ປະຊາຄົມຊາວຫວຽດນາມ ອາໄສຢູ່ລາວ ຮ່ວມແຮງຮ່ວມໃຈພ້ອມກັບອຳນາດການປົກຄອງແຂວງຫຼວງພະບາງ ປ້ອງກັນ, ຕ້ານພະຍາດໂຄວິດ-19
ກປ.ອອນໄລ - ວັນທີ 6 ພຶດສະພາ, ຜູ້ຕາງໜ້າສະຖານກົງສູນໃຫຍ່ຫວຽດນາມ ປະຈຳ ຫຼວງພະບາງ ໄດ້ມອບເງິນຈຳນວນ 50 ລ້ານກີບ ພ້ອມກັບວັດຖຸອຸປະກອນການແພດທີ່ມີມູນຄ່າ 10 ລ້ານກີບໃຫ້ຜູ້ຕາງໜ້າແຂວງຫຼວງພະບາງ ເພື່ອຮ່ວມແຮງຮ່ວມໃຈພ້ອມກັບອຳນາດການປົກຄອງທ້ອງຖິ່ນໃນການຕໍ່ສູ້ຕ້ານພະຍາດໂຄວິດ-19 ພວມແຜ່ລະບາດຢ່າງແຮງຢູ່ລາວ ໃນຊຸມວັນຜ່ານມາ.
ນີ້ແມ່ນຈຳນວນເງິນ ເຊິ່ງພະນັກງານ, ພາລະກອນສະຖານກົງສູນໃຫຍ່ຫວຽດນາມ ປະຈຳ ຫຼວງພະບາງ ພ້ອມກັບປະຊາຄົມຊາວຫວຽດນາມ ແລະວິສາຫະກິດຫວຽດນາມ ພວມທຳມາຫາກິນ, ດຳລົງຊີວິດຢູ່ແຂວງຫຼວງພະບາງ ບໍລິຈາກດ້ວຍຄວາມຫວັງຢາກຮ່ວມແຮງຮ່ວມໃຈພ້ອມກັບອຳນາດການປົກຄອງທ້ອງຖິ່ນ ແລະປະຊາຊົນລາວ ຄວບຄຸມ ແລະຍູ້ພະຍາດໂຄວິດ-19 ໃຫ້ຖອຍໄປໂດຍໄວ.
|
|
ຜູ້ຕາງໜ້າສະຖານກົງສູນໃຫຍ່ຫວຽດນາມ ປະຈຳ ຫຼວງພະບາງ ມອບເຄື່ອງໜູນຊ່ວຍແຂວງຫຼວງພະບາງ. ພາບ: ສຳນັກຂ່າວສານຫວຽດນາມ. |
ນອກຈາກນັ້ນ, ໃນຊຸມວັນຜ່ານມາ, ສະມາຄົມຊາວຫວຽດນາມ ອາໄສຢູ່ຫຼາຍແຂວງ/ນະຄອນຂອງລາວ ກໍ່ຮຽກຮ້ອງພໍ່ແມ່ປະຊາຊົນບໍລິຈາກເງິນ, ເຄື່ອງໃຊ້ທີ່ຈຳເປັນ ແລະວັດຖຸອຸປະກອນການແພດ ເພື່ອຮ່ວມແຮງຮ່ວມໃຈພ້ອມກັບລັດຖະບານ ແລະປະຊາຊົນລາວ ໃນການຕໍ່ສູ້ຕ້ານພະຍາດໂຄວິດ-19.
ໂດຍ: ແສງເດືອນ