ກິດຈະກຳເຄື່ອນໄຫວຂອງກຳປັ່ນ 015 - ເຈິ່ນຮືງດ້າວ ໃນໄລຍະຢ້ຽມຢາມຍີ່ປຸ່ນ
ກປ.ອອນໄລ - ໃນຂອບເຂດການຢ້ຽມຢາມຍີ່ປຸ່ນ ຂອງກໍາປັ່ນ 015 - ເຈິ່ນຮືງດ້າວ, ຕອນບ່າຍວັນທີ 9 ທັນວາ, ຄະນະປະຕິບັດງານທະຫານເຮືອປະຊາຊົນຫວຽດນາມ ນໍາໂດຍ ພັນເອກພິເສດ ຫງວຽນວິ໊ງນາມ ຮອງຜູ້ບັນຊາການທະຫານເຮືອເຂດ 4 ໄດ້ເຂົ້າຢ້ຽມຂໍ່ານັບທ່ານ Yoshiake Shinhara, ເຈົ້າຄອງນະຄອນ Kure, ແຂວງ Hiroshima.
ທີ່ການຕ້ອນຮັບ, ທ່ານ Yoshiake Shinhara ໄດ້ຕີລາຄາສູງການຢ້ຽມຢາມຂອງກຳປັ່ນ 015 - ເຈິ່ນຮືງດ້າວ, ສະແດງຄວາມປາດຖະໜາວ່າ ຜ່ານການເຄື່ອນໄຫວພົບປະແລກປ່ຽນກັບທະຫານເຮືອຂອງປະເທດເຈົ້າພາບ ກໍຄືປະຊາຊົນທ້ອງຖິ່ນ, ບັນດານາຍທະຫານ, ລູກເຮືອຂອງທະຫານເຮືອຫວຽດນາມ ຈະມີຄວາມເຂົ້າໃຈຕື່ມກ່ຽວກັບນະຄອນ Kure ແລະມີຄວາມປະທັບໃຈອັນດີງາມກ່ຽວກັບນະຄອນເມື່ອກັບຄືນປະເທດ. ທ່ານ Yoshiake Shinhara ຫວັງວ່າສາຍພົວພັນລະຫວ່າງຫວຽດນາມ ແລະຍີ່ປຸ່ນ ຈະນັບມື້ນັບສະໜິດຕິດພັນ ແລະພັດທະນາຢ່າງແຂງແຮງກວ່າເກົ່າ, ສືບຕໍ່ປະກອບສ່ວນເຂົ້າໃນຄວາມວັດທະນາຖາວອນລວມຂອງອາຊີ ແລະ ໃນໂລກ.
    |
 |
|
ນາຍທະຫານ, ລູກເຮືອ ກໍາປັ່ນ JS Tenryu ຢ້ຽມຊົມກຳປັ່ນ 015 - ເຈິ່ນຮືງດ້າວ. ພາບ: qdnd.vn |
|
|
 |
|
ພະນັກງານ, ລູກເຮືອ ກຳປັ່ນ 015 - ເຈິ່ນຮືງດ້າວ ຢ້ຽມຊົມກໍາປັ່ນ JS Tenryu ຂອງຍີ່ປຸ່ນ. ພາບ: qdnd.vn |
|
|
 |
|
ການແຂ່ງຂັນບານສົ່ງລະຫວ່າງນາຍທະຫານ, ລູກເຮືອຂອງສອງປະເທດ. ພາບ: qdnd.vn |
ທ່ານພັນເອກພິເສດ ຫງວຽນວິ໊ງນາມ ເນັ້ນໜັກວ່າ, ໃນຊຸມປີຜ່ານມາ, ການຮ່ວມມືດ້ານປ້ອງກັນຊາດລະຫວ່າງຫວຽດນາມ-ຍີ່ປຸ່ນ ເວົ້າລວມ ແລະການຮ່ວມມືລະຫວ່າງທະຫານເຮືອປະຊາຊົນຫວຽດນາມ ແລະກໍາລັງປ້ອງກັນຕົວຢູ່ທະເລຍີ່ປຸ່ນ ເວົ້າສະເພາະ ໄດ້ມີບາດກ້າວພັດທະນາຢ່າງຕັ້ງໜ້າ ແລະມີປະສິດທິຜົນ; ພ້ອມທັງສະແດງຄວາມເຊື່ອໝັ້ນວ່າ ສາຍພົວພັນລະຫວ່າງສອງປະເທດຈະນັບມື້ນັບພັດທະນາເລິກເຊິ່ງກວ້າງຂວາງ, ປະກອບສ່ວນເຂົ້າໃນການຮັກສາສັນຕິພາບ, ສະຖຽນລະພາບ, ຄວາມໝັ້ນຄົງ ແລະວັດທະນາຖາວອນລວມໃນພາກພື້ນ ແລະ ໃນໂລກ.
* ໃນວັນທີ 9 ທັນວາ, ນາຍທະຫານ, ລູກເຮືອ ຂອງສອງປະເທດ ໄດ້ໄປຢ້ຽມຢາມກຳປັ່ນ 015 - ເຈິ່ນຮືງດ້າວ ແລະກໍາປັ່ນ JS Tenryu ຂອງຍີ່ປຸ່ນ; ແຂ່ງຂັນກິລາມິດຕະພາບ.
* ໃນຕອນຄໍ່າວັນດຽວກັນ, ການນໍານະຄອນ Kure ພ້ອມດ້ວຍການນໍາ, ນາຍທະຫານ, ລູກເຮືອເຂດ Kure, ກໍາລັງປ້ອງກັນຕົວຢູ່ທະເລຍີ່ປຸ່ນ ໄດ້ເຂົ້າຮ່ວມງານລ້ຽງ ຢູ່ເທິງກຳປັ່ນ 015 - ເຈິ່ນຮືງດ້າວ.
ໂດຍ: ທູຈາງ