ບັນດາສິ່ງທ້າທາຍຢູ່ໂຮງຮຽນແຫ່ງໜຶ່ງຫາກໍ່ສ້າງຕັ້ງ

ເຖິງວ່າຫາກໍ່ເປີດນຳໃຊ້ໄດ້ສອງອາທິດ, ໂຮງຮຽນ Bright Future (ອະນາຄົດທີ່ສົດໃສ) ໄດ້ກາຍເປັນບ່ອນຮ່ຳຮຽນຂອງພວກນ້ອງນ້ອຍຊັ້ນອະນຸບານຫຼາຍຄົນທີ່ມາຈາກໂຮງຮຽນມັດທະຍົມຕອນບ່າຍ ຢູ່ Terekeka. ເຖິງຢ່າງໃດກໍ່ຕາມ, ຍ້ອນເງື່ອນໄຂຈໍາກັດ, ໂຮງຮຽນມີພຽງແຕ່ 2 ຫ້ອງຮຽນດ້ວຍຄູສອນຈຳນວນ 8 ຄົນ ຮັບຜິດຊອບວຽກງານສິດສອນ. ບັນດາຫ້ອງຮຽນໄດ້ຈັດຕັ້ງການສັບຊ້ອນດ້ວຍຫຼາຍຊັ້ນຮຽນເພື່ອຮັບປະກັນນັກຮຽນທຸກຄົນມີໂອກາດມາຮ່ຳຮຽນ.

ຄຽງຂ້າງການຂາດແຄນກ່ຽວກັບວັດຖຸອຸປະກອນຮັບໃຊ້ການສິດສອນ, ໂຮງຮຽນຕ້ອງປະເຊີນໜ້າກັບຄວາມຫຍຸ້ງຍາກກ່ຽວກັບພື້ນຖານໂຄງລ່າງພໍສົມຄວນ. ເລື່ອງຍັງບໍ່ທັນມີນ້ຳປະປາ, ໄຟຟ້າ ແລະຫ້ອງນ້ຳ ເຮັດໃຫ້ເກີດສິ່ງອຸບປະສັກຫຼາຍຢ່າງໃຫ້ແກ່ນັກຮຽນ ແລະຄູສອນ.

ທ່ານອະທິການບໍດີ Abraham Ajang ແບ່ງປັນວ່າ ປະຈຸບັນສະພາບແວດລ້ອມການຮ່ຳຮຽນຍັງມີສິ່ງທ້າທາຍຫຼາຍຢ່າງ, ພິເສດເມື່ອລະດູຝົນໃກ້ຊິວຽນມາ. ນ້ຳຖ້ວມ ແລະຂີ້ຕົມບໍ່ພຽງແຕ່ກີດກັ້ນການຮ່ຳຮຽນເທົ່ານັ້ນ ຫາກຍັງເຮັດໃຫ້ເພີ່ມຄວາມສ່ຽງຕິດພະຍາດ ຍ້ອນເງື່ອນໄຂອະນາໄມບໍ່ໄດ້ຮັບປະກັນ. ໃນສະພາບການນີ້, ການໜູນຊ່ວຍຈາກສາກົນ ແລະບັນດາອົງການຈັດຕັ້ງເພື່ອມະນຸດສະທຳແມ່ນຄວາມຈຳເປັນຕ້ອງເພື່ອປົວແປງເງື່ອນໄຂການດຳລົງຊີວິດຂອງນັກຮຽນ.

leftcenterrightdel
ທ່ານນາງຮ້ອຍເອກພິເສດ ຫວູຫງວຽດແອັງ ໃນເວລາຂຶ້ນຫ້ອງຮຽນ.
leftcenterrightdel
ທ່ານນາງຮ້ອຍເອກພິເສດ ຫວູຫງວຽດແອັງ ກັບພວກນ້ອງນັກຮຽນຢູ່ຊູດັງໃຕ້.

