ໃນຂອບເຂດການປະຕິບັດງານຢູ່ຍີ່ປຸ່ນ, ຕໍາຫຼວດທະເລຫວຽດນາມ ໄດ້ດຳເນີນບັນດາການເຄື່ອນໄຫວ, ຄື: ເຂົ້າຢ້ຽມຂ່ຳນັບອຳນາດການປົກຄອງທ້ອງຖິ່ນ ແລະການນຳກໍາລັງປ້ອງກັນຝັ່ງຍີ່ປຸ່ນ; ພົບປະແລກປ່ຽນ ແລະແບ່ງປັນບົດຮຽນໃນການປະຕິບັດງານກັບເຂດ 7, ກໍາລັງປ້ອງກັນຝັ່ງຍີ່ປຸ່ນ; ສົມທົບຝຶກແອບຮ່ວມຊອກຫາກູ້ໄພກູ້ຊີບຢູ່ທະເລ; ຢ້ຽມຊົມບັນດາສະຖານທີ່ວັດທະນະທຳຂອງທ້ອງຖິ່ນ ແລະຈັດຕັ້ງງານລ້ຽງຂອງສອງກໍາລັງ.

leftcenterrightdel
ກຳປັ່ນຕໍາຫຼວດທະເລ 8004 ຂໍ່ານັບທ່າກໍາປັ່ນຂອງກອງພັນເຮືອ 11 ກັບຄືນສູ່ກົມກອງ. ພາບ: qdnd.vn

ຜ່ານບັນດາການເຄື່ອນໄຫວດັ່ງກ່າວ ໄດ້ປະກອບສ່ວນນໍາວຽກງານການພົວພັນຕ່າງປະເທດຂອງຕໍາຫຼວດທະເລ ໄດ້ຮັບການຍົກສູງຂຶ້ນສູ່ລະດັບໃໝ່, ຫັນແຜນນະໂຍບາຍການພົວພັນຕ່າງປະເທດດ້ານປ້ອງກັນຊາດຂອງຄະນະພັກການການທະຫານສູນກາງ ແລະກະຊວງປ້ອງກັນປະເທດໃຫ້ປະກົດຜົນເປັນຈິງ; ປະຕິບັດແນວທາງການພົວພັນຕ່າງປະເທດຂອງພັກ ແລະ ລັດຢ່າງມີປະສິດທິຜົນ, ປະກອບສ່ວນປົກປັກຮັກສາປະເທດຊາດ ແຕ່ຫົວທີ, ແຕ່ໄກໃນສະພາບການໃໝ່.

leftcenterrightdel
ການນໍາກອງບັນຊາການຕໍາຫຼວດທະເລເຂດ 1 ລະດົມກໍາລັງໃຈຄະນະປະຕິບັດງານພາຍຫຼັງກຳປັ່ນຕໍາຫຼວດທະເລ 8004 ເຂົ້າທຽບທ່າຢ່າງປອດໄພ. ພາບ: qdnd.vn

ທ່ານພົນຈັດຕະວາ ເຈິ່ນວັນເທີ, ຜູ້ບັນຊາການຕໍາຫຼວດທະເລເຂດ 1 ໄດ້ຮັບຮູ້ ແລະຊົມເຊີຍບັນດາສະມາຊິກ ໃນຄະນະປະຕິບັດງານຂອງກຳປັ່ນຕໍາຫຼວດທະເລ 8004 ທີ່ໄດ້ມານະພະຍາຍາມ, ເສີມຂະຫຍາຍຈິດໃຈຄວາມຮັບຜິດຊອບ, ຕັ້ງໜ້າ, ເປັນເຈົ້າການແກ້ໄຂຄວາມຫຍຸ້ງຍາກ. ເຖິງວ່າສະພາບອາກາດບໍ່ດີ ແລະປະຕິບັດໜ້າທີ່ຢູ່ເຂດທະເລຫ່າງໄກ, ແຕ່ຄະນະປະຕິບັດງານໄດ້ສາມັກຄີ, ປະຕິບັດໜ້າທີ່ຢ່າງສຳເລັດຜົນ, ບັນລຸໄດ້ບັນດາເປົ້າໝາຍ ແລະຄວາມຮຽກຮ້ອງຕ້ອງການທີ່ໄດ້ວາງອອກ.

ຜົນສຳເລັດຂອງການປະຕິບັດງານອີກເທື່ອໜຶ່ງຢັ້ງຢືນວ່າ: ຕໍາຫຼວດທະເລຫວຽດນາມ ໄດ້ເຕີບໃຫຍ່ຂະຫຍາຍຕົວໃນທຸກດ້ານ, ທຽບເທົ່າກັບໜ້າທີ່ວຽກງານ, ມີຄວາມສາມາດປະຕິບັດໜ້າທີ່ເປັນເວລາຫຼາຍມື້ຢູ່ເຂດທະເລຫ່າງໄກໃນທຸກເງື່ອນໄຂ; ພ້ອມແລ້ວທີ່ຈະສົມທົບກັບກຳລັງປະຕິບັດກົດໝາຍບົນທະເລຂອງປະເທດອື່ນໆ ເພື່ອແກ້ໄຂກໍລະນີຢູ່ເຂດທະເລສາກົນເມື່ອມີຄວາມຮຽກຮ້ອງຕ້ອງການ. ຜ່ານນັ້ນປະກອບສ່ວນຍົກສູງບົດບາດ ແລະທີ່ຕັ້ງຂອງກໍາລັງຕໍາຫຼວດເທະເລຫວຽດນາມ ຢູ່ພາກພື້ນ ແລະໃນໂລກ.

ໂດຍ: ທູຈາງ