ທ່ານພັນເອກ Yanagihara, ຕາງໜ້າໃຫ້ຖານທັບເຮືອ Kure  ເຊິ່ງແມ່ນໜຶ່ງໃນບັນດາຖານທັບໃຫຍ່ທີ່ສຸດຂອງກໍາລັງປ້ອງກັນຕົວຢູ່ທະເລຍີ່ປຸ່ນ ເປັນປະທານພິທີຕ້ອນຮັບຄະນະປະຕິບັດງານ ແລະພະນັກງານ, ລູກເຮືອຂອງກຳປັ່ນໝາຍເລກ 015-ເຈິ່ນຮືງດ້າວ.

ກ່າວຄຳເຫັນທີ່ພິທີຕ້ອນຮັບ, ທ່ານພັນເອກ Yanagihara ໄດ້ສະແດງຄວາມຍິນດີຕ້ອນຮັບຄະນະປະຕິບັດງານທະຫານເຮືອປະຊາຊົນຫວຽດນາມ ແລະກຳປັ່ນໝາຍເລກ 015-ເຈິ່ນຮືງດ້າວ ມາຢ້ຽມຢາມຍີ່ປຸ່ນ; ສະແດງຄວາມຫວັງວ່າ ຜ່ານບັນດາການເຄື່ອນໄຫວພົບປະແລກປ່ຽນໃນຂອບເຂດການຢ້ຽມຢາມ ຈະປະກອບສ່ວນພັດທະນາສາຍພົວພັນການຮ່ວມມືມິດຕະພາບລະຫວ່າງກໍາລັງທະຫານເຮືອສອງປະເທດ ແລະການພົວພັນ ຫວຽດນາມ - ຍີ່ປຸ່ນ ໃຫ້ຫຼາຍກ່ວາອີກ.

leftcenterrightdel
ຄະນະປະຕິບັດງານ ແລະພະນັກງານ, ລູກເຮືອກຳປັ່ນໝາຍເລກ 015-ເຈິ່ນຮືງດ້າວ  ເຄົາລົບທ່າກໍາປັ່ນ. ພາບ: qdnd.vn
leftcenterrightdel
ຜູ້ຕາງໜ້າຖານທັບເຮືອ Kure ມອບດອກໄມ້ຊົມເຊີຍຄະນະປະຕິບັດງານ. ພາບ: qdnd.vn

ທ່ານພັນເອກພິເສດ ຫງວຽນວີ໊ງນາມ ເຊື່ອໝັ້ນວ່າ ການຢ້ຽມຢາມ ຈະຊ່ວຍໃຫ້ນາຍທະຫານ, ລູກເຮືອສອງປະເທດມີຄວາມເຂົ້າໃຈກວ່າກ່ຽວກັບປະເທດ, ປະຊາຊົນ ແລະວັດທະນະທໍາຂອງແຕ່ລະປະເທດ, ເປັນຂົວເຊື່ອມຕໍ່ສາຍພົວພັນການຮ່ວມມືມິດຕະພາບອັນດີງາມລະຫວ່າງຫວຽດນາມ ກັບຍີ່ປຸ່ນ, ກໍາລັງປະກອບອາວຸດ ແລະທະຫານເຮືອສອງປະເທດ.

leftcenterrightdel
ສອງຝ່າຍຖ່າຍຮູບເປັນມີ່ລະນຶກທີ່ທ່າກໍາປັ່ນ. ພາບ: qdnd.vn

ການຢ້ຽມຢາມເພື່ອແນໃສ່ຫັນຖະແຫຼງການວິໄສທັດຮ່ວມກ່ຽວກັບການຮ່ວມມືດ້ານປ້ອງກັນຊາດຫວຽດນາມ-ຍີ່ປຸ່ນ ມຸ່ງໄປເຖິງຊຸມປີຕໍ່ໜ້າທີ່ກະຊວງປ້ອງກັນປະເທດສອງປະເທດ ໄດ້ລົງນາມໃນປີ 2018 ໃຫ້ປະກົດຜົນເປັນຈິງ, ສອດຄ່ອງກັບສາຍພົວພັນຄູ່ຮ່ວມມືຍຸດທະສາດຮອບດ້ານ ເພື່ອສັນຕິພາບ ແລະວັດທະນາຖາວອນຢູ່ອາຊີ ແລະໃນໂລກ; ພ້ອມກັນນັ້ນເພີ່ມທະວີສາຍພົວພັນການຮ່ວມມືມິດຕະພາບ, ຄວາມໄວ້ເນື້ອເຊື່ອໃຈ ແລະຄວາມເຂົ້າໃຈເຊິ່ງກັນ ແລະກັນລະຫວ່າງທະຫານເຮືອສອງປະເທດ.

leftcenterrightdel
ທ່ານພັນເອກ Yanagihara ພ້ອມດ້ວຍນາຍທະຫານເຮືອຍີ່ປຸ່ນ ຂຶ້ນຢ້ຽມຢາມກຳປັ່ນໝາຍເລກ 015-ເຈິ່ນຮືງດ້າວ. ພາບ: qdnd.vn

ພາຍຫຼັງພິທີຕ້ອນຮັບ, ບັນດານາຍທະຫານເຮືອຍີ່ປຸ່ນ ໄດ້ຂຶ້ນຢ້ຽມຢາມກຳປັ່ນໝາຍເລກ 015-ເຈິ່ນຮືງດ້າວ ແລະແລກປ່ຽນກັບຄະນະປະຕິບັດງານ.

ໂດຍ: ທູຈາງ