ໂຮງຮຽນສອງພາສາລາວ-ຫວຽດນາມ ຫງວຽນຢູ ແຂ່ງຂັນສ້າງຜົນງານເພື່ອສະເຫຼີມສະຫຼອງວັນຄ້າຍວັນເກີດຂອງລຸງໂຮ່
ກປ.ອອນໄລ - ຕອນເຊົ້າວັນທີ 17 ພຶດສະພາ, ຢູ່ນະຄອນຫຼວງວຽງຈັນ, ໂຮງຮຽນສອງພາສາລາວ-ຫວຽດນາມ ຫງວຽນຢູ ໄດ້ຈັດງານຊຸມນຸມມິດຕິງສະເຫຼີມສະຫຼອງ 134 ປີແຫ່ງວັນຄ້າຍວັນເກີດປະທານ ໂຮ່ຈີມິນ, ຜູ້ນຳທີ່ຍິ່ງໃຫຍ່ຂອງຊົນຊາດຫວຽດນາມ.
ກ່າວຄຳເຫັນທີ່ພິທີ, ທ່ານນາງ ສີວັນເຮືອງ ເພັງຄໍາໄມ ຜູ້ອຳນວຍການໂຮງຮຽນສອງພາສາ ລາວ - ຫວຽດນາມ ຫງວຽນຢູ ໄດ້ສະແດງຄວາມຮູ້ບຸນຄຸນຕໍ່ການປະກອບສ່ວນອັນໃຫຍ່ຫຼວງຂອງລຸງໂຮ່ ແລະ ປະຕິຍານວ່າ ພະນັກງານ, ຄູອາຈານແຕ່ລະຄົນຂອງໂຮງຮຽນສອງພາສາລາວ-ຫວຽດນາມ ຫງວຽນຢູ ຈະຮ່ຳຮຽນ ແລະປະຕິບັດຕາມແບບຢ່າງຄຸນສົມບັດ, ແບບແຜນການດໍາລົງຊີວິດຂອງເພິ່ນ, ຝຶກຝົນຫຼໍ່ຫຼອມ, ຮໍ່າຮຽນ, ປ່ຽນແປງໃໝ່, ເສີມຂະຫຍາຍມູນເຊື້ອການສອນທີ່ດີ, ຮ່ຳຮຽນທີ່ດີ, ສູ້ຊົນປະຕິບັດໜ້າທີ່ຂອງສົກຮຽນໃຫ້ສຳເລັດ, ສ້າງຜົນງານຫຼາຍຢ່າງເພື່ອຖະຫວາຍແດ່ ລຸງໂຮ່ທີ່ແສນເຄົາລົບຮັກ.
![left](/image/images/left.png) ![center](/image/images/center.png) ![right](/image/images/right.png) ![del](/images/red-error_16px.gif) |
![](https://file3.qdnd.vn/data/images/26/2024/05/18/upload_2121/18012024-tt05-01.jpg?dpi=150&quality=100&w=500) |
ລຸງໂຮ່ ກັບພວກນ້ອງນັກຮຽນ. ພາບເອກະສານ |
ນ້ອງ ຟ້າມທິຈ່າຢາງ, ນັກຮຽນຫ້ອງ ມໍ 2A, ໂຮງຮຽນສອງພາສາລາວ-ຫວຽດນາມ ຫງວຽນຢູ ໃຫ້ຮູ້ວ່າ: ແຕ່ລະປີ, ໃນໂອກາດສະເຫຼີມສະຫຼອງວັນຄ້າຍວັນເກີດຂອງລຸງໂຮ່, ທາງໂຮງຮຽນກໍ່ຈັດຕັ້ງບັນດາການເຄື່ອນໄຫວທີ່ຟົດຟື້ນ.
ນ້ອງ ຟ້າມທິຈ່າຢາງ ແບ່ງປັນວ່າ: “ຂ້າພະເຈົ້າໄດ້ເຂົ້າຮ່ວມທຸກການເຄື່ອນໄຫວນີ້ ແລະ ຮູ້ສຶກດີໃຈຫຼາຍ ຍ້ອນໄດ້ມີຄວາມເຂົ້າໃຈຕື່ມກ່ຽວກັບແບບຢ່າງຄຸນສົມບັດ, ແບບແຜນການດໍາລົງຊີວິດ ແລະ ວິທີເຮັດວຽກຂອງລຸງໂຮ່, ຜູ້ທີ່ມີຄຸນງາມຄວາມດີ ແລະ ເສຍສະຫຼະຕະຫຼອດຊີວິດຂອງຕົນເພື່ອຊາດ, ເພື່ອໃຫ້ຄົນລຸ້ນຫຼັງຄືພວກນ້ອງ ສາມາດດຳລົງຊີວິດໃນສະພາບແວດລ້ອມແຫ່ງສັນຕິພາບ, ອີ່ມໜຳສຳລານ ແລະມີໂອກາດໄປໂຮງຮຽນ".
ໂດຍ: ທູຈາງ