ຫວຽດນາມ ແລະລາວ ຍົກລະດັບການຮ່ວມມືດ້ານເສດຖະກິດ, ການຄ້າ

ກອງປະຊຸມໄດ້ສະແດງໃຫ້ເຫັນຄວາມຕັດສິນໃຈຂອງການນຳຂັ້ນສູງສອງປະເທດ ເພື່ອແນໃສ່ຍົກລະດັບການຮ່ວມມືດ້ານເສດຖະກິດ, ການຄ້າ, ການລົງທຶນໃຫ້ກາຍເປັນເສົາຄ້ຳໜຶ່ງໃນການພົວພັນສອງຝ່າຍ, ເພື່ອຜົນປະໂຫຍດອັນແທດຈິງຂອງປະຊາຊົນ ແລະວິສາຫະກິດສອງປະເທດ.

ສະຫາຍ ຟ້າມມິງຈິ໊ງ ນາຍົກລັດຖະມົນຕີຫວຽດນາມ. ພາບ: vov.vn

ກ່ຽວກັບການລົງທຶນຂອງຫວຽດນາມ ຢູ່ລາວ, ມາຮອດປັດຈຸບັນ, ຍອດເງິນລົງທຶນຈົດທະບຽນ ຢູ່ ລາວ ບັນລຸເກືອບ 5,34 ຕື້ໂດລາສະຫະລັດ. ຫວຽດນາມ ຍາມໃດກໍ່ນອນໃນບັນດາປະເທດລົງທຶນໂດຍກົງຫຼາຍທີ່ສຸດຢູ່ລາວ. ມີຫຼາຍໂຄງການຂອງວິສາຫະກິດຫວຽດນາມ ທີ່ເຄື່ອນໄຫວດຳເນີນທຸລະກິດເປັນຢ່າງດີ, ຕັ້ງໜ້າປະກອບສ່ວນຫຼາຍດ້ານໃຫ້ເສດຖະກິດ - ສັງຄົມລາວ.

ສະຫາຍ ສອນໄຊ ສີພັນດອນ ນາຍົກລັດຖະມົນຕີລາວ. ພາບ: vov.vn

ທີ່ກອງປະຊຸມ, ສະຫາຍນາຍົກລັດຖະມົນຕີ ຟ້າມມິງຈິ໊ງ ໄດ້ສະເໜີບັນດານັກລົງທຶນ, ວິສາຫະກິດຫວຽດນາມ ແລະລາວ ສຸມກຳລັງ, ຍູ້ໄວການປະຕິບັດບັນດາໂຄງການລົງທຶນ, ພ້ອມທັງຍົກສູງຄວາມຮັບຜິດຊອບສັງຄົມຕໍ່ຊຸມຊົນ, ສ້າງວຽກເຮັດງານທຳ ແລະລາຍຮັບເປັນປົກກະຕິໃຫ້ປະຊາຊົນ, ປົກປັກຮັກສາສິ່ງແວດລ້ອມ ແລະປະຕິບັດນະໂຍບາຍສະຫວັດດີການສັງຄົມ, ກົມກຽວຜົນປະໂຫຍດລະຫວ່າງລັດ, ປະຊາຊົນ ແລະວິສາຫະກິດ.

ໂດຍ: ທະນາພອນ