ປະຊາຄົມຊາວຫວຽດນາມ ອາໄສຢູ່ລາວ ຮ່ວມແຮງຮ່ວມໃຈໜູນຊ່ວຍເດັກພິການຢູ່ນະຄອນຫຼວງວຽງຈັນ
ກປ.ອອນໄລ - ຕອນບ່າຍວັນທີ 27 ຕຸລາ, ທີ່ສູນກິລາຈໍາປາສັກ, ຢູ່ນະຄອນຫຼວງວຽງຈັນ ໄດ້ດໍາເນີນພິທີປິດການແຂ່ງຂັນບານເຕະຊາວໜຸ່ມຫວຽດນາມ ຢູ່ລາວ ຄັ້ງທີ X ຊິງຄັບວຽງຈັນ 2024.
    |
 |
|
ບັນດານັກກິລາຖ່າຍຮູບລວມກັບຄົນພິການຢູ່ນະຄອນຫຼວງວຽງຈັນ ທີ່ໄດ້ຮັບຂອງຂວັນໜູນຊ່ວຍ. ພາບ: ສໍານັກຂ່າວສານຫວຽດນາມ |
ກ່າວຄຳເຫັນທີ່ພິທີປິດ, ທ່ານນາງ ຫງວຽນທິທ້ວນ, ທີ່ປຶກສາທູດ, ຜູ້ປະຈໍາການຄະນະປະຕິບັດງານປະຊາຄົມສະຖານທູດຫວຽດນາມ ປະຈໍາ ລາວ ໃຫ້ຮູ້ວ່າ ການແຂ່ງຂັນບານເຕະຊາວໜຸ່ມຫວຽດນາມ ຢູ່ລາວ ຄັ້ງທີ X ໄດ້ສິ້ນສຸດລົງດ້ວຍຄວາມປະທັບໃຈກ່ຽວກັບຈິດໃຈຝຶກຝົນຫຼໍ່ຫຼອມກິລາຍົກສູງສຸຂະພາບ, ຄວາມສາມັກຄີ, ນໍ້າໃຈສູງສົ່ງຂອງນັກກິລາ ແລະທີມບານເຕະ. ທ່ານນາງ ຫງວຽນທິທ້ວນ ເຊື່ອໝັ້ນວ່າ ການແຂ່ງຂັນຄັ້ງນີ້ຈະສືບຕໍ່ໄດ້ຮັບການຈັດຕັ້ງສໍາເລັດຜົນກວ່າອີກໃນການແຂ່ງຂັນຄັ້ງຕໍ່ໄປ.
ທ່ານນາງ ຫງວຽນທິທ້ວນ ສະແດງຄວາມຂອບອົກຂອບໃຈຕໍ່ນັກອຸປະຖຳ ແລະຕີລາຄາສູງຄະນະຈັດຕັ້ງໄດ້ມອບຂອງຂວັນການກຸສົນໃຫ້ຜູ້ຕາງໜ້າສູນອຸປະຖຳເດັກນ້ອຍຫູໜວກ, ຕາບອດ ແລະພິການ 2 ແຫ່ງ ຢູ່ນະຄອນຫຼວງວຽງຈັນ, ສະແດງໃຫ້ເຫັນການກະທຳອັນລໍ້າຄ່າ, ຈິດໃຈຮັກແພງຊ່ວຍເຫຼືອກັນຂອງປະຊາຄົມຊາວຫວຽດນາມ ທີ່ສະຫງວນໃຫ້ເດັກພິການຢູ່ລາວ.
ສິ້ນສຸດພິທີ, ຜູ້ຕາງໜ້າຄະນະຈັດຕັ້ງ ແລະຜູ້ຕາງໜ້າທີມບານເຕະຍັງໄດ້ມອບຂອງຂວັນໃຫ້ຜູ້ຕາງໜ້າສູນອຸປະຖຳເດັກນ້ອຍຫູໜວກ, ຕາບອດ, ພິການ 2 ແຫ່ງ... ທີ່ນະຄອນຫຼວງວຽງຈັນ.
ໂດຍ: ເຈິ່ນຮວ່ຽນ