ແມ່ນນາຍທະຫານຜູ້ທຳອິດຂອງຫວຽດນາມ ໄດ້ແຕ່ງຕັ້ງເຂົ້າເຮັດວຽກຢູ່ກອງຫັດແອບນັກສັງເກດການການທະຫານຂອງຄະນະປະຕິບັດງານ, ທ່ານນາງຮ້ອຍເອກພິເສດ ຫວູຫງວຽດແອັງ ບໍ່ພຽງແຕ່ຮັບຜິດຊອບວຽກງານວິຊາການເທົ່ານັ້ນ ຫາກຍັງເປັນເຈົ້າການເຂົ້າຮ່ວມບັນດາກິດຈະກຳໜູນຊ່ວຍວົງຄະນະຍາດອີກດ້ວຍ. ໃນລາຍການຢູ່ໂຮງຮຽນ Bright Future, ເອື້ອຍ ໄດ້ພ້ອມກັບເພື່ອນຮ່ວມອາຊີບຈັດຕັ້ງການສິດສອນກ່ຽວກັບທັກສະການດຳລົງຊີວິດ, ແບ່ງປັນຄວາມຮູ້ຕົວຈິງ ແລະໃຫ້ກຳລັງໃຈພວກນ້ອງນ້ອຍ ຮັກສາການຮ່ຳຮຽນເພື່ອຜ່ານຜ່າຄວາມຫຍຸ້ງຍາກ. ກິດຈະກຳນີ້ກໍ່ປະກອບສ່ວນປັບປຸງຄວາມໄວ້ເນື້ອເຊື່ອໃຈລະຫວ່າງຄະນະປະຕິບັດງານ ແລະປະຊາຄົມທ້ອງຖິ່ນ, ສ້າງພື້ນຖານສະດວກໃຫ້ການປະຕິບັດພາລະກຳພົນລະເຮືອນ ແລະຄວາມໝັ້ນຄົງໃນພາກພື້ນ.

ບັນດາກິດຈະກຳຄືຢູ່ໂຮງຮຽນ Bright Future ຊ່ວຍ UNMISS ເຂົ້າເຖິງປະຊາຄົມຢ່າງເຖິງຖອງກວ່າ, ສ້າງຂົວຕໍ່ທີ່ມີປະສິດທິຜົນໃນການແບ່ງປັນຂໍ້ມູນຂ່າວສານກ່ຽວກັບຄວາມສະຫງົບ, ສະກັດກັ້ນການປະທະກັນ ແລະຊຸກຍູ້ມາດຕະການສັນຕິພາບໃນໄລຍະຍາວ. ບໍ່ພຽງແຕ່ໜູນຊ່ວຍດ້ານການສຶກສາເທົ່ານັ້ນ, ທ່ານນາງຮ້ອຍເອກພິເສດ ຫວູຫງວຽດແອັງ ຍັງເອົາໃຈໃສ່ເຖິງການຍົກສູງຄວາມຮັບຮູ້ຂອງນັກຮຽນຍິງກ່ຽວກັບສິດທິຂອງຕົນ.

leftcenterrightdel
ທ່ານນາງຮ້ອຍເອກພິເສດ ຫວູຫງວຽດແອັງ ກັບພວກນ້ອງນັກຮຽນຢູ່ຊູດັງໃຕ້.

ທ່ານຮ້ອຍເອກພິເສດ ຫວູຫງວຽດແອັງ ໃຫ້ຮູ້ວ່າ: “ຍາມໃດ ຂ້າພະເຈົ້າ ກໍ່ປາດຖະໜາຢາກພວກນ້ອງນ້ອຍແຕ່ລະຄົນ, ພິເສດແມ່ນເດັກຍິງ, ຮັບຮູ້ວ່າ ພວກນ້ອງນ້ອຍມີຄວາມສາມາດຕັດສິນອະນາຄົດຂອງຕົນ. ການສຶກສາບໍ່ພຽງແຕ່ແມ່ນເສັ້ນທາງຊ່ວຍພວກນ້ອງນ້ອຍຫຼຸດພົ້ນອອກຈາກຄວາມຫຍຸ້ງຍາກໃນປະຈຸບັນເທົ່ານັ້ນ ຫາກຍັງແມ່ນວິທີການຊ່ວຍພວກນ້ອງນ້ອຍ ມີການປ່ຽນແປງໃນວົງຄະນະຍາດຢ່າງແທ້ຈິງ”.

