ພົບປະສັງສັນສະເຫຼີມສະຫຼອງ 75 ປີແຫ່ງວັນມູນເຊື້ອທະຫານອາສາສະໝັກ ແລະຊ່ຽວຊານການທະຫານຫວຽດນາມ ຊ່ວຍການປະຕິວັດ ລາວ

ລາຍການສະແດງສິລະປະທີ່ການພົບປະສັງສັນ. ພາບ: baohaiduong.vn

ບັນດາສະຫາຍການນໍາແຂວງຫາຍເຢືອງ ມອບຊໍ່ດອກໄມ້ອວຍພອນສະມາຄົມມິດຕະພາບຫວຽດນາມ-ລາວ ແຂວງຫາຍເຢືອງ ທີ່ພິທີພົບປະສັງສັນ. ພາບ: baohaiduong.vn

ກ່າວຄໍາເຫັນທີ່ການພົບປະສັງສັນ, ທ່ານພົນຕີ ຫງວຽນຕ໋ຽນລອງ ຮອງປະທານສູນກາງສະມາຄົມມິດຕະພາບ ຫວຽດນາມ-ລາວ, ທ່ານ ຫງວຽນມິງຮຸ່ງ ຮອງປະທານຄະນະກໍາມະການປະຊາຊົນແຂວງຫາຍເຢືອງ ຢັ້ງຢືນວ່າ ການພົບປະສັງສັນແມ່ນກິດຈະກໍາທີ່ມີຄວາມໝາຍ ເພື່ອຫວນຄືນມູນເຊື້ອອັນສະຫງ່າອົງອາດ, ປັບປຸງ, ເພີ່ມພູນຄູນສ້າງຄວາມສາມັກຄີ, ການພົວພັນມິດຕະພາບແບບພິເສດ ຫວຽດນາມ-ລາວ, ການພົບປະສັງສັນຍິ່ງມີຄວາມໝາຍກວ່າເມື່ອສອງແຂວງ ຫາຍເຢືອງ ແລະວຽງຈັນ ສະເຫຼີມສະຫຼອງ 40 ປີແຫ່ງການຮ່ວມມື, ແຮກສ່ຽວ.

ພົນຕີ ຫງວຽນຕ໊ຽນລອງ ຮອງປະທານສູນກາງສະມາຄົມມິດຕະພາບ ຫວຽດນາມ-ລາວ ກ່າວຄໍາເຫັນທີ່ການພົບປະສັງສັນ. ພາບ: baohaiduong.vn

ສະຫາຍ ຫງວຽນກວາງຝຸກ ຫົວໜ້າຄະນະໂຄສະນາສຶກສາແຂວງຫາຍເຢືອງ, ປະທານສະມາຄົມມິດຕະພາບຫວຽດນາມ-ລາວ ແຂວງຫາຍເຢືອງ ກ່າວຄໍາເຫັນ ທີ່ພິທີ. ພາບ: baohaiduong.vn

ໂດຍປະຕິບັດຕາມຄໍາສັ່ງສອນຂອງປະທານ ໂຮ່ຈີມິນ “ຊ່ວຍເພື່ອນແມ່ນຊ່ວຍຕົນເອງ”, ພະນັກງານ, ນັກຮົບທະຫານອາສາສະໝັກ ແລະຊ່ຽວຊານຫວຽດນາມ ຫຼາຍຮຸ່ນຄົນ ເວົ້າລວມ ເວົ້າສະເພາະແມ່ນແຂວງຫາຍເຢືອງ ທີ່ບໍ່ຫວາດຫວັ່ນຕໍ່ຄວາມຫຍຸ້ງຍາກ, ລໍາບາກ, ຄຽງບ່າຄຽງໄລ່ພ້ອມກັບບັນດາກໍາລັງປະຕິວັດລາວ, ປະຕິບັດສໍາເລັດໜ້າທີ່ສາກົນອັນສູງສົ່ງ, ປະກອບສ່ວນເຂົ້າໃນໄຊຊະນະອັນສະຫງ່າລາສີຂອງການປະຕິວັດລາວ.

ຜູ້ແທນເຂົ້າຮ່ວມການພົບປະສັງສັນ. ພາບ: baohaiduong.vn

ບັນດາສະຫາຍການນໍາຮັບຮູ້ ແລະຍ້ອງຍໍຊົມເຊີຍຜົນການເຄື່ອນໄຫວຂອງສະມາຄົມມິດຕະພາບຫວຽດນາມ-ລາວ ແຂວງຫາຍເຢືອງ ໃນໄລຍະຜ່ານມາ. ພ້ອມທັງສະເໜີໃນໄລຍະຕໍ່ໜ້າ, ອະດີດທະຫານອາສາສະໝັກ ແລະຊ່ຽວຊານການທະຫານຫວຽດນາມ ຊ່ວຍການປະຕິວັດລາວ ສືບຕໍ່ເສີມຂະຫຍາຍບັນດາໝາກຜົນທີ່ບັນລຸໄດ້, ສາມັກຄີ, ຕັ້ງໜ້າເຂົ້າຮ່ວມບັນດາຂະບວນການ, ບັ້ນຂົນຂວາຍ, ຂະບວນການແຂ່ງຂັນຮັກຊາດ. ທຸກຂັ້ນ, ທຸກຂະແໜງການສຸມໃສ່ປະຕິບັດລະບອບນະໂຍບາຍຂອງພັກ, ລັດ, ສ້າງເງື່ອນໄຂເອົາໃຈໃສ່, ເບິ່ງແຍງດູແລຊີວິດການເປັນຢູ່ຂອງອະດີດທະຫານອາສາສະໝັກ ແລະຊ່ຽວຊານການທະຫານຫວຽດນາມ ຊ່ວຍການປະຕິວັດລາວ ທີ່ພວມປະຕິບັດງານ ແລະດໍາເນີນຊີວິດ ຢູ່ແຂວງຫາຍເຢືອງ.

ໂດຍ: ໄຊຊະນະ