ຜັນຂະຫຍາຍ 84 ດ່ານສະກັດກັ້ນປະຈຳຕາມເສັ້ນຊາຍແດນຫວຽດນາມ-ລາວ ເພື່ອປ້ອງກັນ, ຕ້ານພະຍາດໂຄວິດ-19
ກປ.ອອນໄລ - ວັນທີ 22 ສິງຫາ, ທ່ານພັນເອກພິເສດ ເລວັນເຟືອງ ຜູ້ບັນຊາການທະຫານຊາຍແດນແຂວງກວ໋າງຈິ ພ້ອມກັບຄະນະປະຕິບັດງານ ໄດ້ໄປເຂດຊາຍແດນຫວຽດນາມ-ລາວ, ຂຶ້ນກັບບໍລິເວນແຂວງກວ໋າງຈິ ເພື່ອກວດກາຄວາມຄືບໜ້າໃນການກໍ່ສ້າງຕູບແບບຄົງທີ່ຢູ່ຕາມດ່ານປ້ອງກັນ, ຕ້ານພະຍາດໂຄວິດ-19, ພ້ອມທັງຢ້ຽມຢາມຖາມຂ່າວ, ລະດົມກໍາລັງໃຈ, ມອບຂອງຂວັນໃຫ້ບັນດານັກຮົບທີ່ພວມປະຕິບັດໜ້າທີ່ຢູ່ທີ່ນີ້.
ເພື່ອແນໃສ່ປ້ອງກັນ, ຕ້ານພະຍາດໂຄວິດ-19 ແຜ່ລະບາດຄືນໃໝ່ນັບແຕ່ທ້າຍເດືອນກໍລະກົດ 2020 ມາຮອດປະຈຸບັນ, ທະຫານຊາຍແດນແຂວງກວ໋າງຈິ ໄດ້ຜັນຂະຫຍາຍຢ່າງທັນການ ແລະຮັກສາດ່ານສະກັດກັ້ນແບບຄົງທີ່ 84 ແຫ່ງຢ່າງເປັນປົກກະຕິ, 23 ໜ່ວຍເຄື່ອນທີ່ດ້ວຍການເຂົ້າຮ່ວມຂອງພະນັກງານ, ນັກຮົບຊາຍແດນກວ່າ 400 ຄົນ, ທະຫານລາດ, ຕໍາຫຼວດບັນດາຕາແສງ 126 ຄົນເພື່ອຄວບຄຸມຊາຍແດນ, ສະກັດກັ້ນການເຄື່ອນໄຫວເຂົ້າ-ອອກເມືອງຢ່າງຜິດກົດໝາຍຜ່ານຊາຍແດນ.
|
|
ທ່ານພັນເອກພິເສດ ເລວັນເຟືອງ ມອບຂອງຂວັນໃຫ້ແກ່ນັກຮົບປະຕິບັດໜ້າທີ່ຢູ່ດ່ານປ້ອງກັນ, ຕ້ານພະຍາດໂຄວິດ-19 ຂຶ້ນກັບຄ້າຍທະຫານຊາຍແດນດ່ານສາກົນລາໄລ. ພາບ: nhandan.com.vn. |
ຕູບຢູ່ຕາມດ່ານສະກັດກັ້ນນີ້, ໄດ້ສ້າງຂຶ້ນແບບຄົງທີ່, ມີເຂດດຳລົງຊີວິດ, ເຮືອນຄົວ ແລະເຂດລ້ຽງສັດໂດຍສະເພາະ. ຕູບໄດ້ສ້າງຂຶ້ນເປັນແບບເຮືອນຮ້ານກວ້າງຂວາງ, ເຢັນສະບາຍ, ຫຼີກລ້ຽງນ້ຳຖ້ວມ, ຕ້ານບັນດາໂຕງູ, ຂີ້ເຂັບ ແລະແມງໄມ້ທີ່ເປັນອັນຕະລາຍ ແນໃສ່ຮັບປະກັນການປະຕິບັດໜ້າທີ່ການປ້ອງກັນ, ຕ້ານພະຍາດໂຄວິດ-19 ໃນທົ່ວຊາຍແດນຫວຽດນາມ-ລາວ, ຕອນໄປຜ່ານບໍລິເວນແຂວງກວ໋າງຈິ, ເຊິ່ງມີລວງຍາວທັງໝົດ 190 ກິໂລແມັດ.
ໂອກາດນີ້, ກອງບັນຊາການທະຫານແຂວງກວ໋າງຈິ ກໍ່ໄປຢ້ຽມຢາມ ແລະມອບຂອງຂວັນໃຫ້ດ່ານສະກັດກັ້ນຕ່າງໆທີ່ຂຶ້ນກັບຄ້າຍທະຫານຊາຍແດນດ່ານສາກົນລາໄລ, ຄ້າຍທະຫານຊາຍແດນແທັງ, ກອງສືບຂ່າວ.
ໂດຍ: ເຈິ່ນຮວ່ຽນ