ທ່ານພົນເອກ ຫງວຽນເຕິນເກືອງ ສິ້ນສຸດການຢ້ຽມຢາມ ກູບາ ຢ່າງຈົບງາມ

20 ມິຖຸນາ 2025 16:47

ກປ.ອອນໄລ - ຕອນບ່າຍວັນທີ 19 ມິຖຸນາ (ຕາມເວລາທ້ອງຖິ່ນ), ທ່ານພົນເອກ ຫງວຽນເຕິນເກືອງ ຫົວໜ້າກົມໃຫຍ່ເສນາທິການ ກອງທັບປະຊາຊົນຫວຽດນາມ, ຮອງລັດຖະມົນຕີກະຊວງປ້ອງກັນປະເທດ ແລະຄະນະຜູ້ແທນການທະຫານຂັ້ນສູງກອງທັບປະຊາຊົນຫວຽດນາມ ໄດ້ອອກຈາກນະຄອນຫຼວງ La Habana, ສິ້ນສຸດການຢ້ຽມຢາມກູບາ ຢ່າງຈົບງາມ ຕາມຄໍາເຊີນຂອງກະຊວງບັນດາກໍາລັງປະກອບອາວຸດປະຕິວັດກູບາ.

ທ່ານພົນໂທ Roberto Legrá Sotolongo, ກໍາມະການສູນກາງພັກ, ຫົວໜ້າກົມໃຫຍ່ເສນາທິການ, ຮອງລັດຖະມົນຕີຜູ້ທີໜຶ່ງກະຊວງບັນດາກໍາລັງປະກອບອາວຸດປະຕິວັດກູບາ ໄດ້ໄປສະໜາມບິນ José Marti ອໍາລາທ່ານພົນເອກ ຫງວຽນເຕິນເກືອງ ແລະຄະນະຜູ້ແທນ.

ໜັງສືພິມກອງທັບປະຊາຊົນ ຂໍແນະນຳບາງຮູບພາບການເຄື່ອນໄຫວຂອງທ່ານພົນເອກ ຫງວຽນເຕິນເກືອງ ແລະຄະນະຜູ້ແທນກູບາ.

ພິທີຕ້ອນຮັບຄະນະຜູ້ແທນການທະຫານຂັ້ນສູງກອງທັບປະຊາຊົນຫວຽດນາມ ຢ້ຽມຢາມກູບາ ຢ່າງເປັນທາງການ. ພາບ: qdnd.vn

ທ່ານລັດຖະມົນຕີກະຊວງບັນດາກໍາລັງປະກອບອາວຸດປະຕິວັດກູບາ ຕ້ອນຮັບທ່ານພົນເອກ ຫງວຽນເຕິນເກືອງ ທີ່ສໍານັກງານກະຊວງບັນດາກໍາລັງປະກອບອາວຸດປະຕິວັດກູບາ. ພາບ: qdnd.vn

ທ່ານພົນເອກ ຫງວຽນເຕິນເກືອງ ເຂົ້້າຢ້ຽມຂໍ່ານັບທ່ານ Miguel Díaz-Canel Bermúdez, ເລຂາຜູ້ທີໜຶ່ງຄະນະບໍລິຫານງານສູນກາງພັກກອມມູນິດກູບາ, ປະທານປະເທດແຫ່ງ ສາທາລະນະລັດກູບາ. ພາບ: qdnd.vn