ພົນໂທ ຮວ່າງຊວນຈ໊ຽນ ລົງກວດກາເຂດກໍ່ສ້າງກິດຈະກຳອະນຸສາວະລີນັກຮົບສາກົນ

ທ່ານພົນໂທ ຮວ່າງຊວນຈ໊ຽນ ແລະຜູ້ແທນ. ພາບ: ຮ່າເຟືອງ

ຕາມແຜນການແລ້ວ, ກິດຈະກຳດັ່ງກ່າວໄດ້ກໍ່ສ້າງໃນເນື້ອທີ່ 3.000 ຕາແມັດ ໃນຂອບເຂດຫໍພິພິທະພັນປະຫວັດສາດການທະຫານຫວຽດນາມ. ເນື້ອໃນວາງສະແດງໃນກິດຈະກຳອະນຸສາວະລີລວມມີ: ອະນຸສາວະລີສະແດງຄວາມຮູ້ບຸນຄຸນ; ສັນຍາລັກລວມກ່ຽວກັບການຊ່ວຍເຫຼືອ, ການເສຍສະຫຼະຊີວິດຂອງນັກຊ່ຽວຊານດ້ານການທະຫານບັນດາປະເທດ... ອ້ອມຮອບກິດຈະກຳອະນຸສາວະລີແມ່ນພື້ນທີ່ຕົ້ນໄມ້ສີຂຽວ, ພືດຫຍ້າດ້ວຍອອກແບບທີ່ເໝາະສົມກ່ຽວກັບສັງລວມ.

ທ່ານພົນໂທ ຮວ່າງຊວນຈ໊ຽນ ລົງກວດກາເຂດກໍ່ສ້າງກິດຈະກຳອະນຸສາວະລີນັກຮົບສາກົນ. ພາບ: ຮ່າເຟືອງ

ເຂົ້າຮ່ວມການກວດກາ, ທີ່ປຶກສາທູດປ້ອງກັນຊາດລາວ, ກໍາປູເຈຍ, ກູບາ, ຈີນ, ລັດເຊຍ ໄດ້ສະແດງຄວາມຂອບໃຈຕໍ່ຫວຽດນາມ ທີ່ໄດ້ເອົາໃຈໃສ່ ແລະມີການກະທໍາສະແດງຄວາມຮູ້ບຸນຄຸນແທດຈິງ; ຢືນຢັນຈະລາຍງານຕໍ່ທຸກຂັ້ນທີ່ມີອຳນາດຕັດສິນ ເພື່ອເຫັນດີເປັນເອກະພາບ ແລະສົມທົບກັບຝ່າຍຫວຽດນາມ ສຳເລັດວຽກງານດັ່ງກ່າວໃນໄລຍະໄວທີ່ສຸດ.

ກ່າວຄໍາເຫັນສະຫຼຸບການກວດກາ, ທ່ານພົນໂທ ຮວ່າງຊວນຈ໊ຽນ ເນັ້ນໜັກວ່າ ແຜນງານ ແລະບັນຍາກາດກໍ່ສ້າງກິດຈະກຳອະນຸສາວະລີນັກຮົບສາກົນໂດຍຫໍພິພິທະພັນປະຫວັດສາດການທະຫານຫວຽດນາມ ສະເໜີໄດ້ຮັບການເຫັນດີສູງຈາກຜູ້ຕາງໜ້າບັນດາຝ່າຍທີ່ກ່ຽວຂ້ອງ, ສອດຄ່ອງກັບແຜນຜັງໄດ້ອະນຸມັດຜ່ານ; ຮຽກຮ້ອງບັນດາກົມກອງທີ່ກ່ຽວຂ້ອງຜັນຂະຫຍາຍຢ່າງວ່ອງໄວ; ຫໍພິພິທະພັນປະຫວັດສາດການທະຫານຫວຽດນາມ ໄດ້ສ້າງອອກແບບລວມໝູ່ໃນເບື້ອງຕົ້ນເພື່ອກິດຈະກຳອະນຸສາວະລີນັກຮົບສາກົນເມື່ອສຳເລັດຈະກົມກຽວກັບບັນຍາກາດສັງລວມຢູ່ຫໍພິພິທະພັນ, ຕອບສະໜອງຄວາມຮຽກຮ້ອງຕ້ອງການດ້ານເຕັກນິກ-ວິຈິດສິນ, ທັງມີຄຸນຄ່າດ້ານສິລະປະ, ທັງມີຄວາມໝາຍດ້ານວັດທະນະທຳ-ປະຫວັດສາດ, ການເມືອງ-ການທູດ. ສູ້ຊົນເຮັດໃຫ້ສຳເລັດກິດຈະກຳອະນຸສາວະລີຄວາມໝາຍນີ້ກ່ອນພິທີສະເຫຼີມສະຫຼອງ 80 ປີແຫ່ງການປະຕິວັດເດືອນສິງຫາ ແລະວັນຊາດ ສສ ຫວຽດນາມ.

ໂດຍ: ເຈິ່ນຮວ່ຽນ