ຄະນະປະຕິບັດງານນະຄອນໂຮ່ຈີມິນ ຢ້ຽມຢາມ ແລະກວດພະຍາດໂດຍບໍ່ເສຍຄ່າຢູ່ລາວ
ກປ.ອອນໄລ - ວັນທີ 5 ເມສາ, ຄະນະກຳມະການຊາວຫວຽດນາມ ອາໄສຢູ່ຕ່າງປະເທດນະຄອນໂຮ່ຈີມິນ ໄດ້ສົມທົບກັບພະແນກສາທາລະນະສຸກນະຄອນໂຮ່ຈີມິນ ຈັດຕັ້ງຄະນະປະຕິບັດງານໄປຢ້ຽມຢາມ, ກວດພະຍາດ, ແຈກຢາ, ມອບຂອງຂວັນໃຫ້ແກ່ປະຊາຄົມຊາວຫວຽດນາມ ແລະ ປະຊາຊົນລາວ ທີ່ປະສົບກັບຄວາມຫຍຸ້ງຍາກ ຢູ່ແຂວງສະຫວັນນະເຂດ, ທາງພາກໃຕ້ຂອງລາວ.
ເນື່ອງໃນໂອກາດນີ້, ຄະນະປະຕິບັດງານໄດ້ລົງຢ້ຽມຢາມ, ກວດພະຍາດ, ແຈກຢາ ແລະມອບຂອງຂວັນ 500 ພູດ ໃຫ້ແກ່ປະຊາຊົນ. ນີ້ແມ່ນໜຶ່ງໃນບັນດາການເຄື່ອນໄຫວໃນຂອບເຂດຂອງລາຍການ “ງານວາງສະແດງນະຄອນໂຮ່ຈີມິນ ກັບບັນດາແຂວງ, ນະຄອນມິດຕະພາບຢູ່ແຂວງສະຫວັນນະເຂດ ຄັ້ງທີ 4” ໃນປີ 2024.
ກ່າວຄຳເຫັນທີ່ພິທີ, ທ່ານ ຮ່າເຟືອກຖັ໊ງ, ຮອງຫົວໜ້າຄະນະຜູ້ແທນສະພາແຫ່ງຊາດນະຄອນໂຮ່ຈີມິນ ໃຫ້ຮູ້ວ່າ: ລາຍການກວດພະຍາດໄດ້ຮັບການຜັນຂະຫຍາຍແມ່ນ ເພື່ອແນໃສ່ສະແດງໃຫ້ເຫັນອາລົມຈິດຄວາມຮັກແພງ ແລະຄວາມເອົາໃຈໃສ່ຂອງການນຳ ແລະປະຊາຊົນນະຄອນໂຮ່ຈີມິນ ທີ່ມີຕໍ່ກັບປະຊາຄົມຊາວຫວຽດນາມ ທີ່ປະສົບກັບຄວາມຫຍຸ້ງຍາກທີ່ພວມດໍາລົງຊີວິດຢູ່ແຂວງສະຫວັນນະເຂດຂອງລາວ.
![left](/image/images/left.png) ![center](/image/images/center.png) ![right](/image/images/right.png) ![del](/images/red-error_16px.gif) |
![](https://file3.qdnd.vn/data/images/26/2024/04/06/upload_2121/06042024-tt04-01.png?dpi=150&quality=100&w=500) |
ຄະນະປະຕິບັດງານດໍາເນີນການກວດພະຍາດ ແລະແຈກຢາໃຫ້ແກ່ປະຊາຊົນຢູ່ລາວ. ພາບ: sggp.org.vn |
ໄປພ້ອມກັບການເຄື່ອນໄຫວກວດພະຍາດ, ຄະນະປະຕິບັດງານຍັງໄດ້ແຈ້ງໃຫ້ຊາບກ່ຽວກັບແນວທາງການພົວພັນຕ່າງປະເທດ, ແຜນນະໂຍບາຍກ່ຽວກັບກຸ່ມກ້ອນມະຫາສາມັກຄີທົ່ວປວງຊົນທັງຊາດ ແລະບັນດານະໂຍບາຍຂອງພັກ ແລະລັດ ທີ່ກ່ຽວຂ້ອງເຖິງຊາວຫວຽດນາມ ອາໄສຢູ່ຕ່າງປະເທດ; ແຈ້ງໃຫ້ຊາບກ່ຽວກັບຜົນງານທີ່ນະຄອນໂຮ່ຈີມິນ ບັນລຸໄດ້ໃນຊຸມປີຜ່ານມາ, ເຊິ່ງໄດ້ປະກອບສ່ວນເຂົ້າໃນການປັບປຸງຄວາມໄວ້ເນື້ອເຊື່ອໃຈ, ລະດົມກໍາລັງໃຈຊາວຫວຽດນາມ ທີ່ອາໄສຢູ່ລາວ ໃຫ້ນັບມື້ນັບມີຄວາມສະໜິດແໜ້ນ ແລະອວ່າຍໜ້າເມືອຫາບ້ານເກີດເມືອງນອນ, ປະເທດຊາດ.
ໂດຍ: ທູຈາງ