ກຳປັ່ນ 015 - ເຈິ່ນຮືງດ້າວ ສິ້ນສຸດການຢ້ຽມຢາມ ສ.ເກົາຫຼີ ແລະເລີ່ມຕົ້ນການເດີນທາງກັບຄືນປະເທດ

ໃນໄລຍະຢ້ຽມຢາມ ສ.ເກົາຫຼີ, ບັນດານາຍທະຫານ ແລະລູກເຮືອຂອງສອງປະເທດ ໄດ້ຢ້ຽມຢາມກໍາປັ່ນ 015 ແລະກໍາປັ່ນ Munmu The Great, ພ້ອມທັງແບ່ງປັນປະສົບການໃນການອົບຮົມຫັດແອບ ແລະການເດີນເຮືອຫຼາຍມື້; ແຂ່ງຂັນກິລາມິດຕະພາບ. ຄະນະປະຕິບັດງານທະຫານເຮືອປະຊາຊົນຫວຽດນາມ ຍັງໄດ້ຈັດງານລ້ຽງຕ້ອນຮັບນາຍທະຫານຂັ້ນສູງ ແລະລູກເຮືອທະຫານເຮືອ  ສ.ເກົາຫຼີ ເທິງກໍາປັ່ນ 015.

ລູກເຮືອກໍາປັ່ນ 015 ປະຕິບັດວຽກງານກະກຽມອອກຈາກທ່າກໍາປັ່ນ. ພາບ: qdnd.vn

ຄະນະປະຕິບັດງານພ້ອມດ້ວຍພະນັກງານ ແລະລູກເຮືອກໍາປັ່ນ 015 ຂໍ່ານັບທ່າກໍາປັ່ນ. ພາບ: qdnd.vn

ທ່ານພົນຈັດຕະວາ Shin Yu Chan, ຮອງຫົວໜ້າເສນາທິການທະຫານເຮືອ ສ.ເກົາຫຼີ ໄດ້ຕີລາຄາສູງຕໍ່ຄວາມໝາຍຂອງການຢ້ຽມຢາມ ສ. ເກົາຫຼີ ຂອງກຳປັ່ນ 015 ແລະຄະນະປະຕິບັດງານທະຫານເຮືອປະຊາຊົນຫວຽດນາມ;  ພ້ອມທັງຢືນຢັນວ່າ ການເຄື່ອນໄຫວພົບປະແລກປ່ຽນໃນການຢ້ຽມຢາມຄັ້ງນີ້ຈະປະກອບສ່ວນເຂົ້າໃນການປັບປຸງສາຍພົວພັນທີ່ໄວ້ເນື້ອເຊື່ອໃຈ ແລະການຮ່ວມມືລະຫວ່າງທະຫານເຮືອຂອງສອງປະເທດ.

ບັນດານາຍທະຫານເຮືອ ສ.ເກົາຫຼີ ພ້ອມດ້ວຍພະນັກງານ ຫ້ອງການທີ່ປຶກສາທູດປ້ອງກັນຊາດຫວຽດນາມ ປະຈໍາ ສ.ເກົາຫຼີ ອໍາລາກໍາປັ່ນ 015. ພາບ: qdnd.vn

ກໍາປັ່ນ 015 ອອກຈາກທ່າກໍາປັ່ນ Jinhae. ພາບ: qdnd.vn

ໃນການເດີນທາງກັບຄືນປະເທດ, ກຳປັ່ນ 015 ສືບຕໍ່ການອົບຮົມຫັດແອບການໄປທະເລທາງໄກ, ຍົກສູງກໍາລັງຄວາມສາມາດໃນການບັນຊາ ແລະທັກສະການເປັນເຈົ້າຂອງອາວຸດຍຸດໂທປະກອນ, ແກ້ໄຂສະພາບການຕົວຈິງບົນທະເລໃນເງື່ອນໄຂດິນຟ້າອາກາດສັບສົນ.

ໂດຍ: ໄຊນີດາ