ຫວຽດນາມ-ຈີນ ຊຸກຍູ້ການຮ່ວມມືດ້ານປ້ອງກັນຊາດຢ່າງແທດຈິງ ແລະມີປະສິດທິຜົນ

ທ່ານພົນໂທ ຕົງ ຈຸ່ນ ຊົມເຊີຍທ່ານພົນເອກ ຟານວັນຢາງ ໄດ້ສະພາແຫ່ງຊາດຫວຽດນາມ ເລືອກຕັ້ງໃຫ້ດຳລົງຕຳແໜ່ງຮອງນາຍົກລັດຖະມົນຕີ, ລັດຖະມົນຕີກະຊວງປ້ອງກັນປະເທດຫວຽດນາມ ອາຍຸການ 2026-2031 ໃນຫວ່າງມໍ່ໆມານີ້ ແລະຖືວ່າສອງຝ່າຍຈະສືບຕໍ່ເຫັນດີຊຸກຍູ້ເພີ່ມທະວີການຮ່ວມມືຝຶກແອບ, ວຽກງານພັກ, ວຽກງານການເມືອງລະຫວ່າງກອງທັບສອງປະເທດໃນໄລຍະຈະມາເຖິງ.

ທ່ານພົນເອກ ຟານວັນຢາງ, ຮອງນາຍົກລັດຖະມົນຕີ, ລັດຖະມົນຕີກະຊວງປ້ອງກັນປະເທດຫວຽດນາມ ແລກປ່ຽນກັບທ່ານພົນໂທ ຕົງ ຈຸ່ນ ລັດຖະມົນຕີ ກະຊວງປ້ອງກັນປະເທດຈີນ. ພາບ: ເຖຕວ່ານ

ທ່ານພົນເອກ ຟານວັນຢາງ ສະແດງຄວາມປິຕິຊົມຊື່ນທີ່ໄດ້ພົບປະກັບທ່ານພົນໂທ ຕົງ ຈຸ່ນ ແລະເນັ້ນໜັກວ່າ, ເດືອນມີນາ ຜ່ານມາ, ສອງຝ່າຍໄດ້ຈັດຕັ້ງກອງປະຊຸມ ຄັ້ງທີ 1 ກົນໄກເຈລະຈາຍຸດທະສາດ “3+3” ຂັ້ນລັດຖະມົນຕີການຕ່າງປະເທດ, ປ້ອງກັນປະເທດ, ຕຳຫຼວດ ຫວຽດນາມ-ຈີນ ປະສົບຜົນສໍາເລັດ. ພິເສດ, ພາຍຫຼັງການເຈລະຈາ “3+3”, ສອງຝ່າຍໄດ້ຈັດຕັ້ງງານພົບປະແລກປ່ຽນມິດຕະພາບປ້ອງກັນຊາດຢູ່ເຂດຊາຍແດນ ຫວຽດນາມ-ຈີນ ຄັ້ງທີ 10 ຢູ່ແຂວງກວ໋າງນີງ ຂອງຫວຽດນາມ ແລະເຂດປົກຄອງຕົນເອງຊົນເຜົ່າຈວາງກວາງຊີ ຂອງ ຈີນ ປະສົບຜົນສໍາເລັດ, ປະກອບສ່ວນເພີ່ມທະວີຄວາມສາມັກຄີ, ມິດຕະພາບ, ຊຸກຍູ້ການຮ່ວມມືດ້ານປ້ອງກັນຊາດລະຫວ່າງສອງປະເທດນັບມື້ນັບມີປະສິດທິຜົນ ແລະແທດຈິງ.

ທ່ານພົນເອກ ຟານວັນຢາງ ເນັ້ນໜັກເຖິງໝາກຜົນທີ່ບັນລຸໄດ້ໃນການຢ້ຽມຢາມຂອງການນໍາຂັ້ນສູງສອງພັກ, ສອງລັດ ຈະສືບຕໍ່ສ້າງເງື່ອນໄຂເພື່ອກອງທັບສອງປະເທດຍູ້ແຮງການຮ່ວມມືແທດຈິງກວ່າ, ມີປະສິດທິຜົນກວ່າ, ປະກອບສ່ວນຢ່າງຕັ້ງໜ້າໃຫ້ການພົວພັນຄູ່ຮ່ວມມືຍຸດທະສາດຮອບດ້ານ, ຊຸກຍູ້ການສ້າງປະຊາຄົມແບ່ງປັນອະນາຄົດ ຫວຽດນາມ-ຈີນ ທີ່ມີຄວາມໝາຍຍຸດທະສາດ.

ໃນໄລຍະຜ່ານມາ, ການພົວພັນຮ່ວມມືດ້ານປ້ອງກັນຊາດສອງຝ່າຍ ຍາມໃດກໍ່ໄດ້ຢືນຢັນແມ່ນໜຶ່ງໃນບັນດາເສົາຄໍ້າສຳຄັນໃນການພົວພັນ ຫວຽດນາມ-ຈີນ, ໄດ້ສະແດງໃຫ້ເຫັນຜ່ານຫຼາຍເນື້ອໃນການຮ່ວມມື, ຄື: ການແລກປ່ຽນຄະນະຜູ້ແທນ, ການຮ່ວມມືເຫຼົ່າທັບ-ເຫຼົ່າຮົບ, ການສຶກສາ-ບໍາລຸງສ້າງ, ອຸດສາຫະກໍາປ້ອງກັນຊາດ.

ໂດຍ: ເຈິ່ນຮວ່ຽນ