ຢູ່​ທີ່ນີ້, ທ່ານ​ເລ​ຂາ​ທິ​ການ​ໃຫຍ່, ປະ​ທານ​ປະ​ເທດ ໂຕ​ເລິມ ໄດ້​ຕາງ​ໜ້າ​ໃຫ້​ການ​ນຳ​ພັກ, ລັດ ປະ​ດັບ​ນ​າມ​ມະ​ຍົດ “​ນັກ​ວິ​ລະ​ຊົນ​ກຳ​ລັງ​ປະ​ກອບ​ອາ​ວຸດ​ປະ​ຊາ​ຊົນ​” ທີ່ມອບ​ໃຫ້​ຫ້ອງ​​ວ່າການ​ກະ​ຊວງ​ຕ​ຳ​ຫຼວດ - ອົງ​ການ​ເສ​ນາ​ທິ​ການ​ສູງ​ສຸດ​ຂອງ​ກຳ​ລັງ​ຕຳ​ຫຼວດ​ປະ​ຊາ​ຊົນ. ທ່ານເລຂາທິການໃຫຍ່, ປະທານປະເທດ ໂຕເລິມ ເນັ້ນໜັກເຖິງບົດບາດ, ຄວາມໝາຍ ແລະຄວາມສຳຄັນເປັນພິເສດຕໍ່ກັບທຸກການເຄື່ອນໄຫວຂອງກຳລັງຕໍາຫຼວດ, ທັງເປັນເສນາທິການດ້ານຍຸດທະສາດ, ທັງເປັນເສນາທິການດ້ານການສູ້ຮົບ; ພ້ອມທັງແມ່ນສູນຂໍ້ມູນຂ່າວສານ ຮັບໃຊ້ໃຫ້ການເຄື່ອນໄຫວນຳພາ, ບັນຊາ, ຊີ້ນໍາ ແລະຄຸ້ມຄອງບໍລິຫານ, ແມ່ນສູນທີ່ເຕົ້າໂຮມສະຕິປັນຍາຂອງຄະນະພັກ, ການນໍາ ແລະກອງບັນຊາການຕໍາຫຼວດທຸກຂັ້ນ.

leftcenterrightdel
ທ່ານ​ເລ​ຂາ​ທິ​ການ​ໃຫຍ່, ປະ​ທານ​ປະ​ເທດ ໂຕ​ເລິມ ປະ​ດັບ​ນ​າມ​ມະ​ຍົດນັກ​ວິ​ລະ​ຊົນ​ກຳ​ລັງ​ປະ​ກອບ​ອາ​ວຸດ​ປະ​ຊາ​ຊົນ​ ໃຫ້​ແກ່ຫ້ອງ​​ວ່າການ​ກະ​ຊວງ​ຕ​ຳ​ຫຼວດ. ພາບ: qdnd.vn

ໃນ​ໄລ​ຍະ​ຈະ​ມາ​ເຖິງ, ທ່ານ​ເລ​ຂາ​ທິ​ການ​ໃຫຍ່, ປະ​ທານ​ປະ​ເທດ ໂຕ​ເລິມ ສະ​ເໜີໃຫ້​ວຽກ​ງານ​ເສນ​າ​ທິ​ການ​ຕຳ​ຫຼວດ​ປະ​ຊາ​ຊົນ ຕ້ອງ​ແມ່ນ​ພື້ນ​ຖານ ​ເພື່ອ​ຊຸກ​ຍູ້​ການ​ປະ​ຕິ​ບັດ​ບັນ​ດາ​ຈິນ​ຕະ​ນາ​ການ, ຄວາມ​ຮັບ​ຮູ້​ໃໝ່​ກ່ຽວ​ກັບ​ຄວາມ​ໝັ້ນ​ຄົງ, ​ການປົກ​ປ້ອງ​ຄວາມ​ໝັ້ນ​ຄົງ​ແຫ່ງ​ຊາ​ດ ເຊິ່ງ​ມະ​ຕິ​ກອງ​ປະ​ຊຸມ​ໃຫຍ່​ຄັ້ງ​ທີ XIV ຂອງ​ພັກ ​ໄດ້​ກຳ​ນົດ​ໄວ້ຢ່າງ​ມີ​ໄຊ, ມານະພະຍາຍາມກໍ່ສ້າງກຳລັງເສນາທິການຕໍາຫຼວດປະຊາຊົນປະຕິວັດ, ເປັນກໍາລັງຫຼວງ, ຍອດຢ້ຽມ, ທັນສະໄໝໃຫ້ໄດ້ໂດຍໄວກ່ອນປີ 2030. “​ຍິ່ງ​ກວ່າ​ໃດ​ໝົດ, ກຳ​ລັງ​ເສ​ນາ​ທິ​ການ​ຕຳ​ຫຼວດ​ປະ​ຊາ​ຊົນ ຕ້ອງ​ແມ່ນ​ກຳ​ລັງ​ແບບ​ຢ່າງ​ນຳ​ໜ້າ ແລະ ແຜ່​ກະ​ຈາຍ​ຢ່າງ​ແຮງ, ຊຸກ​ຍູ້​ກຳ​ລັງ​ຕຳ​ຫຼວດ​ນຳ​ໜ້າມ​​ໃນ​ການປະ​ຕິ​ບັດ​ຈິດ​ໃຈ​ການ​ກະ​ທຳ, ລະ​ບຽບ​ວິ​ໄນ, ເຮັດ​ວຽກ​ງານ​ຢ່າງ​ເຖິງ​​ຖອງ, ສູ້​ຊົນ​ສ້າງ​ບັນ​ດາ​ຂີດ​ໝາຍ, ຜົນ​ງານ​ໃໝ່​ເພື່ອ​ພັກ, ເພື່ອ​ປະ​ຊາ​ຊົນ”.

ຂ່າວ: ວິທະຍຸກະຈາຍສຽງຫວຽດນາມ