ພິທີເປີດໂຄງການກໍ່ສ້າງສວນສາທາລະນະມິດຕະພາບ ລາວ-ຫວຽດນາມ
ກປ.ອອນໄລ - ໃນຂອບເຂດການຢ້ຽມຢາມລາວ ຢ່າງເປັນທາງການ, ຕອນບ່າຍວັນທີ 15 ພຶດສະພາ, ທີ່ນະຄອນຫຼວງວຽງຈັນ, ທ່ານ ເວືອງດິ່ງເຫວ້, ປະທານສະພາແຫ່ງຊາດຫວຽດນາມ ແລະທ່ານ ໄຊສົມພອນ ພົມວິຫານ ປະທານສະພາແຫ່ງຊາດລາວ ໄດ້ເຂົ້າຮ່ວມພິທີເປີດໂຄງການກໍ່ສ້າງສວນສາທາລະນະມິດຕະພາບ ລາວ-ຫວຽດນາມ.
    |
 |
|
ບັນດາຜູ້ແທນເຂົ້າຮ່ວມພິທີເປີດໂຄງການກໍ່ສ້າງສວນສາທາລະນະມິດຕະພາບ ລາວ-ຫວຽດນາມ ຢູ່ນະຄອນຫຼວງວຽງຈັນ ( ສປປ ລາວ). ພາບ: thoidai.com.vn. |
ໂຄງການກໍ່ສ້າງສວນສາທາລະນະມິດຕະພາບ ລາວ-ຫວຽດນາມ ແມ່ນໂຄງການທີ່ມີຄວາມໝາຍສໍາຄັນ, ເຊິ່ງໄດ້ເປີດກົງກັບໂອກາດສອງປະເທດສະເຫຼີມສະຫຼອງ 60 ປີແຫ່ງວັນສ້າງຕັ້ງສາຍພົວພັນທາງການທູດ ແລະ 45 ປີແຫ່ງວັນເຊັນສົນທິສັນຍາມິດຕະພາບ ແລະການຮ່ວມມືຫວຽດນາມ-ລາວ. ພັກ, ລັດຫວຽດນາມ ແລະລາວ ມອບໃຫ້ກະຊວງວັດທະນະທໍາ, ກິລາ ແລະທ່ອງທ່ຽວຫວຽດນາມ, ຫ້ອງວ່າການສູນກາງພັກປະຊາຊົນປະຕິວັດລາວ ເປັນເຈົ້າຂອງໂຄງການ. ໂຄງການໄດ້ຮັບການກໍ່ສ້າງໃນເນື້ອທີ່ 3 ເຮັກຕາ ຢູ່ດົງໝາກຄາຍ, ເຊິ່ງແມ່ນເຂດທີ່ໄດ້ຮັບການວາງແຜນກາຍເປັນໃຈກາງຕົວເມືອງໃຫຍ່ຂອງນະຄອນຫຼວງວຽງຈັນ. ສວນສາທາລະນະມິດຕະພາບ ລາວ-ຫວຽດນາມ ແມ່ນສັນຍາລັກແຫ່ງນໍ້າໃຈສາມັກຄີແບບພິເສດ, ຄວາມສະໜິດຕິດພັນລະຫວ່າງສອງພັກ, ສອງລັດ ແລະປະຊາຊົນສອງປະເທດ.
ໂດຍ: ທູຈາງ