ຮ່ວມເດີນທາງກັບໂຮງຮຽນ, ຄະນະປະຕິບັດງານໄດ້ມອບປຶ້ມ ແລະເຄື່ອງມືຮັບໃຊ້ການຮ່ຳຮຽນ ເພື່ອໜູນຊ່ວຍພວກນ້ອງນ້ອຍໃນເສັ້ນທາງຊອກຫາຄວາມຮູ້. ທ່ານ Alith Ngok, ຄູສອນຢູ່ໂຮງຮຽນ, ຕື້ນຕັນໃຈແບ່ງປັນວ່າ: ການມີໜ້າຂອງບັນດານາຍທະຫານຮັກສາສັນຕິພາບ, ພິເສດແມ່ນທ່ານນາງຮ້ອຍເອກພິເສດ ຫວູຫງວຽດແອັງ, ບໍ່ພຽງແຕ່ຊ່ວຍໂຮງຮຽນມີຄວາມໄວ້ເນື້ອເຊື່ອໃຈເທົ່ານັ້ນ ຫາກຍັງຕໍ່ກຳລັງໜູນເພື່ອພວກຂ້າພະເຈົ້າຜ່ານຜ່າຄວາມຫຍຸ້ງຍາກອີກດ້ວຍ”. ສ່ວນນ້ອງ Alice Kolong, ນັກຮຽນ ມ1 ກໍ່ສະແດງຄວາມໃຝ່ຝັນ: “ນ້ອງ ຮູ້ສຶກດີໃຈຍ້ອນວ່າໄດ້ຮັບປຶ້ມ ແລະຮຽນນຳປ້າ ແລະລຸງ. ຫຼານຢາກຮຽນເກັ່ງເພື່ອຊ່ວຍພວກນ້ອງນ້ອຍ, ຄືປ້າ ແລະລຸງທີ່ໄດ້ຊ່ວຍຫຼານໃນປະຈຸບັນ.

ແຜ່ຂະຫຍາຍຮູບພາບຫວຽດນາມ ຢູ່ເວທີປາໄສສາກົນ

ຜ່ານບັນດາກິດຈະກຳໜູນຊ່ວຍການສຶກສາ, ປົກປ້ອງສິດທິເດັກ ແລະຊຸກຍູ້ຄວາມສະເໝີພາບລະຫວ່າງຍິງ-ຊາຍ, ທ່ານນາງຮ້ອຍເອກພິເສດ ຫວູຫງວຽດແອັງ ບໍ່ພຽງແຕ່ແຜ່ຂະຫຍາຍສານມະນຸດສະທຳເທົ່ານັ້ນ ຫາກຍັງສະແດງໃຫ້ເຫັນບົດບາດນັບມື້ນັບສຳຄັນຂອງພົນທະຫານຍິງຫວຽດນາມ ໃນການເຄື່ອນໄຫວຮັກສາສັນຕິພາບ. ກິດຈະກຳນີ້ບໍ່ພຽງແຕ່ສະແດງໃຫ້ເຫັນຈິດໃຈຮັບຜິດຊອບຂອງກຳລັງຮັກສາສັນຕິພາບຫວຽດນາມ ເທົ່ານັ້ນ ຫາກຍັງປະກອບສ່ວນເຂົ້າໃນການປະຕິບັດສອງເປົ້າໝາຍພັດທະນາແບບຍືນຍົງ: ການສຶກສາຄຸນນະພາບ ແລະຄວາມສະເໝີພາບລະຫວ່າງຍິງ-ຊາຍ ໃນໂຄງການດຳເນີນງານ 2030 ຂອງສະຫະປະຊາຊາດ. ນີ້ບໍ່ພຽງແຕ່ຄວາມພາກພູມໃຈຂອງເອື້ອຍ ເທົ່ານັ້ນ ຫາກຍັງເປັນບາດກ້າວເດີນສຳຄັນຕໍ່ກັບຫວຽດນາມ ໃນພາລະກຳສັນຕິພາບສະຫະປະຊາຊາດ.

