຮັດວຽກ, ຜູ້ຕາງໜ້າຂອງເທດສະບານ ເຊີນໄຕ ຕັ້ງໜ້າແລກປ່ຽນ ແລະແບ່ງປັນບົດຮຽນປະສົບການຕົວຈິງກັບຄະນະພະນັກງານນະຄອນຫຼວງວຽງຈັນ ໃນວຽກງານປົກຄອງຕົວເມືອງຕິດພັນກັບການປັບປຸງການປົກຄອງຊົນນະບົດ ແລະບັນດາມາດຕະການຍົກສູງຄວາມສາມາດ, ປະສິດທິພາບ, ປະສິດທິຜົນການເຄື່ອນໄຫວຂອງສະພາປະຊາຊົນທຸກຂັ້ນ.

ໂດຍ: ທະນາພອນ