ກອງຊ່າງແສງເລກ 3 ປະ​ຕິ​ບັດ​ສຳ​ເລັດ​ການກວດ​ກາ​ຄວາມ​ສາ​ມາດ​ປະ​ຕິ​ບັດ​ໜ້າທີ່​ຢູ່​ຄະ​ນະ​ປະ​ຕິ​ບັດ​ງານ UNISFA

ຄະນະກວດກາແລກປ່ຽນກ່ຽວກັຜົນການກວດກາ. ພາບ: vov.vn

ຕາມການຕີລາຄາຂອງຄະນະກວດກາແລ້ວ, ກອງຊ່າງແສງເລກ 3 ຂອງຫວຽດນາມ ໄດ້ສະແດງອອກຢ່າງເປັນມືອາຊີບ, ມີລະບຽບວິໄນ, ເຂັ້ມງວດ ແລະມີຄວາມສາມາດດ້ານວິຊາສະເພາະຢ່າງພົ້ນເດັ່ນ. ກົມກອງໄດ້ເປັນເຈົ້າການແກ້ໄຂບັນດາສິ່ງທ້າທາຍກ່ຽວກັບເງື່ອນໄຂດິນຟ້າອາກາດ, ພູມີສາດ ແລະຄວາມໝັ້ນຄົງຢູ່ເຂດ Abyei, ຮັບປະກັນປະຕິບັດບັນດາໜ້າທີ່ການເມືອງທີ່ໄດ້ຮັບການມອບໝາຍ, ຮັບມືກັບບັນດາກໍລະນີຮີບດ່ວນ ແລະໜູນຊ່ວຍປະຊາຄົມທ້ອງຖິ່ນໄດ້ເປັນຢ່າງດີ. ມີຫຼາຍໜ້າທີ່ໄດ້ປະຕິບັດສຳເລັດດີກວ່າໝູ່ ແລະໄດ້ຮັບການຍ້ອງຍໍຊົມເຊີຍຈາກອົງການເຈົ້າໜ້າທີ່ ແລະການນຳຄະນະ.

ບົດລາຍງານຂອງ UNISFA ກໍໄດ້ຮັບຮູ້ນ້ຳໃຈສາມັກຄີ, ທ່າທີການຮ່ວມມືທີ່ຕັ້ງໜ້າຂອງກົມກອງຫວຽດນາມ ກັບບັນດາກຳລັງສາກົນ ແລະປະຊາຊົນປະຈຳຖິ່ນ, ສິ່ງດັ່ງກ່າວໄດ້ປະກອບສ່ວນຢັ້ງຢືນກຳລັງຄວາມສາມາດຂອງຫວຽດນາມ ໃນພາລະກິດປະກອບສ່ວນເພື່ອສັນຕິພາບ, ສະຖຽນລະພາບຢູ່ພາກພື້ນ ແລະສາກົນ.

ໂດຍ: ວິທະຍຸກະຈາຍສຽງຫວຽດນາມ