leftcenterrightdel
ທ່ານພັນໂທ Maduk Dang ພ້ອມກັບທ່ານນາງຮ້ອຍເອກພິເສດ ຫວູຫງວຽດແອັງ ໂອ້ລົມກັບບັນດານັກຮຽນ.

ໄປນຳຄະນະປະຕິບັດງານ, ທ່ານພັນໂທ Maduk Dang, ນາຍທະຫານສື່ສານ ຊູດັງໃຕ້, ຮັບຮູ້ການປະກອບສ່ວນຂອງກອງທັບປະຊາຊົນຫວຽດນາມ ໃນພາລະກຳຮັກສາສັນຕິພາບຢູ່ຊູດັງໃຕ້. ຕາມທ່ານແລ້ວ, ບັນດານາຍ ແລະພົນທະຫານຫວຽດນາມ ບໍ່ພຽງແຕ່ເຮັດສຳເລັດໜ້າທີ່ວິຊາການເທົ່ານັ້ນ ຫາກຍັງໜູນຊ່ວຍວົງຄະນະຍາດ, ພິເສດໃນຂົງເຂດການສຶກສາ ແລະປົກປ້ອງສິດທິເດັກ. ທ່ານພັນໂທ Maduk Dang ເນັ້ນໜັກວ່າ: “ດ້ວຍຈິດໃຈຮັບຜິດຊອບ ແລະການເຮັດວຽກຢ່າງສຸດຈິດສຸດໃຈຂອງກອງທັບປະຊາຊົນ ຫວຽດນາມ ໄດ້ສ້າງຄວາມຕັ້ງໜ້າ, ຊ່ວຍສ້າງຄວາມໄວ້ເນື້ອເຊື່ອໃຈລະຫວ່າງ UNMISS ແລະປະຊາຊົນທ້ອງຖິ່ນ, ພ້ອມທັງນໍາມາເຊິ່ງຄຸນຄ່າມະນຸດສະທໍາຢ່າງເລິກເຊິ່ງ”.

ບົດບາດຂອງກອງທັບປະຊາຊົນຫວຽດນາມ ບໍ່ພຽງແຕ່ສະແດງໃຫ້ເຫັນຜ່ານການເຄື່ອນໄຫວຮັກສາສັນຕິພາບເທົ່ານັ້ນ ຫາກຍັງຜ່ານຄວາມມານະພະຍາຍາມຊຸກຍູ້ການພັດທະນາແບບຍືນຍົງ, ປົກປ້ອງສາມັນຊົນ ແລະສ້າງພື້ນຖານສັນຕິພາບທີ່ຍາວນານ. ບັນດານາຍ ແລະພົນທະຫານຄືທ່ານຮ້ອຍເອກພິເສດ ຫວູຫງວຽດແອັງ ໄດ້ປະກອບສ່ວນສຳຄັນເຂົ້າໃນການຍົກສູງຖານະບົດບາດສາກົນຂອງຫວຽດນາມ, ຢືນຢັນຈິດໃຈຮັບຜິດຊອບ, ຄວາມສາມັກຄີ ແລະມະນຸດສະທຳໃນພາລະກຳທົ່ວໂລກ.

ໂດຍ: ແສງເດືອນ